Sakariạ 1:4 - সান্তালী বাইবেল

⁴ Aperen hapṛamko leka do alope hoyokʼa. Onko ṭhen lahaten nạbiko do niạ kathageko lạileda, jemon onko do akoakʼ bạṛicʼ hor ar bạṛicʼ hewa khonko ruạṛ hijukʼ. Menkhan bako ańjomleda ar ińakʼ katha hõ bako hetawada.

Sakariạ 1:4 Referans Kwoze

Sereńko 78:8

Onate onkoren hapṛamko leka onko do ṭenḍos ar huhulko do bako hoyokʼa; onko hapṛamkoakʼ ontor do Isor secʼ pạtiạr baṅ tahekana ar mon hõ baṅ tahẽkantakoa.

Jeheskel 33:11

Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?

Jirimiạ 35:15

Iń do ińren sanam gutiko, metakʼme nạbiko aema dhao ape ṭheniń kolletʼkoa. Onkoko metatʼpe tahẽkana, ‘bạṛicʼ hor khon ruạṛpe ar colonko bhageytape; ar debotako sewawako lạgitʼ do alope pańjakoa. Enḍekhan okaṭakʼ disạm do ape ar aperen hapṛamkoń em akatʼpe onḍepe thamgạḍi akanpe tahena.’ Menkhan ape do ińakʼ katha bape moneyada ar ańjom hõ bape ańjomleda.

Sakariạ 1:3

Ona iạte am do hoṛkom metakoa, phạdkoren Probhu Isore meneda, ‘iń ṭhen ruạṛ hijukʼpe, enḍekhan iń hõ apeń beṅgetʼapea.

1 Patras 1:18

Baḍaegeape, jion horte calakʼ lạgitʼ aperen hapṛamko ṭhen khonpe ńamakatʼ bạṛicʼ colon khon sona se rupạ leka heṛokʼ jãhãn jiniste do bape kiriń chaḍao akana;

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Mikạ 2:6

Aperen nạbiko do aleko metalekana, “Noako katha do alope mena, ar niạko reaṅ jãhãn katha hõ alope roṛa, ente ale cetanre opoman do baṅ hijukʼa.”

Amos 5:24

Ona khon bickom hok do gaḍa leka ar dhorom do jaejug ạtukʼkan dakʼ leka baṛe hoyokʼma.

Hosea 14:1

E Israelren hoṛko, aperen Probhu Isor ṭhen ruạṛ hijukʼpe. Apeakʼ kại iạtege ape dope ńur akana.

Jirimiạ 44:16

“Probhu Isor ńutumte okako katham lạiyale kan ona do bale ańjomtama.

Jirimiạ 26:5

ona chaḍa aema dhao ińren golamko, metakʼme nạbiko ape ṭheniń kolletʼkoa menkhan ape do onkoakʼ katha hõ bape ańjomletʼtakoa.

Jirimiạ 18:11

“Ona iạte am do Jihudạ ar Jerusalemren hoṛkom metakoa, Probhu Isore meneda, ‘ńelpe, ape lạgitʼ muhin reakʼ iń hudis akada ar ape upạrte mitʼṭecʼ iń goṭa akada. Onate ape do apeakʼ bạṛicʼ hor khon ruạṛokʼte bhageakʼ colonpe ar bhageakʼko kạmipe.’

Jirimiạ 3:12

Am do senkate utạr secʼ samaṅkate noako sombat lại jạhirme: ‘iń Probhu Isorgeń meneda, E bạṛicʼ horte ghańjeṛ akan Israel, dela ruạṛ hijukʼme. Kurkunḍucʼkate am secʼ beṅgetʼ akae do bạń tahena; ente iń doń dayawạnicʼ kana, onate jaejug hạbicʼ edre akan do bạń tahena.

Jesaea 31:6

E Israelrenko, okoe upạrte nunạkʼpe hulletʼkan uni ṭhen ruạṛ hijukʼpe,

Nehemiạ 9:30

Menkhan enhõ ḍher bochor hạbicʼ onkoakʼem sahaoleda. Amren nạbiko ar amren jiu hotete onkom sontorletʼkoa, menkhan onko do ona bako luturatʼ tahẽkana. Onate am do eṭakʼ eṭakʼ jạtrenkoakʼ tirem jimạletʼkoa.

Nehemiạ 9:26

“Menkhan enhõ onko do bebatao iạte am upạrteko hulkeda; ar amakʼ ạn-ạriko bạgiyada. Amren okoeko nạbi do am secʼ ruạṛ lạgitʼko sontoretʼko tahẽkan onko nạbi doko gocʼketʼkoa; ar am do ạḍi bạṛicʼko opomanketʼmea.

