Sakariạ 11:8 - সান্তালী বাইবেল

⁸ Mitʼ cando bhitrite iń do pea gukʼpikoń laga ńirketʼkoa. Ar palrenko do iń kurudạńko ehopʼena ar ińhõ onko iạteń laṅga cabayena.

Sakariạ 11:8 Referans Kwoze

Johan 15:18

“Dhạrtiren hoṛkoko kurudape khan, baḍaepe ape lahare onko do ińgeko kurudạńkana.

Johan 7:7

Dhạrtiren hoṛko ape do bako kurudapea menkhan iń doko kurudạńgea, ente onko reaṅ noa gohań emeda je, onkoakʼ joto kạmi do bạṛicʼgetakoa.

Jesaea 49:7

Hoṛko okoeko nihạ̃t giḍi akade arko hirkhạwaekan, okoe doe disạm cakʼlaokoren golamkan, uni Israelren sonoticʼ ar chakʼḍaoicʼ do Probhu Isor niạ kathae metaekana, “Rapajko do am ńelteko beredokʼa, ar mukhiyạko do amko ḍobokʼama, ente Probhu Isor do ame bachao akatʼmea; Israelren uni sonoticʼ doe pạtiạranicʼ kana.”

Luk 19:14

“Menkhan acʼakʼ disạmren hoṛko do uniko kurudaekan tahẽkana. Onate onko do uni tayomte hoṛ kolkateko roṛgotʼkada, ‘nui hoṛ ale cetanreye rajokʼ do bale khojkana.’

Hosea 5:7

Onko do Probhu Isor ṭhen bepạtiạranko hoyakana; onko do bidhuạ gidrạko janametʼkoa. Ar onatege ńitokʼ molokʼ cando do onkoakʼ porobkoe lakopʼtakoa akoakʼ khet baṛge sudhạ.

Ibriko 10:38

Okoe hoṛ dhorom menteń ataṅ akade uni do pạtiạu hotetege jione ńama; menkhan jãhãegeye ruạṛ calakʼ enḍekhan unire do kusi bạń tahena.”

Hosea 9:15

Probhu Isore meneda, “Gilgolre onko do akoakʼ joto lekan dusṭạmiko ehopʼleda, ar onḍe onko do hirkhạwakoń ehopʼena. Onkoakʼ kại iạte ińren hoṛko tala khoniń laga oḍokkoa. Onko do ar bạń dulạṛkoa; onkoren mukhiyạko doko huhulko kana.

Jirimiạ 14:21

Amakʼ ńutum rukhiyạitam lạgitʼ ale secʼ khon mẽtʼãhã do alom ạcurtama; amakʼ ṭhonokanakʼ siṅghạson reakʼ ṭhạ̃i do alom bemanot ocoya. Ale lạgitʼem bondobos akatʼ katha reakʼ baṛe disạime; ona do alogem bạtil giḍikakʼa.

Jirimiạ 12:8

Ińakʼ sompotti do birren mitʼṭen dhạcri kul leka hoyakana. Uni do iń ńelteye hạnḍrạukʼ kana, onate iń do uniń kurudae kana.

Sereńko 106:40

Onate Probhu Isorakʼ edre do onko hoṛ cetanre caṛhaoena; ar okoe acʼakʼ ạidạrireko tahẽkan onko doe hirkhạwatʼkoa.

Dosar Biboron 32:19

“Ona ńelte Probhu Isor do acʼren hopon ar hoponerako khon acʼakʼ mẽtʼãhãe danaṅketʼtaea, ente onko do edreteko khĩs ocoakadea.

Levitikus 26:44

Enhõ bạirikoakʼ disạmre tahen jokhecʼ bạń dea giḍi utạrkoa se bạń hirkhạ sạṅgiń utạrkoa jemon aloko marao utạrokʼ ar onko sãote ińakʼ bondobos hõ alo cabakʼ. Iń kangeạń onkoren Probhu Isor do.

Levitikus 26:30

Iń do apeakʼ pujạ reakʼ than boṭkocʼkoń marao giḍikatapea, dhup reakʼ pinḍkoń rạputʼ giḍikakʼa ar aperen bin jiwiyan debotako cetanre apeakʼ mạ̃ṛĩkoń ṭhikikakʼa, ar edre mẽtʼteń ńelpea.

Levitikus 26:11

Iń do bạń dea giḍikapea. Ape talaregeń girobasokʼa.

Luk 12:50

Iń do mitʼṭecʼ bạptisma ataṅ hoyokʼtińạ ar ona ạuri purạukʼ hạbicʼ ińakʼ duk do baṅ cabakʼtińạ.

Sereńko 78:9

Ephrayim hoponko do dhinkiạko tahẽkanre hõ lạṛhại hilokʼ doko pạc ruạṛlena.

Sereńko 5:5

Bạḍạiko do am samaṅre bako teṅgo ṭarhao daṛeakʼa; ar bạṛicʼakʼko kạmikan hoṛ dom kurudako kana.

Jirimiạ 6:30

Onko do nihạ̃t giḍiakan rupạ kanako, ente iń Probhu Isorge onko doe nihạ̃t giḍi akatʼkoa.”

Jeheskel 14:5

Israelkoakʼ ontor ńam ruạṛ lạgitʼge iń do noań onkaea, ente onko jotoge akoren boṅga muṭhạnko lạgitʼ ińko bạgi akadińạ.

Jeheskel 16:45

Am do uni eṅgat hoṛren hoponera kanam, okoe acʼren jãwãe ar gidrạkoe hirkhạwatʼko; ar am do onkan kuṛi boeharen kuṛi boeha kanam, okoe ạkinren jãwãe ar gidrạko kin hirkhạwatʼko. Eṅgam do Hitti maejiue tahẽkana ar ạpum do Amori hoṛge.

Hosea 4:6

Isor reaṅ ạkil begorte ińren hoṛko doko maraokʼkana. Ona ạkil bape moneyakʼkante iń hõ ińren naeke menkate bạń moneyape kana. Ape do aperen Isorakʼ ạn-ạrikope hiṛińakada, onate ińhõ aperen hopon ar hoponera koń hiṛińkotapea.

1 Rapajko 11:25

Solomon tinạkʼ din jiwetʼe tahẽkan unạkʼ din Reson do Israelko sãote bạiriye tahẽkana ar onako dinre Hadad hõ Israelko upạrteye kạmikan tahẽkana. Israelko upạrte mitʼṭen bạiri menkate Reson do Aram disạmreye rajokʼkan tahẽkana.