Romiko lạgitʼ Pạul Apostolakʼ ciṭhi 8:36 - সান্তালী বাইবেল

³⁶ Sonot sostorre olakana, am iạte jaogele gocʼ ocokʼkana: ar gur ocokʼ bhiḍiko lekageko hudisetʼlea.

Santali Common Language New Testament

³⁶ Sonot sostorre olakana, am iạte jaogele gocʼ ocokʼ kana: ar jabe ocokʼ bhiḍiko lekageko hudisetʼlea.

Romiko lạgitʼ Pạul Apostolakʼ ciṭhi 8:36 Referans Kwoze

Sereńko 44:22

Menkhan enhõ am lạgitʼge jao ghuṛi aleren jãhãe baṅ jãhãeko gocʼ ocokʼkana, ar hoṛko do gur ocokʼ bhiḍiko lekageko hudisetʼlea.

Jesaea 53:7

Uni doe santao ocoyena ar duke jomkeda, menkhan enhõ acʼakʼ moca do bae jhicʼletʼtaea; uni do mage lạgidokʼkan bhiḍi hopon lekae tiyạkʼ idi ocoyena, ar kạpciyicʼ samaṅre hape akan bhiḍi leka uni do moca bae jhicʼletʼtaea.

1 Korinthiko 15:30

Ar cedakʼ jao ghuṛi muhinre bon paṛaokʼkana?

1 Korinthiko 4:9

Ińakʼ bujre Isor do ale apostolko ses utạrko menkateye udukʼ akatʼlea, gocʼ ocokʼ lạgitʼ ṭarhao akanko lekage. Ale do goṭa dhạrtirenko ṭhen, metakʼme sermaren goḍetko ar manwako ṭhen tamasa lekale hoyakana.

Aposkạmi 8:32

Uni kạmiạyicʼ do sonot sostor khon okae paṛhaoetʼ tahẽkan ona do noage; mage lạgitʼ bheḍa cetʼlekae idi ocokʼ onkage uni doe idi ocoyena. Kạpciyicʼ samaṅre bhiḍi hopon cetʼleka thir akane tahen, onkage uni do moca bae jhicʼletʼtaea.

Jirimiạ 11:19

Iń do gure lạgitʼ tiyạkʼ idiyekan bheḍa hopon lekań tahẽkana; iń do bạń bujhạu daṛeada, onko do noa menkate iń upạrteko soṛojontro kana mente, “Dela, abo do dare ar ona reakʼ jo bon nosṭoea; dela, abo do jiwetʼkoakʼ disạm khon uni bon getʼ giḍikaea jemon uniyakʼ ńutum do alo disạkʼtae.”

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Johan 16:2

Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Jirimiạ 51:40

Bhiḍi hoponko leka, bheḍako leka ar merom bodako leka iń do gurko reakʼ ṭhạ̃iteń tiyạkʼ idikoa.

Jirimiạ 12:3

E Probhu Isor, am dom baḍae akadińạ; arem tunkhi talaseyedeń kana ar tinạkʼ iń botoramkan ona hõm biḍạu aṭkar edeńkana. Onko do bhiḍiko leka gurko lạgitʼem tiyạkʼ idiyetʼkoa; ar gurko hilokʼ lạgitʼem begar dohoyetʼkoa.

Sereńko 141:7

Manwa do cetʼleka hasako cas paṛakʼetʼkan onkage aleakʼ jaṅko do patal puri reakʼ duạr ṭhen chirchạtur akana.

Sereńko 44:11

Samaṅe lạgitʼ tiyạkʼ idiye bhiḍi leka onkoakʼ tire am dom aṛakʼ akatʼlea ar eṭakʼ eṭakʼ jạtrenko talarem chirchạtur akatʼlea.

1 Korinthiko 15:31

E boehako, aboren Probhu Jisu Mạsire ape reaṅ okaṭakʼle suhukʼetʼkan ona suhukʼre iń do dinạm hilokʼgeń gujukʼ kana.

2 Korinthiko 1:9

Alele hudisetʼ tahẽkana, niạ dhao do khạṭigele gujukʼa. Menkhan ona dosa do noa lạgitʼge paṛaoatʼle tahẽkana jemon apnarre bhorsa baṅkate, okoe gocʼkoe jiwetʼ beretʼetʼko, uni Isorre bhorsa akanle tahen.

2 Korinthiko 6:9

Hoṛ do ale oromle bako monejoṅ kana, menkhan sanamkoge ale doko orom akatʼlea. Ale do gujukʼ barag lekale hoyakanre hõ jiwetʼ menakʼlea. Arle dal ocokʼkanre hõ bale gocʼ ocokʼ kana.

2 Korinthiko 11:23

Onko do cetʼ Mạsiren sapʼ dapʼko kanako? Iń do arhõ ḍhertetʼ kạnạń. Disạipe, iń do bạulạha hoṛ lekań roṛeda. Mạsiyakʼ sapʼdapʼ kạmire iń do onko khon ḍheriń khaṭao akana, ar ạḍi dhaoiń hajot akana, arhõ ạḍi dhao daleń jomakada, ar ạḍi dhao gujukʼ dạkhilreń paṛaolena.

Philipiko lạgitʼ Pạul apostolakʼ ciṭhi 3:10

Iń do Mạsi baḍaeye sanań kana ar oka daṛe hotete gocʼko khone jiwetʼ beretʼ ocolen ona hõ baḍae sanań kana. Iń do uniyakʼ duk sasetre bhạgiyạdar hoyokʼ hõ sanayediń kana. Ar oka monsubạteye gocʼlen iń hõ onkan monsubạge ńańam sanayediń kana.