Sakariạ 10:9 - সান্তালী বাইবেল

⁹ Ar jạt jạtrenko talareń pasnao akatʼkore hõ sạṅgiń disạmre onko do ińko disạyińạ. Onko ar onkoren hopon ar hoponerako jiwetʼko tahena ar onko doko ruạṛ hijukʼa.

Sakariạ 10:9 Referans Kwoze

Jeheskel 6:9

Onko do boṅgan hoṛ jạtrenko talare iń reaṅ noa kathako disạya, onkoakʼ bepạtiạr ontor ar mẽtʼte cetʼ lekako duk ocoakadińạ mente; onkoakʼ ontor do iń khon ghańjeṛ akantakoa ar onkoakʼ mẽtʼ do boṅga murhutʼko ńamko lạgitʼ ahkaokʼ kantakoa. Onkoakʼ sanam bạṛicʼ ar hirkhạwakʼ kạmi lạgitʼ onko do apnartetʼko hirkhạjoṅa.

Mikạ 5:7

Jạt jạtrenko talare Jakobren bańcao tahen hoṛ do Probhu Isor ṭhen khonakʼ sisir dakʼ leka, ar ghãs cetanre achaṛ dakʼ lekage one ona do hoṛ bae tạṅgiko, ar baṅ do manwa hoponkoe koyokʼ horko.

Hosea 2:23

Iń lạgitʼge uni do disạmre itạ lekań ereya; ar okoeyiń metade tahẽkan, ‘ińren dayayicʼ hoṛ dom baṅkana’ unre unigeń dayawaea. Ar okoekoń metatʼko tahẽkan, ‘ińren hoṛ doko baṅkana,’ onko doń metakoa, ‘ape do ińren hoṛ kanape’ ar onko doko mena, ‘am kangeam aleren Isor do.’ ”

Jirimiạ 31:27

Probhu Isore meneda, “Okte hijukʼ kana one unre iń do Israelko ar Jihudạren hoṛko ar janwarko itạ lekań erkoa.

Jesaea 65:23

Onkoakʼ khaṭaoteakʼ do baṅ ạuṛiyagokʼa ar onkoren hoponko do muhinre bako paṛaokʼa, ente onko ar onkoren hoponko do Probhu Isorakʼ bhor ńamjoṅ hoṛko hoyokʼa.

Jesaea 65:9

Iń do Jakob khon ar Jihudạ khon mitʼṭen bõsiń beretʼkoa; onko do ińakʼ buru-ḍuṅgrikoren ạidạriko hoyokʼa. Ińren bachao akan hoṛ do onako ạidạrijoṅa ar ińren gutiko do onḍeko girobasokʼa.

Ester 8:17

Joto tabe disạm ar nagrahakore okare rajakʼ hukum seṭeren onḍenko Jihudiko do hulạsateko porobena. Ar eṭakʼ eṭakʼ jạtren ḍher hoṛ doko Jihudiyena, ente onko do Jihudiko ạḍiko botoratʼkoa.

Nehemiạ 1:9

menkhan iń ṭhenpe ruạṛ hijukʼ ar ińakʼ hukumkope dohoy ar ona lekape kạmi, enḍekhan aperen bondi akan hoṛko dhạrti reakʼ mitʼ mucạtʼreko tahenre hõ iń do onḍe khoniń hạr samṭaokoa ar tahen lạgitʼ okaṭakʼ ṭhạ̃iyiń bachao akawan onḍeń idikoa.’

Jirimiạ 51:50

Ape okoe do gujukʼ reakʼ ti khon rukhiyạpe ńamakatʼ dela hijukʼpe, alope biloma. Sạṅgiń disạmre tahenrege Probhu Isor disạiyepe ar Jerusalem reaṅ dạndikʼpe.

Amos 9:9

Iń do hukumiń emokʼa, ar calate guhum cetʼlekako calae onkage sanam jạtrenko tala khon Israel bõsrenkoń calakoa, menkhan muṭkuri do mitʼṭecʼ hõ otre baṅ ńurokʼa.

Romiko lạgitʼ Pạul Apostolakʼ ciṭhi 11:24

Am do mitʼṭecʼ bir jạitun dare reakʼ ḍạrem tahẽkana, ar ona dare khonem makʼ ạgu ocoyente bagwan reakʼ jạitun darerem kolom mitʼ ocoakana. Enḍekhan okoe ona dareren asol ḍạrkoko tahẽkan, onko do tinạkʼ algatege arhõ akoakʼ darereko kolom mitʼ ocokʼa!

Aposkạmi 8:4

Ado okoe biswạsiko chirchạtur akan tahẽkan onko do beṛhaete senkate Mạsiyakʼ bhage sombat porcarko dhurạuena.

Aposkạmi 8:1

Ar onḍe Sạul hõ uni gocʼ ocokʼre rạjigeye tahẽkana. Enhilokʼ Jerusalem manḍerren hoṛko upạrte maraṅ okocʼ khed ehopʼena. Onate apostolko chaḍa sanam biswạsiko do Jihudạ ar Samariạ disạm reakʼ ṭoṭhakoreko chirchạturena.

Jesaea 44:21

“E Jakob, E Israel, niạko disạ dohoyme, ente am do ińren guti kanam. Iń do amiń sirjạu akatʼmea, amge ińren golam do; E Israel bạń hiṛiń giḍimea.

Jesaea 64:4

Ona sedaeakʼ piṛhi khon am chaḍa ar jãhãe Isorakʼ katha do okoe hõ luturte bale ańjom akada, ar mẽtʼte hõ bale ńel akadea, one uni do acʼ ńeńelko lạgitʼe kạmiyetʼkan.