Romiko lạgitʼ Pạul Apostolakʼ ciṭhi 8:24 - সান্তালী বাইবেল

²⁴ Kại khon bańcao ńamkate abo do noa asge bon ńamakada. Ar oka lạgitʼ bon asakan ona bon ńamakatʼ khan enḍekhan ona as do ar asge baṅ tahẽlena. Oka ńam akan, ona lạgitʼ do ar okoeye asokʼa?

Santali Common Language New Testament

²⁴ Kại khon bańcao ńamkate abo do noa asge bon ńamakada. Ar oka lạgitʼ bon asakan ona bon ńamakatʼ khan enḍekhan ona as do ar asge baṅ tahẽlena. Oka ńam akan, ona lạgitʼ do ar okoeye asokʼa?

Romiko lạgitʼ Pạul Apostolakʼ ciṭhi 8:24 Referans Kwoze

Ibriko 11:1

Okaṭakʼ ńama mentebon as akan ona dobon ńamgea ar ona reakʼ khạṭitetʼ do hoyokʼ kana pạtiạu. Ar ona pạtiạu hotete purạpuri bon bujhạu daṛeakʼa je, okaṭakʼ babon ńel ńametʼ kan ona do sạrige menakʼgea mente.

2 Korinthiko 5:7

Oka ńelokʼkan ona hotete do babon calakʼkana, bickom biswạs hotete bon dãṛãnkana.

2 Korinthiko 4:18

Oka ńelokʼkan ona secʼ do bale beṅgetʼeda, bickom oka baṅ ńelokʼkan ona secʼgele beṅgetʼeda. Ar oka ńelokʼkan ona do eken thoṛa din lạgitʼkana, menkhan oka baṅ ńelogokʼkan ona do jaejug hạbicʼ reakʼ kana.

1 Patras 1:21

Isor do gocʼko khon uniye jiwetʼ beretʼkedete ṭhonoke danadea ar uni hotete ape do Isorrepe biswạs akana; ar onatege apeakʼ biswạs ar as do Isor cetanre menakʼtapea.

1 Thessalonikikko 5:8

Menkhan abo do sińren hoṛ kanabon; onate koṛam aḍ lạgitʼ pạtiạu ar dulạṛte koṛam aḍkate ar bohokʼ aḍ lạgitʼ bańcaokʼ reakʼ as bohokʼre horokʼkate delaṅ apnar bon sambṛaokʼma.

1 Patras 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Jisu Mạsi gocʼko khone jiwetʼ beretʼkedete Isor do acʼakʼ maraṅ dayate nãwã janame dan akawatʼbona. Ona iạte abo do mitʼṭecʼ jiwetʼ as bon ńam akada,

Romiko lạgitʼ Pạul Apostolakʼ ciṭhi 12:12

Apeakʼ okaṭakʼ as menakʼ, ona iạte rạskạkʼpe. Harkhet sasetre soboripe. Koejoṅre jamaṛ akan tahenpe.

Romiko lạgitʼ Pạul Apostolakʼ ciṭhi 5:2

Ńitokʼ Isorakʼ daya reakʼ oka horte bon calakʼkan onḍe do Mạsire pạtiạu iạte bon seṭerakana. Ar Isorakʼ ṭhonok ńam reakʼ aste bon rạskạkʼ kana.

Romiko lạgitʼ Pạul Apostolakʼ ciṭhi 15:13

Okoe ase dan abonkan uni Isor do apeakʼ biswạs hotete asambheṛ rạskạ ar sulukteye perecʼpema. Enḍekhan sonot Jiu reakʼ daṛete apeakʼ ontor reakʼ as do sareṛokʼtapea.

Kolossiko lạgitʼ Pạul Apostolakʼ ciṭhi 1:27

Isor doe khojkana, boṅgan hoṛ jạtrenko talare hõ uniyakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriyakʼ do noage, Mạsi do apeakʼ ontorre menaete uniyakʼ ṭhonok ńam reakʼpe as akana.

