Sakariạ 13:1 - সান্তালী বাইবেল

^1-2 “Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

Sakariạ 13:1 Referans Kwoze

Sereńko 51:2

Ińakʼ sanam ghạṭko khon ạrupʼ saphayińme; ińakʼ kại khon sapha utạr kạńme baṛe.

1 Korinthiko 6:11

Ape modre adomko do onkageko tahẽkana, menkhan Probhu Jisu Mạsi ńutumte ar aboren Isorren Jiu hotete ape dope ạrupʼ sapha ocoakana, ar Isor lạgitʼpe sonot ocoakana arpe dhorom ocoakana.

Johan 1:29

Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

Jeheskel 36:25

Ape cetanre saphakʼ reakʼ dakʼ iń chiṭkạu apea, ar onatepe saphakʼa; apeakʼ sanam hirkhạwakʼko ar boṅga murhutʼko khon apeń saphapea.

1 Johan 5:6

Nui kangeae Jisu Mạsi, one okoe do dakʼ ar mãyãm hoteteye hecʼlen. Eken dakʼ hotete do baṅ, bickom dakʼ ar mãyãm hoteteye hecʼlena. Sonot Jiu do noa reaṅ gohae emeda, ente uni do acʼgeye sạriyakʼtetʼ kana.

1 Johan 1:7

Menkhan Isor do cetʼleka marsalre menae ar onkage abo hõ marsalre bon taṛametʼ khan enḍekhan abo talare helmel menakʼtabona ar uniren Hopon Jisuakʼ mãyãm do sanam kại khone sapha bona.

Jirimiạ 17:13

E Probhu, Israelkoakʼ as, okoe amko bạgi akatʼme onko sanam do lajaoreko paṛao ocokʼa. Am ṭhen khon okoeko ruạṛ senakan onkoakʼ ńutum do dhuṛire olokʼtakoa, ente onko do jiwetʼ dakʼren jharna Probhuko bạgi akadea.

1 Patras 1:19

ape dope kiriń chaḍao akana niphuṭ ar bedagan Bheḍa Hopon Jisu Mạsiyakʼ mãyãmte.

Sakariạ 12:3

Enhilokʼ tinre sanam jạtrenko Jerusalem upạrteko jarwakʼa unre uni do sanam jạtrenko lạgitʼ mitʼṭecʼ hamal dhiri lekań hoeocoyea. Ar okoe ona dhiri rakapʼ reakʼko kurumuṭui onko do apnargeko ghạl ocokʼa.

Sereńko 51:7

Husopʼ dare reakʼ ḍạrte saphayińme, onate iń doń sapha utạrokʼa; ạrupʼ saphayińme, onate iń do pĩṛĩtʼ pĩṛĩtʼ ponḍ iń hoyokʼa.

Jeheskel 36:29

Iń do apeakʼ sanam besaphawakʼ khoniń rukhiyạpea. Ar aema phosolkoń emapea ar apeakʼ disạmre akal do ar bạń kola.

Jeheskel 36:17

“E Manwa hopon, Israelrenko akoakʼ disomreko girobasokʼ jokhecʼ onkoakʼ colon ar kạmiko hotete disạmko bhonḍleda. Ar ińakʼ mẽtʼre onkoakʼ colon do maejiukoakʼ candoteakʼ reakʼ besaphawakʼ lekage tahẽkana.

Jesaea 4:4

Probhu Isor do acʼren Jiu hotete seṅgelte dhorom reakʼe bicạrkote Sionren maejiukoakʼ mạilạkoe ạrupʼ saphaetakoa ar Jerusalem khon mãyãm reakʼ dage sạṅgiń giḍikakʼa.

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Jirimiạ 29:26

Am do Sephaniạm ol akawadea, ‘Probhu Isor do Jehoyada naeke bodolte amge naeke menteye ojokʼ bahal akatʼmea jemon Probhu Isorakʼ oṛakʼ reakʼ bhar am cetanre tahen. Jãhãe lelha hoṛ nạbi lekae kạmi khan uni dom hạṛi paṭayea ar hoṭokʼre mẽṛhẽtʼ sikṛitem tolea.

Jirimiạ 33:8

Ar iń upạrte okako kại akatʼ ona khoniń saphakoa ar iń upạrteko kạmi akatʼ onkoakʼ sanam bedhoromakʼ ar hulko hõń ikạitakoa.

Jeheskel 47:1

Ona tayom uni do mundil oṛakʼte bolokʼ hor ṭhene ruạṛ ạgukedińa, ariń ńelkeda mundil oṛakʼte bolokʼ hor reakʼ kandha khon dakʼ do purub secʼ ạtu oḍokokʼ kana. Mundil oṛakʼ do purub secʼ samaṅ akan tahẽkana. Ona dakʼ do mundil oṛakʼ reakʼ dạkhin aṛe reakʼ kandha khon pinḍ reakʼ dạkhin aṛete ạtu calakʼkan tahẽkana.

Levitikus 11:36

Ar onko modren jãhãege jharna se kuńreye ńurlen khan enḍekhan ona jharna se kuń do besaphawakʼ baṅ hoyokʼa; menkhan onkoakʼ mạ̃ṛĩ jãhãegeye joṭed unige besaphae hoyokʼa.

Jesaea 12:3

Ona iạte ape do hulạsate bańcao reakʼ kũń khon dakʼpe loya.

Mikạ 5:12

Iń do amakʼ gukʼnikoń nosṭo giḍikakʼa; ar mãyã biddạko beoharetʼ kan hoṛ do amre ar bako tahena.

Johan 5:4

Ar mitʼṭen serma goḍet do okte oktere ona pukhrire pheḍkate dakʼe laṛao oṭokakʼkan tahẽkana ar ona tayom pạhilre okoe ona dakʼreye pheḍ maṛaṅokʼ uni do joto lekan rog khone boge utạrokʼkan tahẽkana. Ar rugiko do dakʼ laṛaokʼ reakʼko koyokʼ horetʼ tahẽkana.