Romiko lạgitʼ Pạul Apostolakʼ ciṭhi 8:39 - সান্তালী বাইবেল

³⁹ se serma cetanakʼko reakʼ se dhạrti latar reakʼ jãhãnakʼ sirjạuakʼge okoe hõ Isorakʼ dulạṛ khon do bako begar daṛeabona. Isorakʼ noa dulạṛ do aboren Probhu Mạsi Jisurege menakʼa.

Santali Common Language New Testament

³⁹ se serma cetan se dhạrti latar reakʼ jãhãnakʼ sirjạukʼge okoe hõ Isorakʼ dulạṛ khon ohoko begar daṛelebona. Isorakʼ noa dulạṛ do aboren Probhu Mạsi Jisurege menakʼa.

Romiko lạgitʼ Pạul Apostolakʼ ciṭhi 8:39 Referans Kwoze

Romiko lạgitʼ Pạul Apostolakʼ ciṭhi 8:35

Nonkanakʼ cetʼ menakʼa one onate Mạsiyakʼ dulạṛ khone begar daṛeabon? Saset? Mon reakʼ kosṭo? Santao? Reṅgecʼ? Kicricʼ khạnḍwạkʼ reakʼ okulạn? Muhin? Se gujukʼ?

Romiko lạgitʼ Pạul Apostolakʼ ciṭhi 5:8

Menkhan Isor aboe dulạṛetʼ bon ona reakʼ cinhạ do noage, kại hoṛ bon tahẽkanrege Mạsi do abo lạgitʼ jiwiye emkeda.

1 Johan 4:19

Uni do pạhilre aboe dulạṛ maṛaṅ ketʼbontege abo hõ uni bon dulạṛede kana.

Johan 3:16

“Isor do dhạrtirenko nonkae dulạṛketʼkoa acʼren eskar janam Hopongeye emkedea, jemon unire pạtiạukʼ mitʼke mitʼ hoṛ aloko nosṭokʼ bickom jaejug jion tahentako.

Ephesiko lạgitʼ Pạul Apostolakʼ ciṭhi 1:4

Isorakʼ mẽtʼãhã samaṅre sonot ar niphuṭko jemon bon hoyokʼ onate Isor do dhạrti ạuriye sirjạurege Mạsi hoteteye bachao akatʼbon tahẽkana. Uni do acʼakʼ dulạṛ ar kusite apnarakʼ monejoṅ leka laharegeye ṭhik dohoakatʼ tahẽkana, Jisu Mạsi hotete acʼren hoponko lekateye ataṅ bona mente.

1 Johan 4:16

Baḍaegea bon Isor do aboe dulạṛetʼ bona, ar uniyakʼ dulạṛre aboakʼ biswạs menakʼ tabona mente. Isor do acʼtetʼgeye dulạṛkana. Ar dulạṛre okoeye tahen kan, uni do Isorregeye tahenkana ar Isor do unireye tahenkana.

Johan 17:26

Iń do onko ṭheniń sodor akatʼmere hõ arhõń sodormea, jemon cetʼ lekam dulạṛ edeńkan onkan dulạṛ onkoakʼ ontorre tahentako ar iń do jemon onko tulucʼ mitʼ akaniń tahen.

Johan 16:27

Baba ma coṅ acʼgeye dulạṛetʼpe, ente ape do ińpe dulạṛakadińạ arpe pạtiạu akana, iń do Baba Isor ṭhen khoniń hecʼakana.

Jesaea 24:21

Enhilokʼ Probhu Isor do sermaren phạdkoe sạjạikoa, ar dhạrtire do rapajkoe sạjạikoa.

Romiko lạgitʼ Pạul Apostolakʼ ciṭhi 11:33

Isorakʼ dhon do asambheṛgea. Uniyakʼ bud ar akel hõ khạndrińgea. Uniyakʼ bicạr ar sanam kạmiko do oho ḍunḍhạulena.

Sereńko 64:6

Onko do bedhorom reakʼ motlob aṭaokateko mena, “Abo do sanam secʼ hudis cintạkate mitʼṭecʼ bon goṭayeda.” Sạrige manwa mon ar ontor reakʼ khạndritetʼ do ohoge jokha daṛelena.

2 Korinthiko 11:3

Menkhaniń botorokʼ kana, uni biń do acʼakʼ bạṛicʼ phorphundite cetʼleka Hawae bulạulede onkage Mạsire menakʼtape soṛatetʼ ar napaetetʼ khon apehõkoe bulạu botecʼpea.

