Sakariạ 1:16 - সান্তালী বাইবেল

¹⁶ Ona iạte iń do Jerusalem mãyãwakʼ lạgitʼ arhõń ruạṛ hijukʼa ar Jerusalemre sosoṅ baber do arhõ tijokʼa.

Sakariạ 1:16 Referans Kwoze

Sakariạ 8:3

Iń do Sionte ruạṛ hecʼkate Jerusalemreń tahena. Unre Jerusalem do ‘sạriyakʼ reakʼ nagraha’ ar phạdkoren Probhu Isorakʼ buru do ‘sonot buru’ mente ńumogokʼa.

Sakariạ 4:9

“Serubabelakʼ ti do noa mundil reakʼ rehetʼe bạisạu akada ar uniyakʼ titege noa do sạtokʼa. Unre hoṛko baḍae daṛeakʼa, iń phạdkoren Probhu Isorge onko ṭhen amgeye kol akatʼmea.

Jeheskel 47:3

Jokha baber hataokate uni do jokha jokhate mitʼ hajar moka purub secʼe sen idiyena. Onḍe uni do sebecʼ sebecʼ dakʼ talateye idikedińa.

Jeheskel 40:3

Uni do onḍe ińe idikedińa ar iń do mitʼṭen manwań ńelkedea one uniyakʼ hoṛmo do tama leka jhak jhakaokʼkan tahẽkantae. Uniyakʼ ti re do musnạ reakʼ baber ar jokha reakʼ ḍaṅ tahẽkana ar uni do phaṭok duạr ṭhene teṅgo akan tahẽkana.

Jobakʼ 38:5

Amem baḍaea ona reakʼ jokha baber do okoeye bandhao akada? Ar okoe ona cetante jokha baber doe ticʼakada?

Hagae 1:14

Inạ tayom Probhu Isor do Jihudạren disạm cakʼlaoicʼ Serubabelren, maraṅ naeke Josuạ ar sarecʼ sanam hoṛkoakʼ ontorre udgạuketʼtakoa. Onate onko do jotoge hecʼkate phạdkoren Probhu Isorakʼ oṛakʼ benao lạgitʼ kạmiko ehopʼkeda.

Jeheskel 48:35

Nagraha beṛhaete bhit reakʼ jokha do hoyokʼa gel irạl hajar ḍaṅ. Ar un khon nagraha reakʼ ńutum do hoyokʼa, ‘Probhu Isor do nonḍege menaea.’ ”

Jesaea 34:11

Pajhaṛ ar jhĩk do onako dokhola, Dundu ar kạhũko do onḍeko ḍerakʼa. Probhu Isor do ạlmạl reakʼ jokha babere tija ar onaren napṛakʼko upạrte gulmal reakʼ sạhul babere pheḍa.

Jesaea 12:1

Enhilokʼ am dom mena, “E Probhu Isor, iń do amiń sarhaomea, ente iń cetanre edrem sodorleda; menkhan ńitokʼ amakʼ edre do caba akana ar jiwi raṛecʼem emạń kana.

Sakariạ 2:4

Uni doe menkeda, “Am do ńir senkate uni juạn koṛa metaeme, ‘Jerusalemre manwa ar janwar doko ḍher akante onare jãhãn pạcri do baṅ tahena.

Sakariạ 10:6

“Iń do Jihudạren hoṛko daṛeaniń hoyocokoa ar Josephakʼ, metakʼme Israelren hoṛkoń bańcaokoa. Iń do onkoń ruạṛ ạgukoa, ente onko cetanre mãyã menakʼtińạ. Unre onko do bạń nihạ̃t giḍi akatʼko lekako hoyokʼa, ente ińkangeạń onkoren Isor do; arko hohowạńre onkoakʼ iń ańjomtakoa.

Jirimiạ 30:18

Probhu Isore meneda, “Jakobakʼ bõsren hoṛkoakʼ dosa doń ruạṛtakoa ar onko cetanre dayań uduga. Nagraha do ona dhaṅdhaser cetanre arhõ benao ruạṛokʼa ar raj oṛakʼ do lahateakʼ ṭhạ̃ire teṅgo akae tahena.

Sakariạ 2:5

Probhu Isore meneda, uni acʼtetʼge ona beṛhaete seṅgel reakʼ pạcriye hoyokʼa ar uni do acʼakʼ ṭhonokte onḍeye tahena.’ ”

Sakariạ 2:6

Probhu Isore meneda, “Ańjompe ar luturakʼtińpe. Iń do beṛhaete apeń sạṅgińletʼpea, menkhan ńitokʼ do utạr disạm khon ńir paskaokate hijukʼpe.