Sakariạ 11:6 - সান্তালী বাইবেল

⁶ Disạmren hoṛko cetanre iń do ar bạń dayakʼa; iń do mimitʼko ako aḍepaseren hoṛko ṭhen ar rajawakʼ tireń jimạkoa. Onko do disạmko jarkhara ar onkoakʼ ti khon okoege bạń bańcaokoa.”

Sakariạ 11:6 Referans Kwoze

Jirimiạ 13:14

Darkha rasa reakʼ kumko leka mimitʼ hoṛ do eṭakʼ hoṛ cetanreń tawakʼ gejerea; baṅ doe apatkan ar baṅ doe hoponkan jotogeń gejer cabakoa. Iń do daya hõ baṅ ar mãyã hõ bạń mãyãwakoa; onko doń marao cabakoa.’ ”

Mathae 22:7

Unre raj doe raṅgaoena ar acʼren palṭonkoe kolketʼkote khũniạhikoe maraoketʼkoa ar onkoakʼ nagrahakoe jeretʼ giḍikatʼtakoa.

Mikạ 5:8

Jạt jạtrenko talare Jakobren bańcao tahen hoṛ do bir janwarko talare dhạcri kul lekako hoyokʼa, bhiḍi pal talare dhạcri kul lekage; uni dhạcri kul do tinre bhiḍiko talareye bolokʼa unre onko doe sapʼkoa are or cirạkoa; ar celege onko do bako bańcao daṛeakoa.

Sereńko 50:22

“Okoe Isorpe hiṛiń akade ape do hudisokʼpe; ar baṅkhan iń doń or cirạpea, ar ape bańcaope lạgitʼ do cele hõ bako tahena.

Jakob 2:13

ente okoe bae daya akan, bicạrre uni hõ daya do bae ńama. Bicạr cetanre daya doe jitạukʼa.

Ibriko 2:3

Enḍekhan kại khon bańcaokʼ lạgitʼ Isor okaṭakʼ maraṅ bondobose dohoakatʼ ar ona babon bạsutakʼ khan enḍekhan cekate bańcao dobon ńama? Kại khon bańcao ńam reakʼ katha do pạhilre Probhu Jisugeye menleda ar okoe onako ańjomletʼ onko do ona bańcaokʼ reakʼ sạriạkʼtetʼ abo ṭhenko sạbud akada.

1 Thessalonikikko 2:16

Onko do aleko tạkicʼ darametʼlea jemon boṅgan hoṛ jạtrenko kại khon bańcaoko lạgitʼ jãhãn kathako alole lại daṛeako. Nonkate onko Jihudiko do siń sạṭupʼ kại cetan kạiko bojha joṅkana, ar Isorakʼ edre do purạte onkore hecʼ paṛaokʼ kana.

Johan 19:15

Onate onko do ãṭ aṛaṅte hohowateko menkeda, “Idiyem, idiyem ar kurus kaeme.” Pilạte metatʼkoa, “Aperen raj do cetʼ ińiń kuruskaea?” Maraṅ naekeko roṛ ruạṛadea, “Kạisạr chaḍa aleren do ar cele raj hõ bạnukʼkoa.”

Mathae 24:10

Unre ạḍi hoṛko tạkijokʼa ar mitʼ hoṛ do eṭakʼ hoṛe soprotea are hirkhạwaea.

Mathae 10:21

“Boeha do boehattetʼe soprotea gocʼ ocoye lạgitʼ ar apat do hopontetʼ, ar hoponko do go-baba upạrteko teṅgona arko gocʼ ocokoa.

Malaki 4:6

Uni do apatkoakʼ ontor akoren hoponko ar hoponerako secʼ ar hopon ar hoponerakoakʼ ontor do apatko secʼe ạcur ruạṛtakoa, ar hecʼkate sarap iạte disạm jemon aloń jarkhar.”

Sakariạ 14:13

Enhilokʼ Probhu Isor ṭhen khon maraṅ ḍamaḍolge onkore paṛaokʼa ar onko doko ńẽtʼ ocokʼa. Onko sanamkoge apan ạpin upạrte tiko epela.

Sakariạ 11:14

Ona tayom iń do Tonol ńutumanakʼ ona ṭheṅgań rạputʼketʼte Jihudạ ar Israel talare boeha reakʼ oka helmel tahẽkan onań nosṭokeda.

