Rut reakʼ kạhini 2:2 - সান্তালী বাইবেল

² Mitʼ din Rut do Naomiye metadea, “Ạliń do cetʼ khette senkate hulạkʼ liń halaṅ ạguiya? Ar okoe ạlińreye dayakʼte onae halaṅ ocowạliń uni tayomrege liń tahena.” Naomi do uniye metadea, “Hẽ bạhu, ma calakʼ ben.”

Rut reakʼ kạhini 2:2 Referans Kwoze

Levitikus 23:22

“Apeakʼ jumi reakʼ phosolpe ir jokhecʼ aṛe reakʼ phosol do alope ira ar ńur akan gele hõ alope halaṅa. Onako do reṅgecʼ-orecʼko ar disạmreko girobasokʼkan eṭakʼ jạtren hoṛko lạgitʼ bạgi oṭowakʼ hoyokʼtapea. Ar ińkangeạń Probhu aperen Isor do.”

Levitikus 19:9

“Phosol ir jokhecʼ aṛe reakʼ phosolko alope ira ar khetre okako ńur tahen ona hõ alope halaṅa.

Rut reakʼ kạhini 2:7

Uni doe metadiń tahẽkana, phosol gegetʼko tayomte ạṭi tala reakʼ hulạkʼko dayakate halaṅ ocoạńme. Ar uni do setakʼ khon ńit hạbicʼ nonḍege menaea; eken thoṛa ghạṛicʼ sate latarreye jirạulena.”

Levitikus 19:16

Okoe hoṛakʼ hõ alom nindạua. Ar am aḍepaseren hoṛakʼ jiwi upạrte hõ alom teṅgona. Iń kangeạń aperen Probhu Isor do.

Levitikus 19:10

Darkha khet khon darkha gotʼ tayom ona khon darkha alope gotʼ dohṛaea ar ńur akan darkha jo hõ alope halaṅa. Ona do reṅgecʼ orecʼko ar eṭakʼ jạtren hoṛko lạgitʼpe sarecʼ oṭokakʼa. Ar iń kangeạń aperen Probhu Isor do.

Rut reakʼ kạhini 2:3

Unre Rut doe oḍokena ar khetre senkate phosol gegetʼko tayom tayomte hulạkʼ halaṅe dhurạuena; ar uni okare hulạkʼe halaṅetʼ kan tahẽkan ona do Elimelek bõsren Boasakʼ khetge tahẽkana.

Genesis 32:6

Onko hoṛ do ruạṛ hecʼkate Jakobko metadea, “Ale do amren boeha Esau ṭhenle senlena. Uni do ńitokʼ ponsae hoṛkoante am sãote ńapamokʼ lạgitʼe hijukʼkana.”

1 Samuel 1:18

Hannae menkeda, “Nui kạ̃ṛmĩ cetanre amakʼ daya tahenma.” Ar niạ menkate uni doe calaoena are jom ńũkeda. Uniyakʼ monre ar jãhãn duk do baṅ tahẽlena.