Romiko lạgitʼ Pạul Apostolakʼ ciṭhi 8:26 - সান্তালী বাইবেল

²⁶ Noa chaḍa aboakʼ nijortetʼre sonot Jiu doe goṛo abon kana. Ar cetʼ leka koejoṅ lek tabon ona do babon baḍaekana, menkhan oka roṛte baṅ sodorokʼ onkan kũhrạu tulucʼ sonot Jiu do acʼge abo lạgitʼe nehõrokʼ kana.

Santali Common Language New Testament

²⁶ Noa chaḍa aboakʼ nijortetʼre sonot Jiu doe goṛo abon kana. Ar cetʼ leka koejoṅ lek tabon ona do babon baḍae kana, menkhan oka roṛte baṅ sodorokʼ onkan kũhrạu tulucʼ sonot Jiu do acʼge abo lạgitʼe nehõrokʼ kana.

Romiko lạgitʼ Pạul Apostolakʼ ciṭhi 8:26 Referans Kwoze

Mathae 10:20

Ape do roroṛko dope baṅkana, menkhan aperen Baba Isorren Jiuge ape bhitrite kathae roṛa.

Ephesiko lạgitʼ Pạul Apostolakʼ ciṭhi 6:18

Sonot Jiu hotete ạyur ocokʼte mon ar ontorte jao ghuṛi koejoṅpe. Onate jagwar akae tahente Isorren sanam hoṛko lạgitʼ mitʼ talao koejoṅre jamaṛ akae tahenpe.

Galathiko lạgitʼ Pạul Apostolakʼ ciṭhi 4:6

Ape dope hoponko kante Isor do acʼren Hoponren Jiu aboakʼ ontorreye kolkedea. Ar uni Jiu Isor do Abba, metakʼme Baba menteye hohoae kana.

Johan 14:16

Iń do Baba ṭheniń koeapea, ar uni do jaejug hạbicʼ mitʼṭen sohotʼicʼe kolapea.

Ephesiko lạgitʼ Pạul Apostolakʼ ciṭhi 2:18

Uni hotete ini mitʼ sonot Jiure Baba ṭhen calakʼ reakʼ ạidạri do sanamkoakʼ menakʼ tabona.

Romiko lạgitʼ Pạul Apostolakʼ ciṭhi 8:15

Ar golamren Jiu do bape ńamakadea, one onatepe botorkokʼ; Ape do Isorren Jiugepe ńamakadea one okoe do hopon hoyokʼ reakʼ ạidạriye emakatʼpe. Ona iạtege Isor do Abba, metakʼme Baba mente bon hohowaekana.

Sereńko 6:9

Ińakʼ nehõr do Probhu Isore lutur akawada, ar ińakʼ koejoṅe ataṅ akatʼtińạ.

Ibriko 4:15

Aboren maraṅ naeke do nonkanicʼ doe baṅkana one okoe aboakʼ ńijortetʼre abo tulucʼ duk bae ńam, ente abo leka uni hõ joto secʼ khonge kại reakʼ biḍạu samaṅreye teṅgolena menkhan bae kạileda.

Jakob 4:3

Ape dope koeyetʼkanre hõ bape ńameda, ente bạṛicʼ monsubạ iạtepe koeyeda, jemon apeakʼ rij roṅ purạukʼtape.

Romiko lạgitʼ Pạul Apostolakʼ ciṭhi 15:1

Abo okoe do bon daṛeanko kan aboakʼ do dạyik kana bin daṛeankoakʼ nijorakʼkore teṅgo goṛowako, ar eken apnar kusikʼ lạgitʼ do baṅ.

Luk 22:44

Ar Jisu do ala jhalareye paṛaoente arhõ jidkateye koekeda. Uniyakʼ hoṛmo reakʼ balbal dakʼ do mãyãm leka otre ṭhopʼ ṭhopʼ jorokʼ ehopʼena.

Sakariạ 12:10

“Iń do Dạudakʼ bõs ar Jerusalemren hoṛko cetanre ińren Jiu iń dulea; uni doe dayakʼa ar koejoṅ reakʼ mone emokʼa. Onate onko do iń secʼ, metakʼme okoe do uniko sobokʼ tapʼlede uni secʼ beṅgetʼ akaeko tahena. Ar sadher hopon ńutumte homor halaṅ leka onko do uni lạgitʼko homor halaṅa ar pạhilicʼ hopon lạgitʼ cetʼ lekako homor halaṅ onkageko jare jarekʼa.

2 Korinthiko 5:4

Sạrige noa laṅga hoṛmore tahen jokhecʼ hamal bojha iạte lologe bon sahẽtʼeda; ar koṭokʼ do baṅ sanayetʼ bona bickom oyo ocokʼgebon khojkana jemon abonakʼ gujukʼakʼ hoṛmo do jaejug jiwetʼ hoṛmote pheraokʼ.

Sereńko 10:17

E Probhu Isor, am do mạ̃hirkoakʼ ontor reakʼ katham ańjomeda; ar amge dilem emakokana, ar onkoakʼ rakʼem ańjometʼtakoa.

2 Korinthiko 5:2

Niạ hoṛmore tahen jokhecʼ abo dobon sãhetʼeda ar goṭa monte bon khojkana jemon serma reakʼ ona nãwã hoṛmote bon abhran ocokʼ;

Mathae 20:22

Jisui menkeda, “Ape cetʼpe khojkan ona do bape baḍaea. Okaṭakʼ bạṭi reakʼ iń ńũi lạgidokʼkan, ona reakʼ do cetʼ ben ńu daṛeakʼgea?” Metadeakin, “Daṛeakʼ gealiń.”

Sereńko 102:5

Bạ̃ṛti kuhrạu iạte ińakʼ hoṛmo reakʼ jaṅ ar harta chaḍa ar cetʼge bạnukʼa.

Sereńko 6:3

ar jiwire hõ botor caṛhao akawạdińa. E Probhu Isor, ar tinạkʼ din ona do calao idikʼa?

Ibriko 5:2

Okoe begor baḍaeteko kạiyetʼkan ar bạṛicʼ horteko calakʼkan onko sãote uni do mạ̃hirteye beohara, ente unire hõ nijortetʼ do menakʼgea.

Romiko lạgitʼ Pạul Apostolakʼ ciṭhi 7:24

Hae iń dukhạliạ hoṛ do! Ińre noa kại, one oka do gujukʼe ạguiyetʼ, ona khon okoeye rukhiyạyińạ?

Sereńko 69:3

Hoho hohote iń doń laṅga cabayena, ar ińakʼ nạnḍri hõ rohoṛena; ińren Isor lạgitʼ koyokʼ horte ińakʼ mẽtʼ hõ dhund cabayentińạ.

Jobakʼ 37:19

“Lạiyaleme uni cetʼle metaea mente; alele bebujgete aleakʼ katha do bale baḍae oco daṛeae kana.

Rak̕joṅ 3:56

Ar ińakʼ nehõr joṅakʼem ańjomketʼtińạ, “Goṛo ńam lạgitʼ iń rakʼamre lutur do alom bond esetʼkatama. ”