Romiko lạgitʼ Pạul Apostolakʼ ciṭhi 9:32 - সান্তালী বাইবেল

³² Cedakʼ bako daṛeada? Ente onko do biswạsre ṭehãḍ baṅkate kạmire ṭehãḍ akanko tahẽkana. Okaṭakʼ dhirire hoṛko tohodokʼ onarege onko hõko tohotʼlena.

Santali Common Language New Testament

³² Cedakʼ bako daṛeada? Ente onko do biswạsre ṭehãḍ baṅkate kạmire ṭehãḍ akanko tahẽkana. Okaṭakʼ dhirire hoṛko tohodokʼ onarege onko hõko tohotʼlena.

Romiko lạgitʼ Pạul Apostolakʼ ciṭhi 9:32 Referans Kwoze

1 Korinthiko 1:23

menkhan ale do kuruslen Jisu Mạsiyakʼ kathale porcareda. Ona katha Jihudiko ṭhen do mitʼṭecʼ tạkicʼakʼ kana ar boṅgan hoṛ jạtrenko ṭhen do lelhawakʼge,

1 Patras 2:8

Sostor reakʼ noa katha hõ ṭhikgea, Ona do nonkan dhiri kana, one okaṭakʼ do hoṛkoakʼ tohodokʼ reakʼ karonge hoyokʼ. Hoṛko do Isorakʼ katha bebatao iạteko tohodokʼ kana, ar ona iạtege onko doko doho ocoakana.

Romiko lạgitʼ Pạul Apostolakʼ ciṭhi 11:11

Enḍekhan Jihudikoko tohotʼente cetʼ jaejug hạbicʼko gurena? Ekalte baṅa, bickom onkoakʼ kại gunạkʼtege boṅgan hoṛ jạtrenko do bańcaokʼ lạgitʼ ạtko ńamkeda jemon Jihudiko gagoj hecʼako.

Luk 7:23

Bhạgangeae uni do, okoe iń iạte monre bae tạkijokʼ.”

Romiko lạgitʼ Pạul Apostolakʼ ciṭhi 10:3

Isor do manwako cetʼ lekate dhorom menteye ataṅkoa ona katha luturakʼ baṅkate onko do akoakʼ kurumuṭute dhorom udugokʼko menjoṅkan tahẽkana. Onatege Isor okaṭakʼ ponthate manwa dhorom menteye aṅgoce ona do bako manaoleda.

Romiko lạgitʼ Pạul Apostolakʼ ciṭhi 4:16

Onate manwakoakʼ biswạste noa gokʼakʼ do purạuakana, jemon noa do Isorakʼ daya reakʼ dan hoyokʼ. Onate Abraham bõsrenko lạgitʼ noa gokʼakʼ do khạṭige purạukʼa. Noa gokʼakʼ do eken ạn-tạriren hoṛko lạgitʼ purạukʼa ona do baṅ, menkhan okoeko hoṛ do Abraham leka inạ mitʼ pạtiạureko pạtiạu akan onko lạgitʼ hõ noa gokʼakʼ do khạṭige purạukʼa.

Luk 2:34

Inạ tayom Simon do onkoe bhoratʼkote Jisuren eṅgat Mạriạme metadea, “Isor do noae teṅgo akada, nui bale gidrạ iạte Israelko modre aema hoṛ doko ńurokʼa, arhõ aema doko rakapʼ ocokʼa. Nui do nonkan mitʼṭecʼ cinhại hoyokʼa, uni upạrte ḍher hoṛge kathako roṛa.

Mathae 13:57

Nonkate Jisu iạte hoṛko do monre tạkijokʼko ehopʼena. Unre Jisui metatʼkoa, “Nij nagraha ar nij oṛakʼ chaḍa, nạbiko do sanam jaegarege manotko ńama.”

Jesaea 8:14

Enḍekhan unige mitʼṭecʼ sonot asrayokʼ ṭhạ̃iye hoyokʼtapea, menkhan Israelkoakʼ banar disạm lạgitʼ do mitʼṭecʼ tạkʼkicʼakʼ dhirigeye hoyokʼa jemon hoṛkoko tohodokʼ. Jerusalemren hoṛko lạgitʼ uni do jhampa ar pạsi lekae hoyokʼa.

Jesaea 8:15

Onko modre ḍherkogeko tohodokʼa. Onko doko tohotʼ bhindạṛokʼa arko rạputʼ gejerokʼa; ar pạsiteko sabokʼa.”

1 Patras 2:6

Sonot sostorre ol menakʼa, Ńelpe, mitʼṭecʼ damanakʼ dhiriń bachao doho akawana; ona do Sion reakʼ konac dhiri lekateń, bạisạu akada. Ar okoe unireye pạtiạukʼ uni do oka lekate hõ bae lajao ocokʼa.