Sakariạ 10:11 - সান্তালী বাইবেল

¹¹ Iń do kosṭo reakʼ doreão talateń calakʼa ar doreão reakʼ ḍheokoń domona ar onate nil gaḍa reakʼ khạndri jaegako do rohoṛokʼa. Ạsur reakʼ bạḍại do rạputʼ ocokʼa ar Misor reakʼ ḍanṭao hõ sạṅgińokʼa.

Sakariạ 10:11 Referans Kwoze

Jeheskel 30:13

“ ‘Iń do Memphisren boṅga muṭhạnkoń marao utạrkoa, ar uniren murhutʼkoń cabakoa. Misorre do cele disạm cakʼlaokoge bako tahena ar disạm reakʼ sanam ṭhạ̃irege iń do botoriń paṛao ocoya.

Jesaea 43:2

Dakʼ talatem sen paromokʼre hõ iń do am são sãoteń tahena. Ar gaḍako secʼtem calakʼre hõ onako do bako ḍubạmea; ar seṅgel talatem parom calakʼre hõ, am do bam lokʼa; seṅgel lepʼ do bae jharkao daṛeama;

Johan sodor 16:12

Ona tayom turuyicʼ serma goḍet do maraṅ gaḍa Phurạtre acʼakʼ bạṭi reakʼe dulkeda. Onate purub disạmren rapajkoakʼ calakʼ hor tearokʼ lạgitʼ ona gaḍa reakʼ dakʼ do ańjetʼena.

Sephaniạ 2:13

Probhu Isor do utạr secʼ birudre ti tiạrkate Ạsurrenkoe marao giḍikoa ar Niniwi do ujạṛ utạrakʼ ar hahaṅkar leka khaṅgoṭ ṭhạ̃igeye hoeocoya.

Jesaea 51:10

Amge cetʼ khạndri jalapuri reakʼ dakʼ do bam ańjetʼ ocoleda? Amge cetʼ jalapuri bhitrite hor do bam tearleda one amren chaḍao akan hoṛko taṛam paromlen?

Jesaea 14:25

Ińakʼ disạm talare Ạsurren raj doń rạputʼ gejerea ar ińakʼ buru cetanreń lebetʼ gasmanḍaoea. Unre ińren hoṛko ṭhen khon uniyakʼ arãṛ do sạṅgińokʼa ar onkoakʼ taren khon bojha hõ ocogokʼa.”

Sereńko 114:5

E doreão, amakʼ do cetʼ hoyena? Cedakʼ am dom dạṛkeda? E Jordan, dakʼ ạtukʼ do cedakʼem pạc ruạṛ ocokeda?

Sereńko 114:3

Onko ńelte arakʼ doreão do ńir pharakena, ar jordan gaḍa do cetan secʼ ạtukʼ ehopʼena,

Esra 6:22

Onko do eae din hạbicʼ rạskạ salakʼ bin khạmiyanakʼ piṭhạ porobko porobena. Onko do rạskạteko perecʼena, ente Ạsurren raj jemon Israelren Isorakʼ oṛakʼ reakʼ kạmireye goṛowako onate Probhu Isor do uniyakʼ mone ạcruletʼtaea.

2 Rapajko 2:14

Ar ona oyonakʼte uni do dakʼe dalketʼteye menkeda, “Eliạren Probhu Isor ńitokʼ do okare menama?” Are dalketʼ khan dakʼ do bar hạṭińena, ar rukhạṛgeye paromena.

2 Rapajko 2:8

Eliạ do acʼakʼ hoṛmo reakʼ oyonakʼe lạṭumkeda ar onate jordan gaḍa dakʼe dalkeda. Onate dakʼ do bar hạṭińena ar unkin do rukhạṛge kin paromena.

Jesaea 51:9

E Probhu Isorakʼ daṛeanakʼ ti, ma ebhenokʼme, beredokʼme ar amakʼ daṛe baṛe sodortam. Cetʼleka sedae khonem tahẽkan, cetʼleka piṛhike piṛhim beretʼlen onkage baṛe beredokʼme. Amge cetʼ Rahab do bam chaka chunledea? Silodam danob do cetʼ amge bam sobokʼ tapʼledea?

Genesis 8:1

Jahajre Noha ar uni sãote tinạkʼ ạsul ar bir janwarko tahẽkan Isor do onkoakʼ katha bae hiṛińleda. Uni do dhạrti cetanre hoeye ạgukeda, ar onate dakʼ do ańjedokʼ ehopʼen.

Jesaea 19:16

Enhilokʼ Misorren hoṛko do maejiu lekako hoyokʼa. Onko upạrte phạdkoren Probhu Isor do tiye rakabtaea ar ona ńelte onko do botorteko thar tharaokʼa.

Jesaea 44:27

Athantar dakʼ doń metakʼa, ‘rohoṛokʼme; iń do amakʼ gaḍakoń ańjetʼ ocoya.’