Sakariạ 11:3 - সান্তালী বাইবেল

³ Bhiḍi gukʼpikoakʼ homor halaṅ ańjompe; onkoakʼ bhage bhage ạtiń ṭạnḍiko do nosṭo caba akana. Dhạcri kulkoakʼ hạnḍrạu ańjompe; jordan reakʼ bir do ujạṛena.

Sakariạ 11:3 Referans Kwoze

Jirimiạ 50:44

Jordan reakʼ bir khon cetʼleka dhạcri kul do mońj ạtiń ṭạnḍire sikạr lạgitʼe oḍokʼ hijukʼ onkage mitʼ ripitʼre Babelrenko do akoakʼ disạm khoniń laga ńirkoa. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”

Aposkạmi 7:52

Nonkan jãhãe nạbi menakʼkoa, one okoe do aperen hapṛamko bako santao akatʼko? Se uni dhoromicʼ hoṛ, metakʼme Mạsiyakʼ hijukʼ reakʼ katha okoe doko lại lahaletʼ, onko hõko gocʼketʼkoa. Ar ńitokʼ ape do bạirikoakʼ tire Jisupe sapʼ ocokedete uni hõpe khũn ocokedea.

Mathae 15:14

Onko do apnartetʼko kãṛãgere hõ kãṛã ạyurko kanako. Ar kãṛã do kãṛãye ạyure khan banarge ghaḍlakʼrekin ńurokʼa.”

Sakariạ 11:8

Mitʼ cando bhitrite iń do pea gukʼpikoń laga ńirketʼkoa. Ar palrenko do iń kurudạńko ehopʼena ar ińhõ onko iạteń laṅga cabayena.

Sephaniạ 3:11

Ar ińre okako behok reakʼem kạmiakatʼ ona iạte enhilokʼ am dom lajaokʼa, ente niạ nagraha khon iń do sanam hulạsokʼ ar bạḍạiyokʼkan hoṛkoń oḍok giḍikoa. Ińakʼ sonot buru cetanre am do ar tishõ bam gorbokʼa.

Sephaniạ 3:3

Uniren rajren kạmiyạko do hạnḍrạukʼkan dhạcri kul leka ar disạm cakʼlaoko do ńindạren hunḍạr leka kanako; one setakʼ lạgitʼ cetʼge bako sarecʼ dohokakʼ kan.

Sephaniạ 1:10

Probhu Isor do arhõe meneda, “Enhilokʼ do hako phaṭok duạr ṭhen khon rakʼ reakʼ aṛaṅ ar nagraha reakʼ dosar hĩs khon homor halaṅ ar buruko secʼ khon do rạputʼ ńurokʼkan reakʼ saḍege ańjomokʼa.

Amos 8:8

Noa iạte cetʼ disạm do baṅ daldalaokʼa? Onare girobasokʼ kan jotoge cetʼ bako homor halaṅa? Goṭa disạmge Misor reakʼ nil gaḍa dakʼ leka se rakabokʼa ar ona tayom do pheḍ calakʼa.”

Joel 1:13

E naekeko, ape do gõṛẽ kicricʼ horokʼkate homor halaṅpe; ar okoeko pinḍre sewa reakʼpe kạmikan ape do rakʼ homorpe. Okoe ińren Isorpe sewawae kan ape hõ hijukʼte gõṛẽ kicricʼ horokʼkate ńindạ tahẽ aṅgakʼpe, ente aperen Isorakʼ oṛakʼre jomakʼ samaṅokʼ ar coḍor samaṅokʼakʼ porob do akoṭakana.

Hosea 10:5

Samariạreko girobasokʼ kan hoṛ do Beth-Abenren mĩhũ boṅga iạte botor caṛhao akatʼkoa. Uniren hoṛ doko homor halaṅeda ar uniren boṅgako sewawako kan naekeko doko hae haeyokʼ kana, ente boṅgako reakʼ ṭhonok do onko khon sạṅgiń ocoakana.

Jirimiạ 49:19

“Jordan reakʼ bir khon cetʼleka dhạcri kul do sikạr lạgitʼe oḍokʼ hijukʼ onkage mitʼ ripitʼre Edom do acʼakʼ disạm khoniń laga ńirea. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”

Jirimiạ 26:6

Onate niạ oṛakʼ do Silo lekań hoeocoya ar nonkań hoeocoya jemon dhạrtiren sanam jạtrenko niạ nagrahako sarapakʼ.’ ”

Jirimiạ 7:4

Probhu Isorakʼ oṛakʼ ńutumte oka eṛe katha roṛogokʼkan onare do alope bhorsakʼa.

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

Jirimiạ 2:15

Dhạcri kul doko hạnḍrạukʼ kana: uni upạrteko hạnḍrạukʼ kana. Onko do uniyakʼ disạmko ujạṛakada; ar uniyakʼ nagrahako doko ḍahao marao akada, onate onare do celege bạnukʼkoa.

Jesaea 65:15

Ińren bachao akan hoṛko do jãhãe henostako lạgitʼ apeakʼ ńutumko ńumtapea. Probhu Isor do apeye gocʼpea, menkhan acʼren golamko do ar mitʼṭecʼ ńutume emakoa.

Sereńko 22:21

Onko dhạcri kulkoakʼ moca khon de bańcaoińme. Onko bir sanḍ ḍaṅgrawakʼ dereń khon hõ amgem rukhiyạ kedeńạ.

Jesaea 5:29

Kul eṅga lekage onkoakʼ hạnḍrạukʼ do; onko do dhạcri kul lekako hạnḍrạukʼa ar guńjrạukʼ kanako akoren sikạrko lạgitʼ. Onko doko ger ạtkirkoa; ar celege bako rukhiyạ daṛelekoa.

Sakariạ 11:2

E saro dare, homor halaṅme, ente debdạru dare do bhinḍạṛena. Ar soros dareko hõ maraoena. E Bason reakʼ Elon dare, ape hõ homor halaṅpe, ente raṭen bir reakʼ sanam dareko do makʼ giḍi ocoakana.

Jeheskel 19:2

‘Dhạcri kulko talare amren eṅgam do soros utạr kule tahẽkana. Uni do juạn dhạcri kulko talareye giticʼkokʼ kan tahẽkana; ar acʼren hoponkoe jotonetʼko tahẽkana.