Rut reakʼ kạhini 2:10 - সান্তালী বাইবেল

¹⁰ Noa katha ańjomkate Rut do ombakʼkate uni ḍobokʼ adeteye menkeda, “Dayate nunạkʼem moneyạń kan, noa do cekate hoyena? Iń doń porjạtren hoṛ kan coṅ.”

Rut reakʼ kạhini 2:10 Referans Kwoze

1 Samuel 25:23

Abigael do Dạude ńelkede khan usạrate gadha khone pheḍena ar otre ombakʼkate Dạude ḍobokʼadea.

Rut reakʼ kạhini 2:13

Unre Rute menkeda, “E ińren kisạ̃ṛ, am do daya mẽtʼtem ńeleń kana. Ar amren kạ̃ṛmĩ ṭhen noa udgạu reakʼ katham roṛketʼte am do jiwi raṛecʼem emadińạ, ente iń do amren kạmiyạ kuṛiko sãote teṅgokʼ lekgeń baṅkana.”

Romiko lạgitʼ Pạul Apostolakʼ ciṭhi 12:10

Ape ape talare boeha leka dupulạṛpe. Ar apnar khon eṭakʼko bạ̃ṛti manotkope.

Luk 1:48

ente acʼren kạ̃ṛmĩ secʼ uni doe beṅgetʼ akada. Ńitokʼ khon sanam hoṛ do bhạganko mitạńa,

Luk 1:43

Ińren Probhu Isorren eṅgat iń ṭhene hecʼakana, noa do cekate hoyena?

2 Samuel 19:28

Goṛomiń haṛamren bõsko do ińren mạlik maharaj ṭhen gujukʼ lek kangeako, menkhan enhõ am do amren hoṛko tulucʼ amakʼ ṭebilre jom-ńũi lạgitʼ iń amren guti hõ ṭhạ̃iyem tearadiń tahẽkana. Enḍekhan maharaj ṭhen nehõrokʼ lạgitʼ do ar cetʼ menakʼtińạ?”

2 Samuel 9:8

Niạ katha ańjomkate Mephiboset do uni ḍobokʼ adeteye menkeda, “Amren guti doe celekante, iń lekan mitʼṭecʼ gocʼ setam beṅgetʼae kana.”

Mathae 25:35

Ente reṅgecʼ iń tahẽkanre jomakʼpe emadiń tahẽkana; tetaṅ ledińa arpe ńũ ocoledińa; upriạń tahẽkana arpe ataṅ sãohãledińa;

Rut reakʼ kạhini 2:2

Mitʼ din Rut do Naomiye metadea, “Ạliń do cetʼ khette senkate hulạkʼ liń halaṅ ạguiya? Ar okoe ạlińreye dayakʼte onae halaṅ ocowạliń uni tayomrege liń tahena.” Naomi do uniye metadea, “Hẽ bạhu, ma calakʼ ben.”

Genesis 18:2

Ar unreye beṅgetʼ rakapʼketʼ khan, acʼ khon thoṛa sạṅgiń ńokʼre pe hoṛ teṅgo akane ńel ńamketʼkoa. Uni do onko ṭhene ńir senente otre ombakʼkateye joharatʼkoa ar ona tayom doe metatʼkoa, “Ńelpe, jãhãn osubida bạnukʼtape khan dayakate aperen guti khon do alope sahaṛokʼa.

Rut reakʼ kạhini 2:9

Ar jumi reakʼ oka aṛere phosol gedokʼkan ona ńelkate kạmiyạ kuṛiko tayom tayomte onḍe calakʼme. Iń do hoṛkoń men akatʼkoa jemon am aloko ạṛisme. Ińren hoṛ okoe do dakʼko lolokan, tetaṅlem khan am do onḍe senkate dakʼ ńũime baṛe.”

Rut reakʼ kạhini 2:11

Boase roṛ ruạṛkeda, “Amren jãwãe gocʼ tayom hanharme lạgitʼ okam ceka akatʼ ona sanamakʼgeń ańjom akada, ar noa hõń ańjom akada, amren go-baba ar janam jaega bạgikate bin baḍae mitʼṭen jạtrenko talare tahen lạgitʼem hecʼakana.

Levitikus 19:34

Apnar jạtrenko sãote cetʼlekape beoharetʼ onkage onko sãote hõ beoharpe. Ar apnar leka dulạṛkope, ente ape hõ Misorrenko talare upriạpe tahẽkana. Iń kangeạń aperen Probhu Isor do.

Rut reakʼ kạhini 2:19

Naomi do uniye kulikedea, “Teheń do bạhu okare ben halaṅkeda, ar okare ben kạmikeda? Abene talasakatʼ ben Isor do uniye bhoraema.” Unre Rut okoeyakʼ khetreye halaṅletʼ ona do hanhartetʼe lạiyadea. Uniye menkeda, “Okoeyakʼ khetreń halaṅketʼ uniyakʼ ńutum do Boasaea.”

2 Samuel 7:18

Niạko katha ańjomkate Dạud raj do tạmbu bhitriteye boloyena ar Probhu Isor samaṅre duṛupʼkateye menkeda, “E Probhu Isor, ińge baṅ cetʼ ar ińakʼ bõsge baṅ cetʼ, amge nunạkʼ hạbicʼem ạyur ạguakadińạ.