Romiko lạgitʼ Pạul Apostolakʼ ciṭhi 8:18 - সান্তালী বাইবেল

¹⁸ Ińiń baḍaea, oka ṭhonok bon ńam ona tulucʼ jurikʼ lạgitʼ aboakʼ nahakʼ jug reakʼ harket ar sasetko do cetʼge baṅkana.

Santali Common Language New Testament

¹⁸ Ińiń baḍaea, oka ṭhonok bon ńam ona tulucʼ jurikʼ lạgitʼ aboakʼ nahakʼ jug reakʼ harket ar sasetko do cetʼge baṅkana.

Romiko lạgitʼ Pạul Apostolakʼ ciṭhi 8:18 Referans Kwoze

1 Patras 4:13

Ona khon bickom Mạsiyakʼ duk jom reakʼ bhạgiyạdarkope hoyakante rạskạkʼpe, jemon uniyakʼ mạhima sodorokʼre ape do rạskạtepe perejokʼ.

Kolossiko lạgitʼ Pạul Apostolakʼ ciṭhi 3:4

Okoe doe aperen jionkan uni Mạsiye sodorlenre ape hõ uni tulucʼ uniyakʼ ṭhonokren bhạgiyạdarko mentepe sodorokʼa.

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

1 Johan 3:2

E dulạṛiạ gidrạko, ńitokʼ do Isorren gidrạko kana bon, menkhan tayomte cetʼ hoyokʼa ona do ńit hõ baṅ sodor akana. Menkhan bon baḍaea, Mạsiye sodorokʼre abo do uni lekage bon hoyokʼa, ente uniy okalekanicʼ kan, ona muṭhạntege bon ńelea.

1 Patras 1:13

Onate monre paṭhe keṭejokʼpe ar apnarte sambṛaokʼpe. Jisu Mạsiye sodorokʼre okaṭakʼ bhorpe ńam, ona lạgitʼ purạpuri as dohoyte koyokʼ hor akae tahenpe.

2 Thessalonikiko 2:14

Ale oka bhage sombatle porcaretʼkan ona hotete bańcao ńam lạgitʼ uni doe hohoakatʼpea, jemon ape do aboren Probhu Jisu Mạsiyakʼ ṭhonok reakʼ bhạgiyạdarkope hoyokʼ.

1 Patras 5:1

Iń do Mạsiyakʼ duk sasetren goha kạnạń ar Mạsiyakʼ oka ṭhonok sodorokʼ onaren hõ bhạgiyạdar kạnạń. Onate ape modre okoe doko manḍerren maraṅ mukhiyạko kan iń do onkoren ar mitʼṭen maraṅ mukhiyạ lekate noa sikhạunań emako kana.

Ibriko 11:35

Maejiuko do akoren gocʼ hoṛko arhõ jiwetʼgeko ńam ruạṛketʼkoa. Eṭakʼko do akotege hajot khon baṅ chaḍaokʼteko santao ocolena, jemon onko do gocʼko khon beretʼkate artetʼ mońj jionko ạidạri joṅ.

Romiko lạgitʼ Pạul Apostolakʼ ciṭhi 8:19

Isorren hoponko tinre ona ṭhonokteko sodorokʼa ona lạgitʼ sanam sirjon do gagocokʼ tulucʼe ńel horeda.

Titus lạgitʼ Pạul Apostolakʼ ciṭhi 2:13

ar aboren maraṅ Isor ar babańcaoicʼ Jisu Mạsiyakʼ ṭhonok reakʼ sodorokʼ do rạskạte bon ńelhor akae tahen.