Sakariạ 12:12 - সান্তালী বাইবেল

^12-14 Disạmren mimitʼ bõsren hoṛ do apan ạpin judạ judạko halaṅ homora. Dạud bõsrenko, Nathon bõsrenko, Liwi bõsrenko, Simại bõsrenko ar sarecʼ sanam bõsren hoṛko homor halaṅa. Herel hoṛko ar onkoren maejiuko hõ apan ạpin judạ judạko rakʼ homora.

Sakariạ 12:12 Referans Kwoze

Johan sodor 1:7

Ńelpe, uni do rimilteye hijukʼkana. Ar mitʼke mitʼ mẽtʼ do uniko ńelea; ar okoeko sobokʼ bhugạkʼlede onko hõ uniko ńelea ar dhạrtiren sanam jạtrenko do uni iạte koṛamko ceṭagokʼa. Ar onage hoyokʼ ma baṛe, Amen.

Luk 3:31

Eliạkim do Melearen hopon, Melea do Mennaren hopon, Menna do Mathatharen hopon, Mathatha do Nathanren hopon, Nathan do Dạudren hopon;

Mathae 24:30

Unre Manwa Hopon reakʼ cinhạ do sermare ńelokʼa. Ar dhạrtiren sanam gusṭirenko do dukte koṛamko ceṭagokʼa. Onko do Manwa Hopon daṛe ar ṭhonokante rimilte hijukʼkanko ńelea.

Sakariạ 7:3

Onko do phạdkoren Probhu Isorakʼ oṛakʼren naekeko ar nạbiko noa katha kuli lạgitʼko kolketʼkoa, “Unạkʼ bochor okalekale ceka ạguakatʼ onkage cetʼ mõṛẽakʼ candorele homor halaṅa arle upạsa?”

2 Samuel 5:14

Jerusalemre uniren okoeko gidrạko janamlen onkoakʼ ńutum do hoyokʼ kana Simiyi, Sobab, Nathon ar Solomon.

1 Korinthiko 7:5

Alope apan ạpinokʼa; menkhan solha mitʼkate koejoṅ lạgitʼ thoṛa din begarre tahẽ hataṛokʼpe; ona tayom do ar hõ mitʼ ruạṛokʼpe jemon apeakʼ bin sambṛaokʼ iạte Soetan aloe biḍạupe.

Joel 2:16

ar hoṛko jarwakate Isor ńutumte begar dohokope; murubbiko mitʼ jaegare hoho jarwakope, toa ńuńuko ar gidrạko hõ jarwakope. Jãwãe ar bạhu kuṛi do ạkinakʼ aṭetʼkin bạgi oṭowakʼma.

Jirimiạ 31:18

“Iń do khạṭige Ephrayimakʼ noa hae haeyokʼ doń ańjomakatʼgea, ‘am do bin etoakan mĩhũ lekam ḍanṭao akadińạ, ar ona iạte iń do sạjạiyiń ńam akada. Ruạṛińme, enḍekhaniń ruạṛ hijukʼa, ente am kangeam ińren Probhu Isor do.

Jirimiạ 13:18

Probhu Isor do ińe metadińạ, “Am do raj ar uniren eṅgatem metaea, ‘siṅghạson ṭhen khon pheḍ hijukʼ ben, ente abenakʼ ṭhonokanakʼ mukuṭ do abenakʼ bohokʼ khon ńur akana.

Jirimiạ 4:28

Dhạrti doe homor halaṅa ar coṭ sermako do ńutokʼa, ente ińge noa katha doń meneda. Noa do ińgeń ṭhik dohoakada; ona khon do bạń pạc ruạṛokʼa, ona doń hoeocoygea.”

Jirimiạ 3:21

Ceḍe ḍuṅgriko cetanre Israelkoakʼ rakʼjoṅ ar nehõr reakʼ aṛaṅ ańjomokʼ kana, ente onko do akoakʼ horko konḍea akatʼtakoa ar akoren Probhu Isorko hiṛiń akadea.

2 Samuel 12:1

Probhu Isor do unre Dạud ṭhen Nathan nạbiye kolkedea. Uni do Dạud ṭhen senkateye metadea, “Mitʼ nagrahare bar hoṛkin tahẽkana. Unkin modre mitʼ hoṛ do kisạ̃ṛ ar eṭakʼicʼ do ạḍitetʼ reṅgecʼe tahẽkana.

Exodus 12:30

Ona ńindạ Pharao ar acʼren sanam kạmiyạko ar Misor disạmren mitʼke mitʼ hoṛ do jạpitʼ khonko ebhenena; ar goṭa Misor disạmre maraṅ rakʼjoṅ ar hae haeyokʼ hoyena, ente mitʼṭecʼ oṛakʼ hõ baṅ badlena onḍe celege bako gocʼakan.

Sakariạ 12:11

Enhilokʼ Jerusalemre ạḍitetʼ homor halaṅ hoyokʼa cetʼleka Megido ṭạnḍire Haddad Rimonre hoylen.