Rut reakʼ kạhini 3:7 - সান্তালী বাইবেল

⁷ Boas do jom ńũkateye tirpiten khan uni do puńji akatʼ anaj reakʼ mitʼ aṛere senkateye giticʼena. Ar Rut do hape hapete senkate uni cetan khon oyonakʼ ocokʼkate onḍeye giticʼena.

Rut reakʼ kạhini 3:7 Referans Kwoze

Ester 1:10

Eaeakʼ dinre Ahasberos raj do darkha rasae ńuketʼ khan ạḍiye kusiyena ar Mohumon, Bistha, Harbona, Bigtha, Abagtha Sethar ar Karkas ńutuman acʼren noko eae goṭen mạ̃yạ̃ṛikoe hukumatʼkoa Bạsti rạni do rạni mukuṭko horokʼaete acʼ samaṅre jemonko oḍok ạguiye. Rạni do ńelokʼte ạḍi napaeye tahẽkante raj do hoṛko ar cetan hudạren kạmiyạko samaṅre uniyakʼ rup ńel ocoetae lạgitʼe menleda.

Bikʼcạrko 19:6

Onate uni do jom lạgitʼe duṛupʼena. Ar hońhartetʼ doe menkeda, “Teheń ńindạ hõ tahen ben ar rạskạkʼ ben.”

2 Samuel 13:28

Absalom do acʼren hoṛko noae hukumatʼkoa, “Ńelpe, darkha rasa ńũkate tinre Amnon doe moṅgonokʼa unreń metape khan, ‘Amnon ńẽdepe,’ Unre ape do unipe gojeya. Ar alope botorokʼa. Ente ińgeń hukumape kana. Diljoṅpe ar daṛeanko hoyokʼpe.”

Bikʼcạrko 19:9

Ona tayom Liwi do acʼren chuṭki era ar gutiyante tinre calakʼ lạgitʼe sapṛaoena unre hońhartetʼe menkeda, “Ńelben, ber doe khaṭogea are ạyubokʼ lạgidokʼ kana. Onate nonḍege tahen ben ar rạskạ joṅben. Ar gapa do ạḍi setakʼre beretʼkate abenakʼ oṛakʼte ruạṛben.”

Sosolhayic̕ 10:19

Bhoj daka do rạskạ ocome lạgitʼ; darkha rasa do jiwi hulạs ocoy lạgitʼ; ar ṭaka-poesa do sanamakʼe jogaoa.

Sosolhayic̕ 9:7

Onate am do senkate rạskạte jomme ar sukte darkha rasa ńũ joṅme, ente Isor do amakʼ niạko kạmi reakʼ laha khongeye kusi ạgu akawada.

Sosolhayic̕ 8:15

Onate iń do jion reakʼ rạskạkʼ iń sarhaokeda, ente siń cando latarre jom-ńũ ar rạskạ chaḍa manwawakʼ bhage mente do ar cetʼge bạnukʼa. Enḍekhan siń cando latarre Isor emakʼ manwa jion reakʼ dinkore uniyakʼ kạmire rạskạge uniren gate do.

Sosolhayic̕ 2:24

Enḍekhan manwa lạgitʼ jom-ńũ ar apnarakʼ kạmire rạskạjoṅ chaḍa bhage ar cetʼge bạnukʼa. Ińiń ńelkeda niạ sanamakʼ do Isor ṭhen khonge hijukʼ kana,

Sereńko 104:15

Darkha rasa do manwakoakʼ mone rạskạ ocoyeda, sunum do uniyakʼ mẽtʼãhãe malkao ocoyeda, ar piṭhạ do uniyakʼ jiwire daṛeye ạguiyeda.

1 Korinthiko 10:31

Onate ape do jãhãnakʼgepe jom-ńũi ar jãhãnakʼgepe cekae, jotowakʼge Isorakʼ ṭhonokʼ lạgitʼ kạmipe.

1 Rapajko 21:7

Unre uniren bạhu Isebel doe menkeda, “Am do cetʼ Israelkoren raj dom baṅkana? Ma beretʼme, ar jom-ńũiyme, ar rạskạkʼme. Jisriyelren Nabatakʼ darkha bagwan do ińiń emama.”

Bikʼcạrko 19:22

Ado khạtirjomako tahẽkanre nagraharen kharap hoṛko do hecʼkate ona oṛakʼko gheraokeda. Onko do silpiń ḍhae ḍhae dal baṛakate haṛam hoṛko metadea, “Okoe hoṛ amakʼ oṛakʼteye hecʼakan uni do ale ṭhen oḍok ạguiyem. Ale do uni sãotele loṭghuṭiya.”

Bikʼcạrko 16:25

Ona tayom onko do rạskạkʼko ehopʼena ar ãṭ aṛaṅteko menkeda, “Samson doe oḍok ocokʼma; ale do uniyakʼ kheloḍle ńeltaea.” Onate onko do hajot khana khon Samsonko oḍok ạgukedea ar Samson do kheloḍ udukʼakoe ehopʼena. Onko do barea khunṭi talare Samsonko teṅgokedea.

Genesis 43:34

Joseph do acʼakʼ ṭebil khon thoṛa jomakʼ boehako emako lạgitʼe kolkeda. Ar eṭakʼ boehako khon Benjạmin do mõṛẽ doboṛ bạ̃ṛtiye emocoyena. Nonkate onko do Joseph sãoteko jom ńũkeda. Arko jom-ńũketʼte uni tulucʼko rạskạyena.

Ephesiko lạgitʼ Pạul Apostolakʼ ciṭhi 5:18

Alope ńũ bulokʼa, onate do bin sambṛaokʼkope hoyokʼa. Ona khon bickom sonot Jiu tabere tahenpe,

Rut reakʼ kạhini 3:6

Tayomte uni do khạrạire senkate acʼren hanhartetʼe metade tahẽkan leka jotowakʼe kạmikeda.

Rut reakʼ kạhini 3:8

Tala ńindạ Boas do acka comkao gotʼenteye ạcurena. Uniye ńelkeda mitʼṭen maejiu do acʼakʼ jaṅga ṭhene giticʼ akana.