Sakariạ 11:9

Ińiń menkeda, “Aperen gukʼpiko do bạń hoyokʼa. Okoeyakʼ gujukʼ reakʼ katha menakʼ uni doe gujukʼma ar okoeyakʼ pharakokʼ reakʼ katha menakʼ uni doe sạṅgińokʼma. Ar sarecʼko do ako akoakʼ jelko jomma.”

Sakariạ 11:5

Okoe onkoko kirińetʼko onko doko guretʼkogea menkhan apnar do bin dusạn mente bako hudisokʼkana. Ar okoe onkoko ạkhrińetʼko onko doko mena, ‘Probhu Isorakʼge sarhao baṛe hoyokʼtaema, iń doń kisạ̃ṛ akana.’ Onkoren gukʼpiko do onko cetanre bako dayakʼ kana.

Sakariạ 8:10

Ona kạmi ạuri ehopʼre manwako reakʼ kuṛạige baṅ tahẽkana ar janwarakʼ hõ bhaṛa bako em daṛeakʼkan tahẽkana. Bạiri iạte celege khạtirjoma bako dãṛãnkan tahẽkana ente ińge mimitʼko do ako aḍepaseren hoṛko upạrteń uskurletʼkoa.

Hagae 2:22

Iń do eṭakʼ eṭakʼ jạtren rapajkoakʼ siṅghạson koń ulṭạu giḍikatakoa ar onkoakʼ ektiạriń marao utạra. Iń do rãt gạḍiko ar onaren cakʼlao koń ulṭạu giḍikoa; sadomko ar aswariko do uniren boehawakʼ tarwaṛeteko gujukʼa.

Mikạ 6:14

Ape dope jomgea menkhan bape bikʼa; lacʼre reṅgecʼ do tahengetapea. Apeakʼ jinisko mitʼ ṭhạ̃i khon eṭakʼ ṭhạ̃itepe idiygea menkhan cetʼge bape rukhiyạ daṛeakʼa, ar thoṛape rukhiyạ daṛeakʼ khan hõ ona do lạṛhạiteń marao giḍikatapea.

Hosea 2:10

Ar acʼren dulạṛiạwakʼ mẽtʼãhã samaṅrege uniyakʼ lajao paṛaoakʼ kạmi reakʼ iń sodortaea; ińakʼ ti khon uni do celege bako bańcao daṛeaea.

Hosea 1:6

Gomer do arhõe bhạrti hoṛmoyena ar uniren do armitʼṭen kuṛi hopone janamena. Unre Probhu Isor do Hoseae metadea, “Kuṛi hoponakʼ ńutum do Lo ruhamah. (metakʼme ‘Mãyãwạnicʼ do baṅa’) ente Israelren hoṛko do ar bạń dayawakoa, ar onko do baṅgeń ikạkoa.

Jeheskel 9:10

Ona iạte onko do mãyãte bạń beṅgetʼakoa, ar aṛakʼ hõ bạń aṛakʼkoa; ar okako cekayetʼ ona reakʼ kuṛại do onkoreń dula.”

Jeheskel 8:18

Onatege iń do edre seṅgelte onko sãoteń beohara; ar mãyãte do bạń beṅgetʼakoa ar aṛakʼ hõ bạń aṛakʼkoa. Ar ińakʼ lutur ṭhen ãṭ aṛaṅteko ragrehõ bạń ańjomtakoa.”

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Jesaea 3:5

Manwa do manwa, aḍepaseren hoṛko do aḍepaseren hoṛko santaokoa; kạṭicʼko do haṛamko upạrte ar nicạṛ hoṛ do manotan hoṛ upạrteko teṅgona.

Rak̕joṅ 2:21

Koṛa hoṛ ar haṛamko do kulhi dhuṛireko guṛdạu akana; ińren juạn ar juạniko do tarwaṛeteko hạ̃n akana. Amakʼ edrekʼ dinre am do onkom gocʼketʼkoa; onko dom kaman sapha akatʼkoa, ar bam mãyã akatʼkoa.

Rak̕joṅ 5:8

Golamkoge ale cetanre mạlikiko calaoeda; onkoakʼ ti khon bańcaole lạgitʼ celege bạnukʼkoa.