Rut reakʼ kạhini 1:15 - সান্তালী বাইবেল

¹⁵ Unre Naomiye menkeda, “Ńelben bạhu, abenre ńatat era do acʼren hoṛko ar acʼren debota ṭhene ruạṛ calaoena. Aben hõ uni leka calao joṅben.”

Rut reakʼ kạhini 1:15 Referans Kwoze

Bikʼcạrko 11:24

Amren Kemos debota okaṭakʼ ạidạriye emakawatʼme ona do cetʼ amakʼ ạidạrire bạnukʼa? Ṭhik onkage aleren Probhu Isor ale samaṅ khon okoeye laga ńir akatʼko onkoakʼ jaegagele ạidạri akawana.

Sephaniạ 1:6

Ar okoe Probhu Isor tayom khonko ruạṛakan ar uniyakʼ sanaleka bako calakʼkan ar uniyakʼ sana baḍaejoṅ bako khojkan onko hõń marao giḍikoa.”

2 Rapajko 2:2

Eliạ do Elisaye metadea, “Am do nonḍege tahẽ hataṛokʼme; Probhu Isor do Bethelte calakʼe menakawạdińa.” Elisae doe menkeda, “Jiwetʼ Probhu Isor ńutumte ar amakʼ jiwi ńutumteń kiriạkʼ kana am do bạń bạgiwama.” Onate unkin do Bethelte kin senena.

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.

Ibriko 10:38

Okoe hoṛ dhorom menteń ataṅ akade uni do pạtiạu hotetege jione ńama; menkhan jãhãegeye ruạṛ calakʼ enḍekhan unire do kusi bạń tahena.”

Luk 24:28

Ado okaṭakʼ atotekin calakʼkan tahẽkan, ona ato sorko hecʼen khan Jisu do arhõ laha secʼe sen idikʼkan tahẽkana.

Sereńko 125:5

Menkhan okoe konḍea horreko tohodokʼ kan Probhu do bedhoromko sãote onkoe sạṅgińkoa. Israelko cetanre suluk baṛe tahenma!

Sereńko 36:3

Onkoakʼ moca katha do bạṛicʼ ar phạsiạrate perecʼgea; Akelan hoṛko leka calakʼ doko bad akada, ar bhage kạmi hõ bako kạmikana.

Josuạ 24:19

Niạ katha ańjomkate Josuạ do hoṛkoe metatʼkoa, “Menkhan ape do uni bape sewa daṛeaea, ente uni doe sonot Isor kana, acʼakʼ paona bhokti do okoe hõ bae ńam ocoakoa. Uni do apeakʼ kại ar ghạṭko bae ikạitapea.

Rut reakʼ kạhini 1:14

Niạ katha ańjomkate onko do arhõ ãṭ aṛaṅte rarakʼko ehopʼena. Ona tayom Orpa do acʼren hanhartetʼe cokʼadete bidại hataokeda menkhan Rut do uni tulucʼe tahẽyena.

Rut reakʼ kạhini 1:16

Menkhan Rute menkeda, “Ńelben, aben bạgikate calakʼ lạgitʼ do alo ben jormoṭ lińạ, se aben sãote senokʼ lạgitʼ hõ alo ben baron lińạ. Aben okate ben calakʼa ạliń hõ onḍege liń calakʼa ar okare ben tahena ạliń hõ onḍege liń tahena. Abenren hoṛge ạlińren hoṛko hoyokʼa ar abenren Isorge ạlińren Isore hoyokʼa.

Numeri 10:30

Hobabe roṛ ruạṛkeda, “Ạliń do bạliń calakʼa. Ạliń do aleakʼ disạm ar ạlińren hoṛko ṭhengeliń ruạṛ calakʼa.”