Sakariạ 11:9 - সান্তালী বাইবেল

⁹ Ińiń menkeda, “Aperen gukʼpiko do bạń hoyokʼa. Okoeyakʼ gujukʼ reakʼ katha menakʼ uni doe gujukʼma ar okoeyakʼ pharakokʼ reakʼ katha menakʼ uni doe sạṅgińokʼma. Ar sarecʼko do ako akoakʼ jelko jomma.”

Sakariạ 11:9 Referans Kwoze

Jirimiạ 43:11

Uni do hecʼkate Misor cetanre jhãpe ema ar okoe gujukʼ lạgitʼko ṭhik dohoakan onko doko gujukʼa, ar okoe bondi idikʼ lạgitʼko ṭhik dohoakan onko doko bondi idiocokʼa ar okoe tarwaṛe lạgitʼko ṭhik dohoakan onko do lạṛhạiteko gujukʼa.

Johan sodor 22:11

ar okoe mạilạyicʼ uni do mạilạ iditegeye tahenma. Dhoromicʼ do dhorom iditegeye tahenma ar okoe doe sonotge uni do sonot iditegeye tahenma.”

Johan 12:35

Jisui metatʼkoa, ar thoṛa dinge ape talare marsaltetʼ menakʼa. Ape ṭhen marsal menakʼrege dãṛãnpe, jemon apere ńut do aloe jitạu daṛeakʼ.

Johan 8:24

Onateń metapekana, ape do apeakʼ kạirepe gujukʼa. Ar ińkangeạń mente bape pạtiạukʼkan khan apeakʼ kạiregepe gujukʼa.”

Johan 8:21

Jisu do arhõ Phạrusikoe metatʼkoa, “Iń doń calakʼkana. Arpe ńam baṛańa, menkhan ape do apeakʼ kạirepe gujukʼa. Ar okateń calakʼkan onḍe do ohope sen daṛelena.”

Mathae 21:43

Onateń metapekana, Isorakʼ raj do ape ṭhen khon rejogokʼa ar nonkan hoṛko ṭhen emogokʼa, one okoeyakʼ jionre ona rajosṭi reakʼ jo ńelokʼkan.

Mathae 21:19

Uni do hor aṛere mitʼṭecʼ loa dareye ńelketʼ khan dare ṭhene calaoena, menkhan onare sakam chaḍa ar cetʼge bae ńel ńamlakʼa. Unre uni do dareye metatʼa, “Amre ar tishõ alo jokʼma.” Ar unrege loa dare do rohoṛ gotʼena.

Mathae 15:14

Onko do apnartetʼko kãṛãgere hõ kãṛã ạyurko kanako. Ar kãṛã do kãṛãye ạyure khan banarge ghaḍlakʼrekin ńurokʼa.”

Jeheskel 5:10

Ona iạte am talaren apatko do akoren gidrạkoakʼ jelko joma ar gidrạko do akoren apatkoakʼ jelko joma. Iń do amiń sạjạimea ar amre sarecʼ jiwetʼ tahen hoṛ do beṛhaeteń chirchạturkoa.

Jirimiạ 23:39

enḍekhan khạṭigiń uṭhạupea ar iń samaṅ khoniń giḍikapea ar okaṭakʼ nagraha do ape ar aperen hapṛamkoń ematʼko tahẽkan ona nagraha hõ iń samaṅ khoniń lebda giḍikakʼa.

Jirimiạ 23:33

Probhu Isor do ińe metadińạ, “Noko hoṛ se jãhãe nạbi se naekeko tinre amko kulimea, ‘Probhu Isorakʼ katha do cetʼ kana mente?’ Unre onkom lạiyakoa, Probhu Isore meneda, ‘ape do ińren bojhako kanape ar iń doń giḍikapegea.’

Jirimiạ 19:9

Onkoren bạiriko, metakʼme onkoakʼ jiwi sendrako do tinre onkoko gherao esetʼkoa un reakʼ ona kosṭokʼ oktere iń do onkoren hopon ar hoponerakoakʼ jeliń jom ocokoa ar mitʼke mitʼ hoṛ do ako aḍepaseren hoṛkoakʼ jelko joma.’

Hosea 4:6

Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

Sakariạ 13:8

Goṭa disạm reakʼ pe hạṭiń reakʼ bar hạṭińren hoṛ doko gocʼ ocokʼa, menkhan iń Probhu Isorgeń meneda, ona modre pe hạṭiń do jiwetʼko tahena.