Romiko lạgitʼ Pạul Apostolakʼ ciṭhi 15:4

Sonot sostorre okako ol lahalen ona do abo cetʼ abon lạgitʼge ollena, jemon sostor khon sobori ar udgạu bon ńamte as tahen tabon.

Galathiko lạgitʼ Pạul Apostolakʼ ciṭhi 5:5

Menkhan dhorom mente bon lekha ocokʼ, ona reakʼ khạṭitetʼ do biswạste sonot Jiu hotete bon ńel horeda;

Sereńko 146:5

Bhạgangeae uni hoṛ, okoe do Jakobren Isore goṛowae kan, okoeyakʼ as do uniren Probhu Isorre.

1 Johan 3:3

Okoe Mạsire noa ase dohoy uni do apnare khạṭikʼ kana cetʼleka Mạsiye khạṭige.

2 Thessalonikiko 2:16

Aboren Probhu Jisu Mạsi ar Isor Baba do apeakʼ ontorreye udgạupema ar sanam bhage kạmi ar kathareye kajak ocopema.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.

Kolossiko lạgitʼ Pạul Apostolakʼ ciṭhi 1:5

Sermare ape lạgitʼ okaṭakʼ jogao dohoakan ona ńam reakʼ as khonge ape talare noa pạtiạu ar dulạṛ do janam akana. Ar okaṭakʼ bhage sombat, metakʼme sạri katha ape ṭhen seṭer akan ona hotetege ape do noa as reakʼ kathape ańjom akada.

1 Korinthiko 13:13

Menkhan ńitokʼ do biswạs, as, ar dulạṛ noako penege tahenkana; menkhan noako modre joto khon soros utạrakʼ do dulạṛkangea.

Sakariạ 9:12

E aste perecʼ bondi akanko, ape do apeakʼ gaṛte ruạṛ calakʼpe; teheń iń doń kiriạkʼkana, ape do bar doboṛiń bhorapea.

Jirimiạ 17:7

“Menkhan bhạgangea uni hoṛ do, okoe do Probhu Isorreye bhorsakʼkan ar uniyakʼ pạtiạuren rehetʼ doe Probhu Isorkan.

Sereńko 33:18

Menkhan Probhu Isorre okoeyakʼ botor menakʼ, ar uniyakʼ dulạṛre okoe asko dohoyetʼ, onko cetanre uniyakʼ daya do tahẽnkana;

Sereńko 33:22

E Probhu Isor, alere amakʼ dulạṛ baṛe tahenma, ente ale do amregele as akana.

Kạhtukko 14:32

Bedhoromicʼ do acʼakʼ bạṛicʼ kạmi iạteye ńurhạ ocokʼa, menkhan dhorom hoṛ do gujukʼre hõ as tahentakoa.

Romiko lạgitʼ Pạul Apostolakʼ ciṭhi 4:18

Abraham do baba hoyokʼ reakʼ jãhãn asge baṅ tahẽkantaere hõ uni do Isorre askate pạtiạu akane tahẽkana. Isor do uniye metade tahẽkana, “Amren bõsko do sermaren ipil leka saṅgeko hoyokʼa.” Ar ona katha lekage Abraham do ạḍi utạr jạtkoren babageye hoylena.

Romiko lạgitʼ Pạul Apostolakʼ ciṭhi 8:20

Ente sirjon do ạuṛiyakʼ ṭhene tabe ocoyena. Acʼakʼ kusite do baṅ hoyakana, Isorge uni doe tabe ocoakadea. Menkhan ona são sãote noa as hõe emakana,

Titus lạgitʼ Pạul Apostolakʼ ciṭhi 3:7

Jemon jaejug jion reakʼ aste Isorakʼ sanamakʼren ạidạriko bon hoyokʼ. Noa do eken Isorakʼ dayate dhorom mentebon lekha ocoakana.