Sakariạ 11:12 - সান্তালী বাইবেল

¹² Iń do onkoń metatʼkoa, “Bhagepe hudisetʼ khan ińakʼ kuṛại em kạtińpe; ar bhage bape hudisetʼ khan do doho oṭokakʼpe.” Unre onko do pegel rupạ ṭakako emadińạ.

Sakariạ 11:12 Referans Kwoze

Mathae 26:15

“Apeakʼ tire Jisuń soprot lekhan cetʼpe emạńa?” Unre maraṅ naekeko do pegel rupạ ṭaka lekhawadeteko emadea.

Exodus 21:32

Uni dạṅgra do jãhãe guti se kạ̃ṛmĩye rokʼ goje enḍekhan uni ḍaṅgraren kisạ̃ṛ do uni guti se kạ̃ṛmĩren kisạ̃ṛ pe sae gram rupạ emae hoyokʼtaea, ar uni ḍaṅgra do dhiriteye tiń gocʼ ocokʼa.

Genesis 37:28

Ar Midiạnren bạnij-bepariko do tinreko hecʼ sorena unre Josephren boehako do kuń khonko or rakapʼkedea ar bargel rupạ ṭakate Ismaelren bepari ṭhenko ạkhrińkedea. Onko bạnij-bepariko do Misorte Joshepko idikedea.

Johan 13:2

Unre kedokʼ jokhecʼ Soetan do Simon hopon Jihudạ Iskariotakʼ monre bạirikoakʼ tire Jisu soprote lạgitʼ sanae rakapʼ ocoletʼtaea.

1 Rapajko 21:2

Ahab do Nabate metadea, “Amakʼ darkha bagwan imạńme ona do sobji bagwaniń benaoa, ente ona do ińakʼ raj doṅgol aṛerege menakʼa. Ona bodolte iń do arhõ bhage darkha bagwaniń emama arem menkhan ona reakʼ ṭhik dam hõń emama.”

2 Bõsbudạ 30:4

Niạ goṭateakʼ do raj ar sanam hoṛko ṭhen lek kana mente hudisena.

Mathae 27:9

Noate Jirimiạ nạbi hotete roṛlenakʼ katha purạuena: “Onko do pegel rupạ ṭakako hataokeda. Noa ṭaka do uniyakʼ dam kana. Israelko do uni lạgitʼ noa damko ṭhik dohoakatʼ tahẽkana.

Mathae 27:10

Probhu Isor cetʼlekae hukumletʼ tahẽkan onkage onko do kuṅkạl reakʼ goḍa lạgitʼ ona ṭakako emkeda.”

Genesis 23:16

Ephronakʼ katha ańjomkate Abraham do bạnij beparkoakʼ soṅ lekate pon keji irạl sae gram rupạ uniye soṅadea. Ephron do Hethrenko samaṅre noa pon keji irạl sae gram rupạ reakʼ kathae menleda.

1 Rapajko 5:6

“Onate hukum emokʼme iń lạgitʼ Lebanon disạm khon debdạru dareko jemon makʼ ạgukʼ. Ińren hoṛ hõ amren hoṛko sãoteko tahena ar am cetʼleka mujurim ṭhik dohoako onkage iń do amren hoṛkoń emakoa. Entem baḍaegea Sidonrenko do dare makʼ ar gegetʼreko gạkhuṛgea.”

Jirimiạ 32:9

Onate iń kakaren koṛa Hanamel ṭhen khon Anathot reakʼ ona jumiń kirińkeda ar mitʼsae irạlgel eae gram rupạń soṅadea.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Levitikus 27:4

ar ona umerren maejiuko lạgitʼ do pesae gram rupạ;