Sakariạ 1:9 - সান্তালী বাইবেল

⁹ Iń doń kuliyana, “E ińren Probhu Isor, noako do cetʼkana?” Ar mitʼṭecʼ serma goḍet one okoe do iń sãote kathae roroṛkan tahẽkan uniye menkeda, “Onako cetʼkan ona do amiń udukʼama.”

Sakariạ 1:9 Referans Kwoze

Sakariạ 5:5

Ona tayom uni serma goḍet do laha nõkʼ hecʼkateye metadińạ, “Am do coṭ secʼ beṅgedme cetʼ hijukʼkana?”

Sakariạ 2:3

Okoeṭakʼ serma goḍet do iń sãoteye galmaraokan tahẽkan uni doe calakʼkan tahẽkana, ar un jokhecʼ armitʼṭen serma goḍet do uni sãote ńapamokʼ lạgitʼe hecʼena.

Sakariạ 1:19

Ar okoeṭakʼ serma goḍet do iń sãoteye galmaraokan tahẽkan uniń kulikedea, “Noako do cetʼ kana?” Uni doe roṛ ruạṛạdińa, “Noa do onako dereńkana oka do Jihudạ, Israel ar Jerusalemren hoṛko eṭakʼ eṭakʼ ṭhạ̃ireye chirchạtur akatʼko.”

Sakariạ 4:11

Unre iń do uni serma goḍet iń kulikedea, “Ona diuhe dohowakʼ reakʼ jojomsa aṛere ar leṅgasa aṛere oka barea jạitun dare menakʼ onakin do cetʼkana?”

Daniel 7:16

Okoe onḍeko teṅgo akan tahẽkan iń do onko mitʼ hoṛ ṭhen senkate noako reakʼ manetetʼ iń kuliyana. Unre uni do noa menkate onako reakʼ bhede bhaṅgaoạdińa,

Genesis 31:11

Kukmũ talarege Isorren goḍet do ińe hohowạdińạ, ‘E Jakob.’ Unre ińiń menkeda, ‘Hẽ minạńgea.’

Sakariạ 1:13

Unre okoeṭakʼ serma goḍet do iń sãoteye galmaraokan tahẽkan Probhu Isor do uni ḍher bhạlại ar jiwi raṛecʼ reakʼ kathae metadea.

Sakariạ 4:1

Ona tayom okoeṭakʼ serma goḍet do iń sãoteye galmarao kan tahẽkan uniye ruạṛ hecʼena ar jạpitʼ khon ebhenkediń lekae ebhenkedińa.