2 Korinthiko 2:11

jemon Soetan do abo bulạu bon lạgitʼ jãhãn dão aloe ńam. Ar uniyakʼ monsubạ dobon baḍaegea.

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Daniel 4:11

Dare do hara idiyente ạḍi maraṅ ar daṛeanakʼ hoyena ar ona reakʼ coṭ agal do serma hạbicʼ rakapʼena; dhạrti reakʼ ses simạ khon hõ ona dare do ńel ńamokʼkan tahẽkana.

Jesaea 10:33

Ńelme, phạdkoren Probhu Isor do maraṅ daṛete ḍạrkoe rạputʼ giḍiya. Ar usul usul dareko do makʼ giḍikʼa; ar onako do otre bhindạṛokʼa.

Kạhtukko 20:5

Manwa ontor reakʼ monsuba do hasa latarre menakʼ dakʼ leka, menkhan budan hoṛ do onae lo rakaba.

Johan sodor 20:7

Ona hajar bochor purạulen khan Soetan do acʼakʼ hajot oṛakʼ khone raṛa ocokʼa.

Johan sodor 20:3

Tayomte kulup oṭokate ona cetanreye chap oṭowada, jemon ona mitʼ hajar bochor ạuri mucạdokʼ hạbicʼ dhạrtire jạt jạtrenko eṭakʼ bhul horte bae idi daṛeako; ona tayom thoṛa din lạgitʼ uni doe aṛakʼ ocokʼa.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

Johan sodor 13:14

Ar okako hahaṛa kạmi lạgitʼ ektiạriye emocolen onako kạmikate hoṛko bhul horte idikoe ehopʼkeda. Ar Pạhilicʼ janwar okoe do tarwaṛeteye ghạl ocolenre hõ jiwetʼe tahẽkan, uni dosaricʼ janwar do hoṛkoe metatʼkoa jemon onko do uniyakʼ muṭhạnko benaotae.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

Johan sodor 2:24

E Thuạtirạren sarecʼ hoṛko, okoe ona sikhnạt leka bape calakʼkan ar Soetanakʼ oka khạnḍri cecetʼakʼko metakʼkan ona bape baḍae akatʼ, apeń metapekana: Ape cetanre ar eṭakʼ bojha do bạń ladeapea.

2 Thessalonikiko 2:4

Isor mente cetʼko menakʼ onako sanamakʼ upạrte ar sewa ocokʼ jotowakʼ upạrteye teṅgokʼte uni do apnarte maraṅe udugokʼa; ar Isorakʼ mundilre duṛupʼkate acʼge Isor menteye udugokʼa.

Soros sereń 3:4

Onkoń paromketʼko khan ińren dulạṛiạtiń doń ńamkedea. Ar uni sapʼkate eṅgạńakʼ oṛakʼte ạuriń ạguiye hạbicʼ bạń aṛakʼledea; ar okoe kukhireye doholediń uniyakʼ oṛakʼtegeń ạgukedea.

Romiko lạgitʼ Pạul Apostolakʼ ciṭhi 1:7

Rom nagraharen okoeko hoṛ do Isore dulạṛetʼko ar acʼren hoṛ hoyokʼ lạgitʼe hohoakatʼko, onko sanamko ṭhen, metakʼme ape ṭhenge iń do noa ciṭhiń oletʼkana. Aboren Isor Baba ar Probhu Jisu Mạsi doe mãyã apema ar suluke dan apema.

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

Romiko lạgitʼ Pạul Apostolakʼ ciṭhi 8:1

Okoe Jisu Mạsireko kolom mitʼakan Isor do onko sạjạiyokʼ lek kanako mente bae hudiskoa.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Philipiko lạgitʼ Pạul apostolakʼ ciṭhi 3:8

Sạrige okoe lạgitʼ noako lokshaniń bujhạu akatʼ uni ińren Probhu Jisu Mạsi baḍaeyere oka asambheṛ bhor menakʼ, uni ńutumte jotowakʼge lokshan menteń hudiseda. Mạsi jemoniń lab daṛeae ar Mạsire jemoniń ńel ńamokʼ, onate onako do mạilạ lekań bujhạueda.

Philipiko lạgitʼ Pạul apostolakʼ ciṭhi 3:12

Oka lạgitʼ iń kurumuṭukan ona do ńitgeń ńamakada se purạteń lab akada onka do baṅ. Menkhan oka lạgitʼ Jisu Mạsiye sapʼledeń ona sapʼ tiog lạgitʼge iń doń khudạu idikana.