Rut reakʼ kạhini 4:11 - সান্তালী বাইবেল

¹¹ Unre okoe do phaṭok duạr ṭhenko duṛupʼ akan tahẽkan murubbiko menkeda, “Hẽ, ale do gohale hoyena. Ar okoeṭakʼ maejiu do amakʼ oṛakʼteye calakʼkan Probhu Isor do jemon Rahel ar Lea lekae hoeocoye, one okoe do Israel jạtrenkoe benao rakapʼletʼko. Ephratare am do dhon durib hameṭjoṅ me ar Bethlehem ren sanamko do amakʼ ńutumko ńumtama.

Rut reakʼ kạhini 4:11 Referans Kwoze

Genesis 29:32

Lea doe bhạrti hoṛmoyena ar mitʼṭen koṛa gidrại janamkedea. Ar uni gidrạwakʼ ńutum do Rubene dohoketʼtaea (metakʼme “Hạni ńeleme, mitʼṭen hopon”), Ente uniye menleda, “Probhu Isor do ińakʼ duke ńelketʼtińạ, ar ńitokʼ do khạṭige ińren jãwãe doe dulạṛińạ.”

Mathae 2:6

‘E Jihudạ reakʼ Betlehem, am do Jihudạren ạkʼyurko khon oka secʼte hõ bam huḍińa, ente am bhitri khon nonkan mitʼṭen ạyuricʼe oḍokokʼa, okoe do ińren Israel jạtrenkoe ạyurko.’ ”

Mikạ 5:2

Probhu Isore meneda, “Menkhan, E Bethlehem reakʼ Ephrata, am do Jihudạren hajarko modre huḍiń utạricʼ kanre hõm, enhõ am khon ińren nonkan mitʼ hoṛe oḍok hijukʼa okoe do Israelkoren cakʼaloicʼe hoyokʼ, uniyakʼ etohopʼ do ạd khon hecʼạguakana. Sedae jug khonakʼge.”

Sereńko 132:6

Abo do Ephrata khon gokʼakʼ sinduk reakʼ bon ańjomleda, ar Jayerakʼ ṭạnḍirege ona bon ńamleda;

Rut reakʼ kạhini 1:2

Uni hoṛakʼ ńutum do Elimek tahẽkana. Ar uniren bạhuakʼ ńutum do Naomi ar banar hoponkinakʼ ńutum do Mahlon ar Kilion. Onko do Jihudạ disạm reakʼ Bethlehemren Ephati hoṛko tahẽkana. Ar onko do Moab disạmte senkate onḍegeko tahẽyena.

Dosar Biboron 25:9

enḍekhan uniren hilit era do murubbiko samaṅrege erweltetʼ koṛa ṭhen sen sorkate uniyakʼ panaheye bojtaea ar mẽtʼãhãreye thoaea are mena, ‘dadattetʼakʼ bõs okoe rukhiyại bae men uni do nonkawaege ṭhika.’

Genesis 24:60

Onko do Rebeka bhoradeteko metadea, “E mạ̃i, am do ạḍi utạr gidrạkoren gogo baṛe hoyokʼme. Amren hoponko jemon bạirikoakʼ sanam nagrahako jitạu daṛeakʼ.”

Kạhtukko 14:1

Ạkilan maejiu do acʼakʼ soṅsare benao rakaba, menkhan bebuj maejiu do acʼakʼ titege soṅsare rạpuda.

Genesis 23:10

Onḍe do eṭakʼ Hethrenko sãote Ephron hõe duṛupʼ akan tahẽkana. Uni do Abraham roṛ ruạṛadeteye metadea, “Baṅ, baṅ, am do dayakate ińakʼ katha ańjomme. Iń bõsren hoṛko samaṅre ona jumi ar ona tala reakʼ dander do begor damtegeń emama; ar amren bạhu do onḍegem topa daṛeaea.” Unre Hethrenko hõ nagraha reakʼ phaṭok duạr ṭhenko tahẽkana ar onko hõ Ephronakʼ noa kathako ańjomkeda.

Genesis 29:25

Ado setakʼen khan Jakob do hahaṛakʼ tulucʼe ńelkedea uni doe Lea kana. Onate uni do Labane metadea, “Aben do ạliń tulucʼ cedakʼ nonka doben beoharkeda? Nunạkʼ din do cetʼ Rahel lạgitʼ bạliń khaṭao akana? Enḍekhan cedakʼben eṛe ketʼlińa?”

Kạhtukko 31:23

Uniren jãwãe do nagraha reakʼ duạrre manote ńameda; onḍe uni do murubbiko tulucʼe duṛupʼkana.

Genesis 29:16

Labanren do barea hoponerakin tahẽkana. Maraṅicʼakʼ ńutum do Lea ar huḍińicʼakʼ ńutum do Rahel.

Genesis 35:23

Leawakʼ kukhire Jakobren hoponko modre pạhil hopon do Rubene janamlena. Ona tayom do Simeon, Liwi, Jihudạ, Isakar ar Sebulon.

Genesis 35:24

Ar Rahelakʼ kukhire do Joseph ar Benjạmin tạkinkin janamlena.

Dosar Biboron 25:7

Menkhan erweltetʼ koṛa uni rạnḍi maejiu baplaye bae rạjikʼ enḍekhan uni maejiu do ato se nagraha reakʼ phaṭok-duạrre murubbiko ṭhen senkateye mena, ‘erweliń koṛa do ińren jãwãeyakʼ ńutum Israelko talare rukhiyại lạgitʼ bae rạjikʼkana. Ar ińre oka dạyik menakʼtae ona manao hõ bae khojkana.’

1 Rapajko 21:8

Unre Isebel do Ahabakʼ ńutumte olakʼ ciṭhiko olkate ona cetanre Ahabakʼ chapkoe emada ar Nabat nagrahare girobasokʼ kan murubbiko ar lekman hoṛko ṭhene kolkeda.

1 Bõsbudạ 2:51

Ar Solom do Bethlehem atoe benaoleda ar Hareph doe benaoleda Beth-Gader ato.

Jirimiạ 32:10

Iń do dolelreń suhiyada, ariń mohor chapada ar gohako hõń dohoketʼkoa ar tulạte ona rupạń soṅadea.