Rut reakʼ kạhini 2:14 - সান্তালী বাইবেল

¹⁴ Ado jojom okte hoyen khan Boas do uniye metadea, “Nonḍe hijukʼte piṭhạ hataome ar sirkạre topokate jomme.” Unre Rut do phosol gegetʼkan hoṛko ṭhen senkateye duṛupʼen khan Boas do thoṛa ata anaje emadea. Ar Rut do lacʼ bikʼe jomketʼ tayom hõ thoṛa sarecʼ tahẽyena.

Rut reakʼ kạhini 2:14 Referans Kwoze

Rut reakʼ kạhini 2:18

Ar onako hataokate atoteye ruạṛ calaoena. Ar tinạkʼ hulạkʼe halaṅketʼ ona do acʼren hanhartetʼe ńelkeda. Ar lacʼ bi jom tayom sarecʼ okae dohoakatʼ tahẽkan ona oḍok kate hanhartetʼe emadea.

Mathae 14:20

Ado jom tayom okako kecakʼ hạricʼ pạsir ńur tahẽyen ona halaṅkate celako do gelbar phạtiạkʼko perecʼkeda.

Dosar Biboron 8:10

“Onḍe do jom-ńũkatepe tirpitokʼa ar aperen Probhu Isorakʼ emakʼ ona mońj disạm lạgitʼ unipe sarhaoea.

Jesaea 58:7

reṅgecʼ hoṛko apeakʼ jomakʼ khon hạṭińakope, ar asray bạnukʼtako hoṛko apeakʼ oṛakʼre asray emakope, jãhãe uluṅpe ńellekore kiricʼ horokʼakope, ar aperen peṛa pạrbhạko alope dea giḍikoa. Niạkope kạmi lekhan apeakʼ do sạriyakʼ reakʼ upạs hoyokʼtapea.

Jesaea 32:8

Menkhan bhage hoṛ do bhageakʼe goṭaea ar acʼakʼ bhage kạmirege lạgiạ paṛao akane tahena.

Sereńko 23:5

Bạiriko samaṅrege am do jomakʼ ar ńũiyakʼkom juṛạuạń kana, ar bohokʼre sunumem ojokʼạń kana; ar ińakʼ bạṭi do sareṛokʼ kan tińạ.

1 Samuel 25:18

Abigael do noa katha ańjomkate ar bae bilomleda. Uni do bar sae piṭhạ, bar kum darkha rasa, isin tearakʼ mõṛẽ goṭen bhiḍi reakʼ jel, mõṛẽ bosta atawakʼ anaj, mitʼsae thopa kismis ar bar sae thopa loa hataokate gadhakoreye ladekeda.

1 Samuel 17:17

Mitʼ din Jisại do acʼren hopon Dạude metadea, “Dadamteko lạgitʼ niạ gel irạl keji ata anaj ar niạ gel goṭen piṭhạ usạrate lạṛhại phạd reakʼ ḍerate idime,

Dosar Biboron 11:15

Probhu Isor do aperen palren janwarko lạgitʼ ghãsko ṭạnḍireye janam ocoya. Ona chaḍa ape hõ lacʼ bikʼpe joma.

Rut reakʼ kạhini 2:13

Unre Rute menkeda, “E ińren kisạ̃ṛ, am do daya mẽtʼtem ńeleń kana. Ar amren kạ̃ṛmĩ ṭhen noa udgạu reakʼ katham roṛketʼte am do jiwi raṛecʼem emadińạ, ente iń do amren kạmiyạ kuṛiko sãote teṅgokʼ lekgeń baṅkana.”

Rut reakʼ kạhini 2:15

Ona tayom Rut do hulạkʼ halaṅe beretʼen khan Boas do acʼren hoṛkoe metatʼkoa, “Ạṭiko reakʼ tala khon hulạkʼe halaṅlere hõ uni do alope egerea.