Rut reakʼ kạhini 1:13 - সান্তালী বাইবেল

¹³ enḍekhan aben do cetʼ unkin harakʼ hạbicʼ ben tạṅgikakʼa? Ar unkin iạte cetʼ baben baplakʼa? Baṅa, bạhu, ona do baṅ hoyokʼa. Abenakʼ khon ạlińakʼ jiwi do ḍher haṛhatʼ getalińạ, ente Probhu Isor do ạliń upạrteye teṅgo akana.”

Rut reakʼ kạhini 1:13 Referans Kwoze

Jobakʼ 19:21

E ińren gateko, ińakʼ dukren sãotenko hoyokʼpe, ente Isorakʼ ti doe ghạl akadińạ.

Sereńko 32:4

ente siń ar ńindạ amakʼ ti do unre iń cetanre hamalge tahẽkana; ar setoṅ din reakʼ dãk leka ińakʼ hoṛmo reakʼ daṛe hõ komae idikʼkan tahẽkana. (Sela)

Bikʼcạrko 2:15

Israel hoponko tinre lạṛhạiko oḍok senokʼkan tahẽkana unre Probhu Isor okae kiriạ akan tahẽkan onkage uniyakʼ ti do onkoakʼ bhạlại alo hoyokʼ lạgitʼ onko upạrteye tahenkan tahẽkana, ar maraṅ muhin talareko paṛaokʼkan tahẽkana.

Sereńko 38:2

Ente amakʼ sarko do ińre kiṛbitʼ akana, ar amakʼ ti do ińe sapʼ uricʼ akadińạ.

1 Samuel 5:11

Onate onko do hoṛ kolkate Philisṭikoren disạm cakʼlaoko mitʼ ṭhen hoho jarwakateko metatʼkoa, “Israelkoren Isorakʼ sinduk do nonḍe khon kol giḍikakʼpe. Ona do acʼakʼ jaegatege ruạṛ calakʼma. Ar baṅ khan ona do abo ar aboren hoṛkoe gocʼ cababona.” Isor do ona nagrahae hạnletʼ tahẽkante hoṛkoakʼ monre gujukʼ botor do bololena.

Dosar Biboron 2:15

Ḍera khon maraoko lạgitʼ Probhu Isorge onko upạrteye kạmikeda, onko ạuriko marao caba utạrokʼ hạbicʼ.

Genesis 38:11

Unre Jihudạ do acʼren kimintetʼ Tamore metadea, “Tin hạbicʼ ạlińren hopon Sela bae hara juạnokʼ unhạbicʼ aben do abenren apatakʼ oṛakʼre senkate rạnḍi hoṛ leka tahẽ hataṛokʼ ben.” Ente Jihudạwakʼ monre noa botor tahẽkana, Sela hõ acʼren boehako lekae gujukʼa. Ar Jihudạwakʼ kathate Tamor do acʼ apatakʼ oṛakʼte senkateye tahẽyena.

Rut reakʼ kạhini 1:12

Aben do bạhu, oṛakʼtege Do ruạṛ calakʼ ben. Ente ạlińakʼ do baplakʼ reakʼ umer hõ ar bạnukʼtạlińa. Ạliń do ạlińren hopon janamkin reakʼ aste ạlińren jãwãe ṭhen teheń ńindạge liń giticʼmitʼlen khan ar ạlińren hoponkin hoylen khan,

Rut reakʼ kạhini 1:14

Niạ katha ańjomkate onko do arhõ ãṭ aṛaṅte rarakʼko ehopʼena. Ona tayom Orpa do acʼren hanhartetʼe cokʼadete bidại hataokeda menkhan Rut do uni tulucʼe tahẽyena.

Rut reakʼ kạhini 1:21

Ale do jhaṅgoe paṭoele senlena menkhan Probhu Isor do eken tiye ruạṛ ạgukedeńạ. Probhu Isor do tinre iń upạrte gohae emeda ar sanam daṛean Isor do tinre kosṭoreye paṛao akadińạ unre cedakʼ Naomi dope hohoạń kana.?”