Romiko lạgitʼ Pạul Apostolakʼ ciṭhi 9:23 - সান্তালী বাইবেল

²³ Arhõ uni do acʼakʼ bin mucạtʼ ṭhonok reakʼ katha hõ baḍae ocokoe menletʼ tahẽkana. Okoe uniyakʼ dayako ńamakatʼ onko do laha khongeye tear akatʼko tahẽkana acʼakʼ ṭhonok ńam lạgitʼ.

Santali Common Language New Testament

²³ Arhõ uni do acʼakʼ bin mucạtʼ ṭhonok reakʼ katha hõ baḍae ocokoe menletʼ tahẽkana. Okoe uniakʼ dayako ńamakatʼ onko do laha khongeye tear akatʼko tahẽkana acʼakʼ ṭhonok ńam lạgitʼ.

Romiko lạgitʼ Pạul Apostolakʼ ciṭhi 9:23 Referans Kwoze

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

Ephesiko lạgitʼ Pạul Apostolakʼ ciṭhi 3:16

Iń doń koejoṅkana jemon Isorakʼ asambheṛ ṭhonok lekate uni do nonkan daṛeye emape, jemon sonot Jiu hotete apeakʼ ontor do daṛeanakʼ hoyokʼtape,

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

2Timothi 2:21

Okoe do noako bemanotakʼ bhajan leka kanko, onko khon pharakokʼte jãhãe apnare saphakʼ enḍekhan uni do nonkanakʼ bhajan lekae hoyokʼa okaṭakʼ do manot lạgitʼ beoharokʼkan. Sonot lạgitʼge uni doe bachao doho ocokʼa, uni do Probhu Isorakʼ kạmireye lagaokʼa ar sanam lekan bhage kạmi lạgitʼ tear akane tahena.

Kolossiko lạgitʼ Pạul Apostolakʼ ciṭhi 1:27

Isor doe khojkana, boṅgan hoṛ jạtrenko talare hõ uniyakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriyakʼ do noage, Mạsi do apeakʼ ontorre menaete uniyakʼ ṭhonok ńam reakʼpe as akana.

Ephesiko lạgitʼ Pạul Apostolakʼ ciṭhi 2:7

Uni do noae kạmikeda jemon acʼakʼ bin mucạtʼ daya darakan jugkoreye udukʼ daṛeakʼ. Uni do Mạsi Jisu hotete aboreye dayayente okaṭakʼe kạmiakatʼ onatege uniyakʼ noa daya do sodor akana.

Ephesiko lạgitʼ Pạul Apostolakʼ ciṭhi 1:18

Iń do arhõń koeyeda apeakʼ ontor reakʼ mẽtʼ baṛe jhijokʼtape, jemon uniye hohowapere apeakʼ ontorre okape as akan onape bujhạu daṛeakʼ; ar ona sãote noa hõ jemonpe bujhạu daṛeakʼ je, uni ṭhen uniren hoṛko do tinạkʼ maraṅ dhon kanako ar okoeko bon pạtiạu akan aboakʼ ontorre uniyakʼ tinạkʼ maraṅ daṛe kạmiye kạmikana mente. Noa do inạ mitʼ maraṅ daṛege,

Romiko lạgitʼ Pạul Apostolakʼ ciṭhi 8:29

Isor do okoeko lahareye bachao akatʼko onko do acʼren hopon hoyokʼ lạgitʼ laha khongeye ṭhik doho akatʼko tahẽkana, jemon uni Hopon do ạḍi utạr boehako modre maraṅicʼe hoyokʼ.

Luk 1:17

Uni do Eliạ nạbi reakʼ Jiu ar daṛete Probhu Isor laha lahateye hijukʼa. Ar apatkoakʼ mon hoponko secʼe ruạṛtakoa ar bebatao hoṛkoakʼ mon reakʼ buje pheraotakote Isor sewa hoṛkoakʼ buj lekae hoy ocoytakoa. Nonkate uni do Probhu Isor lạgitʼ mitʼṭecʼ sapṛao akan jạtrenkoe tearkoa.”

1 Bõsbudạ 29:18

E Probhu Isor, aleren hapṛam Abraham, Isahak ar Israelren Isor, amren hoṛkoakʼ ontorre nonkan monsubạ jaejug hạbicʼ dohoyme ar amre onkoakʼ ontor baṛe pạtiạr dohoytakome.

1 Thessalonikikko 5:9

Sạjại ńam lạgitʼ do baṅ bickom aboren Probhu Jisu Mạsi hotete bańcao ńam lạgitʼge Isor doe ṭhik dohoakatʼ bona.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

Aposkạmi 9:15

Menkhan Probhu Isor do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

Romiko lạgitʼ Pạul Apostolakʼ ciṭhi 8:30

Okoe laha khone ṭhik dohoakatʼko tahẽkan onko do hoho hõe hohowatʼkoa; ar okoeye hohowatʼko onko do dhorom mente ataṅ hõe ataṅketʼkoa; ar okoeko dhorom menteye ataṅketʼko onko do acʼakʼ ṭhonok hõe danatʼkoa.