Romiko lạgitʼ Pạul Apostolakʼ ciṭhi 9:22 - সান্তালী বাইবেল

²² Ṭhik onkage Isor do acʼakʼ edre ar daṛe udug lạgitʼe monejoṅkan tahẽkana; enrehõ okoe hoṛko upạrte acʼakʼ edre sodore menletʼ, onkoakʼ do ạḍi soborikateye sahaoketʼtakoa. Ente onko hoṛkoakʼ kuṛại do moron tahẽkana.

Santali Common Language New Testament

²² Ṭhik onkage Isor do acʼakʼ edre ar daṛe udug lạgitʼe monejoṅkan tahẽkana; enrehõ okoe hoṛko birudre acʼakʼ edre sodore menletʼ, onkoakʼ do ạḍi soborikateye sahaoketʼtakoa. Ente noko hoṛkoakʼ kuṛại do moron tahẽkana.

Romiko lạgitʼ Pạul Apostolakʼ ciṭhi 9:22 Referans Kwoze

Kạhtukko 16:4

Probhu Isor do jotowakʼe benao akada ona reakʼ nij jos lạgitʼ; Ar bedhoromicʼ hõ ghoṭna din lạgitʼ.

Jihudạwakʼ ciṭhi 1:4

Noa do jạruṛgea, ente sedaere okoe hoṛkoakʼ sạjại reaṅ katha sostorre olakan onko do ape talare hape hapeteko bolo akana. Noko hoṛkore Isor bhokti do bạnukʼanaṅ; ar aboren Isorakʼ daya do lucạ lamoṭ menteko ạnḍuṅeda ar okoe aboren mitʼ goṭen mạlik are Probhu kan uni Jisu Mạsi do bako aṅgoc edekana.

1 Patras 2:8

Sostor reakʼ noa katha hõ ṭhikgea, Ona do nonkan dhiri kana, one okaṭakʼ do hoṛkoakʼ tohodokʼ reakʼ karonge hoyokʼ. Hoṛko do Isorakʼ katha bebatao iạteko tohodokʼ kana, ar ona iạtege onko doko doho ocoakana.

Romiko lạgitʼ Pạul Apostolakʼ ciṭhi 9:21

Kuṅkạl do inạ hasa ḍhimbạ khonge mitʼ bhajan do manotakʼ lạgitʼ ar eṭagakʼ do bemanotakʼ lạgitʼ benao reakʼ ektiạri do cetʼ bạnukʼtaea?

2Timothi 2:20

Eken napṛakʼ oṛakʼrege sona ar rupạ reakʼ bhajanko tahena ona do baṅ, menkhan kaṭ ar hasa reakʼ bhajan hõ tahengea. Onako modre adomakʼ do manot lạgitʼ ar adomakʼ do bemanot lạgitʼ beoharokʼkana.

Exodus 9:16

Menkhan am do jiwetʼ iń dohomea jemon ińakʼ daṛeń udukʼ daṛeam ar goṭa dhạrtire ińakʼ ńutum lại pasnaokʼtiń.

1 Thessalonikikko 2:16

Onko do aleko tạkicʼ darametʼlea jemon boṅgan hoṛ jạtrenko kại khon bańcaoko lạgitʼ jãhãn kathako alole lại daṛeako. Nonkate onko Jihudiko do siń sạṭupʼ kại cetan kạiko bojha joṅkana, ar Isorakʼ edre do purạte onkore hecʼ paṛaokʼ kana.

Romiko lạgitʼ Pạul Apostolakʼ ciṭhi 9:17

Sonot sostorre Isor do Pharao noa kathae metade tahẽkana, “Amiń raj akatʼmea jemon am hotete ińakʼ daṛeń udug ar goṭa dhạrtire jemon ińakʼ ńutum lại pasnaokʼ.”

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

Sereńko 90:11

Amakʼ edre reakʼ daṛe do okoeye bujhạu daṛeakʼa? Tinạkʼ hoṛakʼ ontorre bhoti menakʼte, amakʼ raṅgaoko bujhạu daṛeakʼa?

Numeri 14:18

‘Probhu Isor do ạḍi anecʼ edrekʼicʼ ar dayateye kisạ̃ṛgea uni do behok ar hul ikʼkạyicʼ kanae menkhan dusiyicʼ doe sạjạiyea; ar apatkoakʼ kại do hoponko ṭhen pe pon piṛhi hạbicʼe pańja halayetʼkana.’

Numeri 14:11

Probhu Isor do Moseye metadea, “Onko do ar tinạkʼ din ińko nihạ̃tińạ? Onko talare cinhạkoń udukʼ akatʼrehõ ar tinạkʼ din ińre bepạtiạuko tahena?

1 Thessalonikikko 5:9

Sạjại ńam lạgitʼ do baṅ bickom aboren Probhu Jisu Mạsi hotete bańcao ńam lạgitʼge Isor doe ṭhik dohoakatʼ bona.

Genesis 15:16

Menkhan am bõsren pon piṛhiren hoṛ do nonḍeko ruạṛ hijukʼa, ente Amorikoakʼ ghạṭ do nonka ạuri hoyokʼa one onate onkoń sạjạiko.”

2 Patras 3:15

Disạipe, manwako kại khon bańcaoko ńam lạgitʼ aboren Probhu Isor doe sombhuriyeda. Ar inạ mitʼ kathage aboren dulạṛiạ boeha Pạul hõ Isore emakade akelte apeye olatʼpea.

2 Patras 2:9

Noako khon ńelokʼkana, okoe Probhu Isorko botoraekan onko do biḍạu tala khon bańcaoko doe baḍaegea.

1 Patras 3:20

Sedaere Noha do jahaje benaokan tahẽkanre Isor do sombhurikate tinreye ńel hohorkan tahẽkana unre okoeko bebataoletʼ onko jiuko do onkoren kangeako. Ar ona jahajreko decʼen eken thoṛa hoṛge, metakʼme eken irạl hoṛge ona dakʼ khon rukhiyạko ńamleda.

Romiko lạgitʼ Pạul Apostolakʼ ciṭhi 1:18

Manwa do Isorakʼ sạriyakʼtetʼ akoakʼ bedhoromteko ten esetʼeda, onate sanam bebhokti ar sanam bedhorom kạmiko iạte serma khon Isorakʼ edre do manwakore sodorokʼ kana.

Rak̕joṅ 3:22

Probhu Isorakʼ asambheṛ dulạṛ iạte bale marao akana, ente uniyakʼ daya do tishõ baṅ cabakʼtaea;

Romiko lạgitʼ Pạul Apostolakʼ ciṭhi 9:20

Enḍekhaniń menkea, E manwa; am dom celekante Isor upạrtem roṛ ruạṛetʼkana? Jãhãe hoṛ mitʼṭecʼ jinise benao khan, enḍekhan ona benaoakʼ jinis do cetʼ uniye kuli daṛekea, “Cedakʼ nonka dom benaokedińa?”