Rut reakʼ kạhini 2:4 - সান্তালী বাইবেল

⁴ Unre Boas do Bethlehem khone hecʼena ar phosol gegetʼkan tahẽkan hoṛkoe metatʼkoa, “Probhu Isor ape sãore baṛeye tahenma.” Onko hõ uniko men ruạṛadea, “Probhu Isor hõ ame bhoram ma.”

Rut reakʼ kạhini 2:4 Referans Kwoze

2 Thessalonikiko 3:16

Sulukren Probhu Isor do acʼge sanam okte jotowakʼre suluke dan ape ma. Probhu Isor do ape sanamko tulucʼe tahenma.

Luk 1:28

Serma goḍet do Mạriạm ṭhen hecʼkate joharadeteye metadea, “Probhu Isor do am soṅgere menaea are bhor akatʼmea.”

Bikʼcạrko 6:12

Unre Probhu Isorren goḍet do Gideon ṭhen ńel ocoyenteye metadea, “E daṛean bir, Probhu Isor do am sãore menaea.”

2Timothi 4:22

Probhu Isor do am tulucʼ baṛeye tahenma. Isorakʼ daya ape tulucʼ tahẽakan tahenma.

Sereńko 118:26

Okoe Probhu Isor ńutumteye hijukʼkan uniyakʼge sarhao hoyokʼtae ma. Probhu Isorakʼ oṛakʼ khon ale do apele bhorape kana.

Rut reakʼ kạhini 4:11

Unre okoe do phaṭok duạr ṭhenko duṛupʼ akan tahẽkan murubbiko menkeda, “Hẽ, ale do gohale hoyena. Ar okoeṭakʼ maejiu do amakʼ oṛakʼteye calakʼkan Probhu Isor do jemon Rahel ar Lea lekae hoeocoye, one okoe do Israel jạtrenkoe benao rakapʼletʼko. Ephratare am do dhon durib hameṭjoṅ me ar Bethlehem ren sanamko do amakʼ ńutumko ńumtama.

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

1Timothi 6:2

Okoeṭakʼ golam Mạsire biswạs akan ar kisạ̃ṛakʼ gobolre menae uni do biswạsi boeha mente kisạ̃ṛ aloe nihạ̃tema bickom artetʼ bes okocʼte uniyakʼ golam reakʼe kạmima, ente uniyakʼ kạmite okoeye upkạrokʼkan uni doe pạtiạrgea ar uniren do dulạṛiạ kanae. Ar am do noako katha cetʼakome ar sikhạu paṛhaokom.

Rut reakʼ kạhini 2:3

Unre Rut doe oḍokena ar khetre senkate phosol gegetʼko tayom tayomte hulạkʼ halaṅe dhurạuena; ar uni okare hulạkʼe halaṅetʼ kan tahẽkan ona do Elimelek bõsren Boasakʼ khetge tahẽkana.

Rut reakʼ kạhini 2:5

Ar Boas do phosol gegetʼ kạmikoe ńel todarotetʼ tahẽkan gutiye kulikedea, “Uni juạn kuṛi doe okoe kana?”

Genesis 28:3

Sanam daṛean Isor do ame bhoramma ar aema hoponren apat hoyokʼ reakʼ daṛeye danama. Uni do am bõsren hoṛkoe saṅge ocokoa. Onko do aema jạtrenko hoyokʼa.

Numeri 6:24

‘Probhu Isor do ame bhoram ma are horho jaṅgeme ma;

Bikʼcạrko 6:16

Probhu Isore roṛ ruạṛketʼteye menkeda, “Iń do am sãoteń tahena, ar onate sanam Midiạnrenko do mitʼ hoṛ lekagem haraokoa.”

1 Samuel 17:37

Dạud do arhõe menkeda, “Probhu Isor, okoe do dhạcri kul ar banako khone rukhiyạ akadiń, unige uni Philisṭi hoṛ khone rukhiyạyińạ.” Unre Sạul do Dạude metadea, “Enḍekhan do calakʼme, Probhu Isor do am sãoteye tahenma.”

1 Bõsbudạ 2:51

Ar Solom do Bethlehem atoe benaoleda ar Hareph doe benaoleda Beth-Gader ato.

Sereńko 134:3

Ot ar sermaren sisirjạuicʼ Probhu Isor do Sion khone bhor apema.

Jirimiạ 31:23

Israelren Isor phạdkoren Probhui meneda, “Bondi dosa khon tinre hoṛkoń ruạṛ ạgukoa unre Jihudạ disạm ar ona nagraharen hoṛ do arhõko mena, ‘E dhoromte perecʼ tahen ṭhạ̃i, E sonot buru, Probhu Isor do ame bhoramma.’