Nehemiạ 9:16

“Enhõ aleren hapṛamko do bạḍạiteko perecʼlena; onko do hoṭokʼko keṭecʼletʼ takoa ar amakʼ hukumko bebataoleda.

Esra 9:7

Aleren hapṛamkoakʼ okte khon ehopʼkate teheń hạbicʼ ạḍitetʼle ghạṭ akada. Aleakʼ kại gunạkʼtege ale ar aleren rapajko, ar naekeko do eṭakʼ rajakʼ tireko bondi ocoakana arko gocʼ ocoakana, onko doko luṭ ocoakana arko bemanot ocoakana ar teheń hõ inạ dosarege menakʼa.

2 Bõsbudạ 34:21

“Okaṭakʼ puthi ńamen onare cetʼ ol menakʼa ona do senkate Israel ar Jihudạren sarecʼ hoṛko lạgitʼ Probhu Isor ṭhen kulijoṅpe. Aboren hapṛamko do Probhu Isorakʼ katha leka bako senlente ar niạ puthire olakan lekahõ bako kạmiletʼte uniyakʼ edre do abore paṛao akana.”

2 Bõsbudạ 30:7

Ape do aperen hapṛamko ar aperen Israel boehako leka do alope hoyokʼa. Onko do onkoren hapṛamkoren Probhu Isor cetanre bepạtiạrko tahẽkante ạḍiye sạjạiyletʼkoa. Ape do onape ńeletʼkangea.

Jirimiạ 4:1

Probhu Isore meneda, “E Israel, ruạṛ hijukʼem menetʼ khan iń ṭhenge ruạṛme. Ińakʼ mẽtʼãhã samaṅ khon amren hirkhạwan boṅga murhutʼkom sạṅgiń giḍikako ar bạṛicʼ horte bam senokʼ,

Jirimiạ 23:22

Menkhan iń samaṅreko teṅgolen khan onko do ińren hoṛko ṭhen ińakʼ kathako lại jạhirkea ar bạṛicʼ hor ar bạṛicʼ kạmi khon onkoko ruạṛkekoa.”

Jeheskel 20:18

Onḍe onkoren hoponko ar hoponerakoń metatʼkoa, onko jemon akoren hapṛamko leka aloko kạmi, onkoakʼ colon leka aloko calakʼma ar onkoren boṅga muṭhạnkote apnartetʼ aloko besaphakʼma.

Jeheskel 33:4

ar jodi sakwa reakʼ saḍe ańjomkate hõ jãhãe bae sontorokʼ ar tarwaṛe hecʼkate uniye capoṭe enḍekhan uniyakʼ mãyãm do acʼrege paṛaokʼa.

Sakariạ 7:7

Jerusalem ar ona beṛhaeteakʼ nagrahakore tinre hoṛko girobasokʼ kan tahẽkana ar tinre ona reakʼ dosa bhage tahẽkana ar Negeb ar pạchim reakʼ latar buru ṭoṭhakore hoṛko tahẽkana unrehõ Probhu Isorakʼ noako katha do lahaten nạbiko hoteteye roṛlena.’ ”

2 Bõsbudạ 30:6

Rajakʼ hukumte raj ar uniren gutiko ṭhen khon ciṭhi hataokate hoṛko do Israel ar Jihudạ reakʼ sanam jaegakote senkate niạko lại sodorkeda, “E Israelko, ape do Abraham, Isahak ar Israelren Probhu Isor ṭhen ruạṛ hijukʼpe, onate okoe do Ạsur rajakʼ ti khonko rukhiyạlen onko ṭhen, metakʼme ape ṭhen uni hõe ruạṛ hijukʼa.

Jirimiạ 3:14

‘Iń Probhu Isor do arhoń meneda, ‘E bạṛicʼ horte sen akan hoṛko, dela ruạṛ hijukʼpe, ente iń kangeạń aperen jãwãe do. Iń do ape tala reakʼ mimitʼ nagraha khon mitʼ hoṛ ar mimitʼ bõsrenko khon babar hoṛ bachaokate Sionteń ạgupea.

Jirimiạ 25:8

“Ona iạte phạdkoren Probhu Isore meneda, ‘ape do ińakʼ katha bape ańjomletʼtińạ.

Jeheskel 14:6

“Ona iạte am do onkom metakoa, Probhu Isore menetʼ kana, ‘mon ạcurtape. Aperen boṅga muṭhạnko khon ruạṛokʼpe ar hirkhạwakʼ kạmiko bạgiype.

Daniel 9:6

Aleren rajko, mukhiyạko, hapṛamko ar disạmren sanam hoṛko ṭhen amren guti nạbiko do am emakʼ oka kathako menakatʼ ona do ale bale ańjomleda.