Romiko lạgitʼ Pạul Apostolakʼ ciṭhi 8:34 - সান্তালী বাইবেল

³⁴ Ar okoe hale onko do dusi menteye ṭahraokoa? Okoeye gocʼlen ar gocʼko khone jiwetʼ beretʼ ocoyen uni Mạsi Jisu do ńitokʼ Isorakʼ jojomsa aṛere menaea ar abon lạgitʼe nehõrokʼ kana.

Santali Common Language New Testament

³⁴ Ar okoe hale onko do dusi menteye ṭahraokoa? Okoeye gocʼlen ar gocʼko khone jiwetʼ beretʼ ocoyen uni Mạsi Jisu do ńitokʼ Isorakʼ jojomsa aṛere menaea ar abon lạgitʼe nehõrokʼ kana.

Romiko lạgitʼ Pạul Apostolakʼ ciṭhi 8:34 Referans Kwoze

Ibriko 7:25

Onate okoe uni hotete Isor ṭhenko hijukʼkan onko do purạteye bańcao daṛeakoa, ente onko iạte nẽhorokʼ lạgitʼ uni do jaoge jiwetʼ menaea.

Romiko lạgitʼ Pạul Apostolakʼ ciṭhi 8:27

Okoe manwakoakʼ ontore ńeletʼkan uni do sonot Jiuakʼ mon reakʼ katha hõe baḍaea, ente sonot Jiu do Isorakʼ sanalekage Isorren hoṛko lạgitʼe nehõrokʼkana.

1 Patras 3:22

Jisu do sermateye calao akana ar ńitokʼ Isorakʼ jojomsa aṛere menaea, ar sermaren goḍetko, ar ektiạrianko ar daṛeanko do uniyakʼ gobolre menakʼkoa.

Ibriko 9:24

Asolakʼ sonot jaega reakʼ nokolakʼ lekate manwa tite tearakʼ jãhãn sonot jaegare Mạsi do bae bololena, bickom ona bodolte uni do sermateye boloyena jemon abo iạte Isor samaṅre ńite hạjir daṛeakʼ.

Romiko lạgitʼ Pạul Apostolakʼ ciṭhi 8:1

Okoe Jisu Mạsireko kolom mitʼakan Isor do onko sạjạiyokʼ lek kanako mente bae hudiskoa.

Mark 16:19

Ado joto kathae galmaraoatʼko tayom, Probhu Jisu do sermateye rakapʼ ocoyena. Ar uni do onḍe Isorakʼ jojomsa aṛereye duṛupʼena.

Kolossiko lạgitʼ Pạul Apostolakʼ ciṭhi 3:1

Mạsi tulucʼ gocʼko khonpe jiwetʼ beretʼ ocoyen khan, enḍekhan Mạsi one sermare Isorakʼ jojomsa aṛereye duṛupʼ akan ona coṭ reakʼakʼko baṛe ńam baṛaepe.

Jesaea 53:12

Ona iạte iń do napṛakʼko talareń bakhrawaea ar uni do daṛeanko tulucʼ luṭakʼkoe bakhra joṅa, ente uni do gujukʼ hạbicʼ jiwiye alaeketʼtaea. Uni do kạiyanko tulucʼe lekha mitʼena; uni do ḍher hoṛkoakʼ kạiye gokʼ idikeda ar ghạghạṭko ńutumteye arojkeda.

Sereńko 109:31

ente uni do reṅgecʼ orecʼko aṛereye tahena, jemon behok reakʼ bicạr khon onkoakʼ jiwiye rukhiyạitako.

Johan sodor 1:18

ar ińkangeạń jaejug jiwetʼicʼ. Iń doń gocʼlena, ar ńelme, jug cetan jug hạbicʼ jiwetʼ minạńa. Iń ṭhen do moron ar patal puri reakʼ choṛan menakʼa.

Romiko lạgitʼ Pạul Apostolakʼ ciṭhi 14:9

Mạsi doe gocʼlena are jiwetʼ beretʼena jemon uni do jiwetʼko ar gocʼkoren Probhui hoydaṛeakʼ.

Romiko lạgitʼ Pạul Apostolakʼ ciṭhi 4:25

Aboakʼ kạiko iạte Jisu do gujukʼ tireye soprotʼlena ar dhorom menteye ataṅ bon lạgitʼ uni do gocʼko khone jiwetʼ beretʼ ocoyena.

Jirimiạ 50:20

Onako dinre ar onako oktere Israel reakʼ ghạṭko ńam baṛakʼa menkhan mitʼṭecʼ hõ baṅ ńamokʼa, ar Jihudạ reakʼ kạiko hõ ńam baṛakʼa menkhan mitʼṭecʼ hõ baṅ ńamokʼa, ente jiwetʼ okoyiń dohoko onko doń ikạkoa.

Sereńko 37:33

Menkhan Probhu Isor do bạṛicʼkoakʼ tire bae aṛakʼ giḍikakoa; bicạrre onko do bae dusi ocokoa.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

Ibriko 1:3

Isorakʼ sanam gun do uni Hopontetʼrege menakʼa; ar Hopontetʼ kangeae Isorren purạ nạmuna do. Hopon do acʼakʼ ektiạranakʼ kathate jotowakʼe calaoetʼ kana. Manwakoakʼ kại reakʼ puruchun meṭaokate Hopon do coṭ utạricʼren Isorakʼ jojomsa aṛereye duṛupʼena.

Romiko lạgitʼ Pạul Apostolakʼ ciṭhi 14:13

Onate abo do mimitʼ hoṛakʼ dosko alo bon sabtakoma, ar nonkanakʼ alo bon kạmima one ona ńelte jãhãe boeha monreye tạkijokʼ se kạireye ńur botecʼkokʼ.

Johan 16:23

Enhilokʼ ape do cetʼge bape kuliyińạ. Sạrigeń metapekana, iń ńutumte Baba ṭhen jãhãnakʼgepe koe uni do onae emapea.

Johan 14:19

Ar thoṛa ghạṛicʼ khange dhạrtiren hoṛko do ar bako ńel ńameńa, menkhan ape dope ńeleńgea. Iń do jiwetʼge minạńte ape hõ jiwetʼpe tahena.

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi utạr hoṛko bodolte chaḍaokʼ reakʼ dam menkate acʼakʼ jiwi emokʼgeye hecʼakana.”

Jobakʼ 33:24

enḍekhan uni cetanre dayakateye men, ‘Sheolte pheḍ calakʼ khon rukhiyạyem; iń do uni iạte chaḍao reakʼ damiń ńamakada.’

Jobakʼ 34:29

Hape akane tahẽlenre hõ okoege uni do bako dusi daṛelea; Mocae jhicʼletaere hõ uni do celege bako ńel ńamea. Enhõ uni do manwa ar jạtrenko cetanreye tahẽnkana,

Jesaea 50:8

Okoe bin dusạnicʼ menteye sạbud akadiń uni do sorrege menaea; enḍekhan okoe iń upạrte doe lạlisa? Dela, bon teṅgo ńapamlenge. Ar okoeye dusi akadiń, uni do iń samaṅreye hecʼ sorokʼma.

Aposkạmi 2:24

Menkhan Isor do gujukʼ reakʼ bedon khon khalaskate uniye jiwetʼ beretʼkedea, ente uni sapʼ dohoye reakʼ ektiạri gujukʼakʼ do bạnukʼtaea.

Numeri 7:15

jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon;