Sakariạ 12:4 - সান্তালী বাইবেল

⁴ Enhilokʼ iń do mitʼke mitʼ sadomkoń botor ocokoa ar aswari do lelhań hoyocokoa. Ar Jihudạren hoṛko lạgitʼ do sontorte nońjoriń dohoya, menkhan eṭakʼ jạtren joto sadom doń kãṛã ocokoa.

Sakariạ 12:4 Referans Kwoze

Sakariạ 12:3

Enhilokʼ tinre sanam jạtrenko Jerusalem upạrteko jarwakʼa unre uni do sanam jạtrenko lạgitʼ mitʼṭecʼ hamal dhiri lekań hoeocoyea. Ar okoe ona dhiri rakapʼ reakʼko kurumuṭui onko do apnargeko ghạl ocokʼa.

Dosar Biboron 28:28

Uni do koṅka-kuṅki, kãṛã ar andmandteye ńẽtʼpete ạḍiye kosṭo ocopea.

Sakariạ 12:6

“Enhilokʼ Jihudạren mukhiyạko do kaṭ reakʼ bojha talare jolokʼkan aṅgra leka ar phosol reakʼ binḍạ talare jolokʼkan mosal lekań hoyocokoa. Onko do jojomsa ar leṅgasa secʼ aḍepaseren sanam jạtrenko jomkoa, menkhan Jerusalemren hoṛ do arhõ akoakʼ ṭhạ̃iregeko girobasokʼa.

Aposkạmi 17:30

Ente sedaeren hoṛ do bako baḍaekan tahẽkante Isor do noako secʼ bae beṅgetʼletʼa. Menkhan ńitokʼ uni do sanam jaegare joto hoṛge kại khon mon ạcur lạgitʼe hukumako kana,

Sakariạ 14:15

Inạ mitʼ lekan mahamarige onko sanam lạṛhại phạdkoakʼ ḍeraren sadomko, khaccorko, ũṭko, gadhako ar eṭakʼ sanam janwarkoe ńẽtʼkoa.

Sakariạ 12:11

Enhilokʼ Jerusalemre ạḍitetʼ homor halaṅ hoyokʼa cetʼleka Megido ṭạnḍire Haddad Rimonre hoylen.

Sakariạ 10:5

Unre Jihudạren hoṛ do nonkan daṛean hoṛ lekako hoyokʼa onko do lạṛhạire ḍahar reakʼ losotʼ leka bạiriko lebetʼ khadbadaokoa. Ar iń do onko sãoteń tahente lạṛhạire aswarikoko bhagaokoa.

Sakariạ 9:8

Jhãpko calaoetʼkan lạṛhại phạdkoakʼ ti khon ińren hoṛkoń rukhiyạkoa. Jãhãn sasantaoko do tishõ ińren hoṛko ṭhen bako hijukʼa, ente ńitokʼ do ińgeń horhoyetʼkana.

Daniel 9:18

E ińren Isor, luturakʼme baṛe; ar ańjomme; amakʼ mẽtʼ jhijme ar okaṭakʼ nagraha do amakʼ ńutumte bikạuakan ona reakʼ ujạṛakʼ mitʼ dhao beṅgetʼakʼme. Aleakʼ gunte do baṅ bickom amakʼ maraṅ dayate am ṭhenle nehõrokʼ kana.

Jeheskel 39:20

Ińakʼ ṭebilre ape do lacʼ perecʼ sadomko reakʼ, rãt gạḍi cakʼlaoko reakʼ, daṛean hoṛko reakʼ ar sanam lạṛhại phạdko reakʼ jelpe joma.’

Jeheskel 38:4

Am do tayom secʼ iń ạcurmea ar amakʼ jambere bạ̃ṛsiń lagaoa ar amakʼ goṭa lạṛhại phạdko sãote, metakʼme sanam sadomko, mońj kicricʼ horokʼakatʼ aswariko ar lạṭu kạṭicʼ ḍhalko ar tarwaṛeko sudhạ mitʼ maraṅ okocʼ dol sãote amiń oḍok ạgumea.

Jirimiạ 24:6

Iń do bhạlạiko lạgitʼge onkoń ńel todarotkoa ar noa disạmteń ạgu ruạṛkoa. Onko doń benao rakapʼkoa, ar bạń dhaṅdhaserkoa; onko doń rohoekoa, ar bạń or totʼ giḍikoa.

Jesaea 37:17

E Probhu Isor, luturakʼ tińme baṛe; ar amakʼ mẽtʼ beṅgedtam, ńelme; Senakerib do jiwetʼ Isor henostawae lạgitʼ cetʼko kathae roṛ gotʼakada.

Jesaea 24:21

Enhilokʼ Probhu Isor do sermaren phạdkoe sạjạikoa, ar dhạrtire do rapajkoe sạjạikoa.

Nehemiạ 1:6

E Probhu Isor, nehõrokʼ kạnạń, amren guti lạgitʼ, metakʼme Israelko lạgitʼ iń amren guti do am samaṅre siń ńindạ okań koejoṅ kan ona baṛe luturakʼtińme. Ale Israelko am upạrte okale kại akatʼ ona doń aṅgocetʼ kana. Iń ar ińren ạpuń bõsren hoṛko do sạrigele ghạṭ akada.

2 Bõsbudạ 7:15

Niạ jaegare okaṭakʼ koejoṅ hoyokʼ ona lạgitʼ ińakʼ mẽtʼ ar lutur do jhicʼge tahena.

2 Bõsbudạ 6:40

“E ińren Isor, niạ jaegare okako koejoṅ hoyokʼ ona secʼ jemon ńitokʼ amakʼ mẽtʼ ar lutur jhicʼge baṛe tahenma.

2 Bõsbudạ 6:20

Ar okaṭakʼ jaega reakʼ katham menakatʼ, nonḍege amakʼ koejoṅ reakʼ oṛakʼ do hoyokʼa ona jaega secʼ metakʼme, niạ koejoṅ oṛakʼ secʼ amakʼ mẽtʼ do siń ńindạ beṅgetʼ akae baṛe tahenma. Ar niạ ṭhạ̃i secʼ samaṅkate amren guti do tinreye koejoṅa unre uniyakʼ koejoṅ baṛe ańjomtaeme.

2 Rapajko 6:18

Ar bạiriko do tinre Elisae secʼko pheḍ hijukʼkan tahẽkana unre uni do Probhu Isor ṭhene koekeda, “E Probhu noko hoṛ do ạndhuạ ocokom.” Elisaeyakʼ koe lekage Probhu Isor do onkoakʼ mẽtʼe ạndhuạ ocoketʼtakoa.

2 Rapajko 6:14

Unre raj do sadomko, rãt gạḍiko ar maraṅ lạṛhại phạdko onḍeye kolketʼkoa. Onko do ńindạ jokhecʼ senkate nagrahako gherao ạcurkeda.

1 Rapajko 8:29

Ar okaṭakʼ jaega reakʼem menakatʼ, ‘niạ ṭhạ̃i do ińakʼ tahen oṛakʼ hoyokʼa,’ ona ṭhạ̃i secʼ, metakʼme niạ koejoṅ oṛakʼ secʼ amakʼ mẽtʼ siń ńindạ beṅgetʼ akae baṛe tahenma; ar niạ ṭhạ̃i secʼ samaṅkate amren guti tinreye koejoṅa unre uniyakʼ koejoṅ baṛe ańjomtaeme.

Sakariạ 12:5

Unre Jihudạren mukhiyạko do mon monteko mena, ‘Jerusalemren hoṛkoge aleakʼ daṛe do, ente phạdkoren Probhu Isor do onkoren Isor kanae.’