Biblia Todo Logo
Bib sou entènèt

- Piblisite -




Rut reakʼ kạhini 1:16 - সান্তালী বাইবেল

16 Menkhan Rute menkeda, “Ńelben, aben bạgikate calakʼ lạgitʼ do alo ben jormoṭ lińạ, se aben sãote senokʼ lạgitʼ hõ alo ben baron lińạ. Aben okate ben calakʼa ạliń hõ onḍege liń calakʼa ar okare ben tahena ạliń hõ onḍege liń tahena. Abenren hoṛge ạlińren hoṛko hoyokʼa ar abenren Isorge ạlińren Isore hoyokʼa.

Gade chapit la Kopi




Rut reakʼ kạhini 1:16
23 Referans Kwoze  

Menkhan Itaiye do raje roṛ ruạṛadea, “Jiwetʼ Probhu Isor ńutumte kiriạkateń meneda ar ińren mạlik ńutumte kiriạkateń meneda, baṅ doń gujukʼ baṅ doń jiwedokʼ, ińren mạlik maharaj jãhãregeye tahen iń amren guti hõ onḍegeń tahena.”


Ańjomme, E biṭi, moneyakʼme ar luturakʼme; ar amren hoṛ do hiṛińkakome; ar am babawakʼ oṛakʼ reakʼ katha hõ hiṛińkakʼme.


Unre mitʼṭen sostor baḍae hoṛ do Jisu ṭhen hecʼenteye menkeda, “E Guru, jãhãtegem calakʼ iń hõ am sãote onḍegeń calakʼa.”


Patras do uniye metadea, “E Probhu Isor, cedakʼ ńitokʼ do am sãote bạń calao daṛeakʼa? Am lạgitʼ ińakʼ jiwi hõń emokʼa.”


ente cetʼ lekape ataṅ daram akatʼle ona do hoṛkoko baḍae ocoyetʼlea. Onko do arhõko baḍae ocoakatʼlea je, ape do boṅga buruko ṭhen khon ruạṛkate cetʼleka jiwetʼ ar sạri Isor ṭhenpe hecʼakana jemon unipe sewawaete,


Probhu Isor do Jakobe mãyãwaea; uni do arhõ Israele bachaoea ar onkoakʼ disạmreye duṛubea. Bidisiạ hoṛko do onko sãoteko seledokʼa ar onko do Jakobakʼ bõsrenko tulucʼko midokʼa.


Unre Pạule menkeda, “Rakʼ rakʼte monre cedakʼ dukpe imạń kana? Probhu Jisu lạgitʼ iń do Jerusalemre eken bondi ocokʼ do baṅ, bickom gocʼ ocokʼ hõń sapṛaogea.”


Probhu Isore meneda, “Misor khoniń oḍok ạgu akatʼme khon ińkangeạń amren Probhu Isor do. Iń chaḍa ar eṭakʼ Isor do bạnukʼkoa; iń chaḍa ar cele babańcaoko hõ bạnukʼkoa.


Raj do Daniele metadea, aperen Isor do sạrige Isorkoren Isor kanae, rapajkoren Probhu kanae ar okoakʼko sodoricʼ hõ kanae, ente am do noa okoakʼko reaṅem sodor daṛeada.


Noko do onko hoṛ kanako, one okoe do maejiuko tulucʼ bako laṭghaṭ akatʼte saphage menakʼko. Ar jãhã secʼge Bheḍa Hopone calakʼ onko hõ uni tayomteko calakʼa. Isor ar Bheḍa Hopon ṭhen pạhil jo lekate dãṛẽ lạgitʼ hoṛko mod khon onko doko kiriń akan tahẽkana.


Niạ disạmren Amoriko ar eṭakʼ sanam jạtrenko do Probhu Isorge abo samaṅ khone laga ńir akatʼkoa. Onate ale hõ Probhu Isor gele sarhaoea, ente uni kangeae aboren Isor do.”


Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.


Ona iạte iń do noań hukumiń emetʼkana, jãhãn jạtren, disạmren se pạrsiren hoṛ jodi Sedrok, Mesak ar Abed-nego takoren Isor upạrte jãhãe jãhãnakʼe roṛ enḍekhan uni doe makʼ khanḍa khunḍi ocokʼa ar uniyakʼ oṛakʼ-duạr do guricʼ mande leka hoyokʼtaea, ente nonka do cele debotage bako babańcaoa.”


Unre Naomiye menkeda, “Ńelben bạhu, abenre ńatat era do acʼren hoṛko ar acʼren debota ṭhene ruạṛ calaoena. Aben hõ uni leka calao joṅben.”


Ar aben okare ben gujukʼ ạliń hõ onḍege liń gujukʼa ar onḍege jemon ạlińakʼ topa hõ hoyokʼ. Gujukʼ chaḍa eṭakʼ jãhãnakʼ iạte laṅ begarokʼ enḍekhan Probhu Isor do jemon bạṛicʼ sạjạiye imạń.”


Nui gidrạ do amakʼ buḍhi pạṛiạre jemon jiwiye raṛejtam are ńelme, ente amren kiminme, one amren eae goṭen hoponko khon hõ ḍhere dulạṛetʼme, uniyakʼ kukhire gidrạwakʼ janam do hoyakana.”


Gate do jaogeye dulạṛa, ar boeha do muhinre goṛowam lạgitʼgeye janamokʼ kana.


Uni ńel todarotetʼ tahẽkan guti doe roṛ ruạṛkeda, “Moab disạm khon Naomi sãote okoe maejiue hecʼakan uni kangeae nui do.


Ona jokhecʼ aema pạrsi ar jạtkoren gel goṭen hoṛ do mitʼṭen Jihudi hoṛakʼ kicricʼ ańcar sapʼkateko mena, ‘ale hõ ape sãotele calakʼa, ente alele ańjom akada, Isor do ape sãorege menaea.’ Iń phạdkoren Probhu Isorge noa katha doń meneda.”


Swiv nou:

Piblisite


Piblisite