Biblia Todo Logo
Bib sou entènèt

- Piblisite -




Rut reakʼ kạhini 2:12 - সান্তালী বাইবেল

12 Onate Probhu Isor do ame bhoram kana. Ar Israelkoren Probhu Isor, okoeyakʼ phạ̃kṛạ̃kʼ latarre asray ńam lạgitʼem hecʼakan, uni do jemon amakʼ bakhratam purạteye emkatam.”

Gade chapit la Kopi




Rut reakʼ kạhini 2:12
29 Referans Kwoze  

E Isor, amakʼ asambheṛ dulạṛ reakʼ dam do ohoge emlena; ar amakʼ phạ̃kṛạ̃kʼ umulre manwa do hirlạko ńama.


Acʼakʼ ilkoteye guṅgutʼ esetʼmea, ar uniyakʼ phạ̃kṛạ̃kʼ latarre am do asrayem ńama; uniyakʼ pạtiạrtetʼ do amakʼ ḍhal ar hoṛmo aḍokʼakʼ phirikana.


ente am kangeam ińren gokʼṛoyicʼ; amakʼ phạ̃kṛạ̃kʼ reakʼ umulre iń doń sereńjoṅ kana.


Mẽtʼ reakʼ moni leka am do rukhiyạyińme; ar okoe ińko hạneńkan onko bạṛicʼ hoṛko khon, ar okoe do gojeń lạgitʼko esetʼ ạcur akadiń onko bạiriko khon, amakʼ phạ̃kṛạ̃kʼ latarre goṅgotʼ dohokańme.


Amakʼ tạmbure jemon jaejug hạbicʼ iń tahẽ daṛeakʼ; ar amakʼ phạ̃kṛạ̃kʼ latarre jemon hirlạń ńam. (Sela)


Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.


Uni do Misor reakʼ dhon durib khon Mạsi ńutumteakʼ henostage ạḍi bạ̃ṛtiye moneyada, ente uni do kuṛại secʼe beṅgetʼ akatʼ tahẽkana.


Jãhãe hoṛ acʼren bạiri cetanre ạt ńamkate uniyakʼ begor loksante cetʼ uniye aṛagea? Teheń ạliń cetanre oka ben kạmiketʼ ona iạte Probhu Isorgeye bhạlại ben ma.


Menkhan Rute menkeda, “Ńelben, aben bạgikate calakʼ lạgitʼ do alo ben jormoṭ lińạ, se aben sãote senokʼ lạgitʼ hõ alo ben baron lińạ. Aben okate ben calakʼa ạliń hõ onḍege liń calakʼa ar okare ben tahena ạliń hõ onḍege liń tahena. Abenren hoṛge ạlińren hoṛko hoyokʼa ar abenren Isorge ạlińren Isore hoyokʼa.


Ińre mãyãkʼme baṛe, E Isor, ińre dayakʼme, ente amrege iń doń hirlạ akana. Ar amakʼ phạ̃kṛạ̃kʼ umul reakʼ hirlạrege iń doń tahena tinạkʼ din iń cetan khon noa muhin reakʼ birbão baṅ ocogokʼ.


Biswạs begorte Isor kusi ocoye do baṅ hoedaṛeakʼa, ente Isor ṭhen okoeye calakʼ, uni do biswạsokʼ hoyokʼtaea je, Isor menaea ar uniyakʼ katha leka calakʼko do uniyakʼ ti khon kuṛạiko ńama.


Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ reakʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.


“E Jerusalem! E Jerusalem! Am do nạbikom khũnetʼkoa ar am ṭhen kol ocokʼkanko do dhiritem tińetʼkoa. Sim eṅga cetʼleka acʼren hoponko acʼakʼ phạ̃kṛạ̃kʼ latarreye guṅgutʼko onkage iń hõ amren hoṛko hạr samṭaokoń menleda, menkhan onko do bako rebenlena.


Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.


Onate iń lạgitʼ dhorom reakʼ jit ṭupri do dohoakana. Bicạr dinre dhorom bikʼcạricʼ Probhu Isor do kuṛại lekate jit reakʼ ona malae danạńạ. Ar eken iń eskargeye danạńạ ona do baṅ, menkhan okoe soborikate uniyakʼ ruạṛ hijukʼ reakʼko koyokʼ horakatʼ onko sanamkoe danakoa.


Ephesusre okalekae sapʼ dapʼetʼ tahẽkan, ona do bes okocʼtem baḍaegea. Probhu Isore danae ma, jemon Mạsiyakʼ hijukʼ dinre Probhu Isor ṭhen khon mãyãe ńam.


“Husiạrokʼpe, hoṛ ṭhen ńel ocokʼ leka do alope dhorom koroma; arpe onkae khan aperen sermaren Baba ṭhen khon jãhãn kuṛại do bape ńama.


Enḍekhan amakʼ tayom daram lạgitʼ as tahena, ar ona as do baṅ berthakʼtama.


Bedhoromkoakʼ rojgarakʼ do ạuṛiyakʼgetakoa, menkhan Isore botoraekan hoṛ okoe do itạye er uni do sạrige ona reakʼ phosole ira.


Ona ńelte hoṛkoko mena, “Isor botoraekan hoṛkoakʼ jionre sạri kuṛại do menakʼgea; sạrige eken mitʼ goṭen Isorge menaea one uni dhạrtirege bạṛicʼkoe bicạrko.”


Ona do amren golame sontorede kana, ar ona manao lekhan ḍher lab hoyokʼa.


Okoe apnarakʼ hoṛmo kosṭoko emakʼkan ar serma goḍet sewawako reakʼ jạruṛko bujhạuetʼkan onko do apeakʼ jit siropa ńamokʼ horre tạkicʼakʼ jemon aloko hoyocoe. Nonkan hoṛ do okako ńelakatʼ menteko hudisetʼkan ona reaṅ ạḍi maraṅ maraṅ kathako roṛa ar ạuṛi bạḍạiteko phulạukʼa, ente onkoakʼ mon do jel reakʼ sanare gobol akantakoa.


Boase roṛ ruạṛkeda, “Amren jãwãe gocʼ tayom hanharme lạgitʼ okam ceka akatʼ ona sanamakʼgeń ańjom akada, ar noa hõń ańjom akada, amren go-baba ar janam jaega bạgikate bin baḍae mitʼṭen jạtrenko talare tahen lạgitʼem hecʼakana.


Unre Rute menkeda, “E ińren kisạ̃ṛ, am do daya mẽtʼtem ńeleń kana. Ar amren kạ̃ṛmĩ ṭhen noa udgạu reakʼ katham roṛketʼte am do jiwi raṛecʼem emadińạ, ente iń do amren kạmiyạ kuṛiko sãote teṅgokʼ lekgeń baṅkana.”


Nui gidrạ do amakʼ buḍhi pạṛiạre jemon jiwiye raṛejtam are ńelme, ente amren kiminme, one amren eae goṭen hoponko khon hõ ḍhere dulạṛetʼme, uniyakʼ kukhire gidrạwakʼ janam do hoyakana.”


Thirokʼme alom raga ar mẽtʼ dakʼ jodtam, ente amakʼ kạmi reakʼ kuṛại dom ńamgea. Onko do bạirikoakʼ disom khonko ruạṛ hijukʼa.


Ńitokʼ do liń baḍae daṛeakʼ kana, aben do khạṭige raj ben hoyokʼa ar aben hotetege Israelakʼ rajosṭi do teṅgo ṭarhaokʼa.


Swiv nou:

Piblisite


Piblisite