Romiko lạgitʼ Pạul Apostolakʼ ciṭhi 8:2 - সান্তালী বাইবেল

² Jionren mạlik sonot Jiu reakʼ niạmge Jisu Mạsi hotete kại ar gujukʼ reakʼ niạm khone chaḍao akadińạ.

Santali Common Language New Testament

² Jionren mạlik sonot Jiu reakʼ niạmge Jisu Mạsi hotete kại ar gujukʼ reakʼ niạm khone chaḍao akadińạ.

Romiko lạgitʼ Pạul Apostolakʼ ciṭhi 8:2 Referans Kwoze

Romiko lạgitʼ Pạul Apostolakʼ ciṭhi 6:14

Ape do kạiren golamko dope baṅkana, ente Isorakʼ daya tạriren kanape, ạn-tạriren dope baṅkana.

2 Korinthiko 3:17

Probhu Isor kangeae sonot Jiu do; ar okare Probhu Isorren Jiue tahenkan onḍege sạdhintetʼ do menakʼa.

Romiko lạgitʼ Pạul Apostolakʼ ciṭhi 6:18

Kại khonpe sạdhinente dhoromren golampe hoyakana.

2 Korinthiko 3:6

Mitʼṭecʼ nãwã bondobos reakʼ katha baḍae ocole lạgitʼ uni doe lek ocoketʼlea. Noa bondobos do eken ạn-ạriko manao reaṅ do baṅ, menkhan sonot Jiuakʼ ạyurte ontorre gobolokʼ reaṅ kana; ente ạn-ạrikote do gogocʼgea menkhan sonot Jiu do jione emokʼa.

1 Korinthiko 15:45

Sostorre nonkage olakana, “Pạhil manwa Adam do jiwetʼ jiwiyanicʼe hoyena.” Ar sesicʼ Adam do jiwetʼ Jiugeye hoyena.

Johan 8:36

Onate Isorren Hopone sạdhinlepere sạrige ape do sạdhinpe hoyokʼa.

Johan 8:32

Ona chaḍa ape do sạriyakʼtetʼpe baḍae daṛeakʼa, ar ona sạriyakʼtetʼge ape doe sạdhinpea.”

Romiko lạgitʼ Pạul Apostolakʼ ciṭhi 7:4

Ṭhik onkage E ińren boehako, Mạsiyakʼ hoṛmo secʼte ar Moseyakʼ ạn-ạri lekate ape hõpe gocʼena. Onate ape do okoe gocʼko khone jiwetʼ beretʼ ocoakan uni Jisu Mạsiren hoṛpe hoyakana, jemon apeakʼ jion do Isor lạgitʼ jo baha daṛeakʼ.

Romiko lạgitʼ Pạul Apostolakʼ ciṭhi 6:22

Menkhan ńitokʼ do kại khonpe sạdhin akante Isorren golampe hoyakana. Onate porho do noage hoyakana, ape dope sonot ocokʼa, ar ona reakʼ mucạtʼ jo do hoyokʼkana jaejug jion.

Johan 6:63

Manwa hoṛmo do oka kaj reakʼ hõ baṅkana; sonot Jiuge jione emokʼkana. Okako katha ape ṭheniń roṛakatʼ ona do jiu ar jion kana.

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

Johan 4:10

Jisu do uni maejiue roṛ ruạṛadea, “Isorakʼ danem baḍaele khan ar okoe am ṭhen dakʼe kokoe kana enḍekhan amge honaṅ uni ṭhen dakʼem koekea ar uni do jiwetʼ dakʼe emkema.”

Galathiko lạgitʼ Pạul Apostolakʼ ciṭhi 5:1

Mạsi do aboe sạdhinketʼ bona jemon sạdhin bon tahẽdaṛeakʼ. Onate teṅgo keṭecʼ akan tahenpe, jemon okoe hõ golam ar aloko benao daṛeape.

Galathiko lạgitʼ Pạul Apostolakʼ ciṭhi 2:19

Ar ạn-ạriko hotete iń do ạn secʼteń gocʼena jemon Isor lạgitʼ jiwetʼ iń tahẽ daṛeakʼ.

