Sakariạ 10:10 - সান্তালী বাইবেল

¹⁰ Misor disạm khon iń do onkoń ruạṛ ạgukoa ar Ạsur khoniń jarwakoa. Gilead ar Lebanonteń ạgukoa ar nunạkʼ hoṛko hoyokʼa, onḍe onkoakʼ jaega do baṅ anṭaokʼa.

Sakariạ 10:10 Referans Kwoze

Hosea 11:11

Misor khon cẽṛẽ leka, ar Ạsur khon do potam leka onko do thar tharaokʼ tulucʼ iń ṭhenko hijukʼa. Ar iń do onkoakʼ oṛakʼregeń dohokoa. Iń Probhu Isorge noa katha doń meneda.”

Sakariạ 8:7

Iń do arhõń meneda, purub disạmrenko ar pạchim disạmrenko khon ińren hoṛkoń rukhiyạkoa.

Mikạ 7:14

E Probhu Isor, am do ṭheṅgate gukʼpiko leka amren hoṛko ạtińkom. Ente onko do amakʼ palren kangeako. Onko beṛhaete ạtiń ṭạnḍi menakʼre hõ onko do eskarge hahaṅkarreko girobasokʼ kana. Ḍher din lahare cetʼlekako ạtińkan tahẽkan onkage Bason reakʼ Gileadre jemonko ạtiń daṛeakʼ.

Obodiạ 1:20

Bondi dosare tahen Israelko do hecʼkate Sarephat hạbicʼ Kananikoakʼ disạmko ạidạri joṅa; ar bondi dosare tahẽkan Jerusalemren hoṛ okoe do Sepharatre menakʼko onko do hecʼkate Negeb reakʼ atoko ạidạri joṅa.

Jirimiạ 50:19

Menkhan Israel do acʼakʼ ạtiń ṭạnḍiteń ruạṛ ạguiyea uni do Karmel ar Basanreye ạtińa; Ephrayim ar Gilead reakʼ burukore acʼakʼ jiwiye tirpit ocoytaea.

Jirimiạ 22:6

Jihudạ raj oṛakʼ reakʼ sanam ṭhạ̃i reaṅ Probhu Isore meneda, “Am do iń ṭhen Gileadrenko leka ar Lebanon reakʼ buru muthni leka kanrehõm khạṭige am do hahaṅkar ṭoṭha reakʼ ujạṛakʼ nagraha lekań hoyocomea.

Jesaea 60:22

Ape modre huḍiń utạricʼ do hajar hajare saṅgekʼa, ar kạṭicʼ utạricʼ do daṛean jạtgeye hoyokʼa. Iń kangeạń Probhu Isor do; okte nạpitre ińge usạrateń hoeocoya.”

Sakariạ 8:8

Jerusalemre girobasokʼ lạgitʼge onko doń ruạṛ ạgukoa. Onko do ińren hoṛko hoyokʼa ar iń do onkoren Isoriń hoyokʼa; ar onkore pạtiạr ar dhoromgeń tahena.

Hosea 11:10

Amren hoṛ do ińko pańjayińạ, ente iń do dhạcri kul lekań hạnḍrạukʼa. Ar ińiń hạnḍrạu tayom ińren hoponko do pạchim secʼ khon thar tharaokʼ tulucʼko hijukʼa.