Romiko lạgitʼ Pạul Apostolakʼ ciṭhi 5:21

Ona daya do noa iạtege ḍherena jemon gujukʼ talate cetʼleka kại do raje calaoetʼ tahẽkan, onkage manwa hõ dhorom menteye aṅgocokʼte ńitokʼ uniyakʼ daya do rajokʼa: ar ona reakʼ jo do hoyokʼ kana aboren Probhu Jisu Mạsi hotete jaejug jion hameṭjoṅ.

Romiko lạgitʼ Pạul Apostolakʼ ciṭhi 7:21

Enḍekhan ińre mitʼṭecʼ niạm kạmikaniń ńel ńameda. Ona niạm do noage okaṭakʼ bhageakʼ tinre kạmiń menjoṅ unre bạṛicʼakʼ do jao ghuṛi ińre tahenkana.

Sereńko 51:12

Amakʼ babańcao reakʼ rạskạ em ruạṛạńme, ar khaṛa jiute baṛe sambṛaoińme.

Johan sodor 22:1

Ona tayom uni serma goḍet do jion dakʼ reakʼ gaḍae udukʼạdińạ. Ona do dhiri hisir leka rilạmala tahẽkana ar Isor ar Bheḍa Hoponakʼ siṅghạson ṭhen khon ạtu oḍokkate nagraha reakʼ kulhi talate ạtukʼkan tahẽkana.

Romiko lạgitʼ Pạul Apostolakʼ ciṭhi 3:27

Niạ tayom manwa do gorbokʼ reakʼ ar cetʼ menakʼtaea? Cetʼhõ baṅa. Menkhan cedakʼ bạnukʼa? Manwa do ạnkoe manaoetʼkante gorbokʼ reakʼ cetʼge bạnukʼtaea? Ona do baṅa. Sạri katha do noa kana, biswạsre gorbokʼ reakʼ jaega do bạnukʼa,

Johan sodor 11:11

Menkhan noa pe din tala tayom Isor emakʼ jion reakʼ sahetʼ do unkinre boloyena. Onate unkin do ạkinakʼ jaṅgatekin teṅgoyena. Unre okoe unkinko ńelketʼkin onko do ạḍiko botorena.

Romiko lạgitʼ Pạul Apostolakʼ ciṭhi 7:23

enrehõ iń doń ńel ńameda je, mitʼṭecʼ eṭakʼ lekan niạm do ińakʼ hoṛmoreye kạmikana. Oka bhageakʼkan ińakʼ mon do onage bhageakʼ menteye ataṅeda, menkhan noa eṭakʼ niạm do ińakʼ mon upạrteye lạṛhại kana, are gobol akadińạ. Ińre oka kại menakʼ noage ona reakʼ niạm do.

Romiko lạgitʼ Pạul Apostolakʼ ciṭhi 8:1

Okoe Jisu Mạsireko kolom mitʼakan Isor do onko sạjạiyokʼ lek kanako mente bae hudiskoa.

Romiko lạgitʼ Pạul Apostolakʼ ciṭhi 16:3

Priskạ ar Akuilạ hõ ińakʼ johar emakinpe. Unkin do Mạsi Jisuakʼ kạmire iń sãote ạḍikin khaṭao akana.

Galathiko lạgitʼ Pạul Apostolakʼ ciṭhi 6:2

Bhạriạ do gokʼ gopoṛope, ar nonkate ape do Mạsiyakʼ ạnkope purạu daṛeakʼa.

Jakob 1:25

Menkhan okaṭakʼ purạ ạn manwa do sạdhintetʼe danae ona secʼ okoe mońjteye beṅged are hetawakʼ, uni do ona ạn reakʼ katha ańjomkate bae hiṛińa bickom ona lekae kạmiya. Onate uni do acʼakʼ sanam kạmire bhore ńama.

Jeheskel 1:21

Jiwiyanko tinreko calakʼkan tahẽkana unre pạihạ̃ hõ calakʼkan tahẽkana; ar jiwiyankoko teṅgokʼkan tahẽkanre pạihạ̃ko hõ teṅgokʼkan tahẽkana; arhõ jiwiyanko ot khonko rakapʼlenre pạihạ̃ko hõ onko são sãote rakabokʼkan tahẽkana, ente onko jiwetʼ jiwiyankoren jiu do pạihạ̃kore tahẽkana.