Romiko lạgitʼ Pạul Apostolakʼ ciṭhi 8:1 - সান্তালী বাইবেল

¹ Okoe Jisu Mạsireko kolom mitʼakan Isor do onko sạjạiyokʼ lek kanako mente bae hudiskoa.

Santali Common Language New Testament

¹ Okoe Jisu Mạsireko kolom mitʼakan Isor do onko sạjạyokʼ lek mente bae hudiskoa.

Romiko lạgitʼ Pạul Apostolakʼ ciṭhi 8:1 Referans Kwoze

2 Korinthiko 5:17

Jãhãege Mạsi tulucʼ mitʼakae menae khan enḍekhan uni do nãwãteye sirjạu akana. Ar mareakʼ sanamakʼ do parom calaoena ar jotowakʼ do nãwã akana.

Galathiko lạgitʼ Pạul Apostolakʼ ciṭhi 3:13

Ar ạn bon bebataoetʼte okako sarap abore tahẽkan, ona do Mạsi acʼgeye ladeyante aboe chaḍaoketʼ bona. Sonot sostorre noa olakana, “Darere aka ocoakanicʼ mitʼke mitʼ hoṛ doe sarapanicʼ kana.”

Romiko lạgitʼ Pạul Apostolakʼ ciṭhi 5:1

Biswạs hotetege bon dhorom ocoakana ar ona iạtege Probhu Jisu Mạsi hotete Isor ar abo talare suluk do hoyakana.

1 Korinthiko 1:30

Jisu Mạsi tulucʼpe mitʼakan ona do Isor khonge hoyakana. Jisu Mạsige abo lạgitʼ Isor ṭhen khone emakan akel do; unige aboren dhoromicʼ, sonoticʼ ar chakʼḍaoicʼ.

Romiko lạgitʼ Pạul Apostolakʼ ciṭhi 8:34

Ar okoe hale onko do dusi menteye ṭahraokoa? Okoeye gocʼlen ar gocʼko khone jiwetʼ beretʼ ocoyen uni Mạsi Jisu do ńitokʼ Isorakʼ jojomsa aṛere menaea ar abon lạgitʼe nehõrokʼ kana.

Johan 5:24

“Sạrigeń metapekana, Ińakʼ katha okoeye ańjom ar kol akadińicʼreye pạtiạukʼ uni do jaejug jion menakʼtaea. Uni do dusi mente bae lekhakʼa, ente uni do moron khon jionteye parom akana.

Johan 15:4

Ińre tahenpe ar iń hõ apeakʼ ontorreń tahena. Darkha nạ̃ṛĩre ḍạrko joṛao baṅ tahẽlen khan cetʼ leka apnarte baṅ jokʼ onkage ape hõ ińre bape tahẽlen khan apnarte ohope jo daṛelena.

Philipiko lạgitʼ Pạul apostolakʼ ciṭhi 3:9

Ạn-ạrikoń manaoetʼte dhoromiń hoyakana ona do baṅ, menkhan Mạsire biswạs khạtirte Isor do dhorom menteye ataṅ akadińạ. Noa dhorom do Isor ṭhen khonge hecʼakana ar biswạsre ṭehãḍokʼ kana.

Jesaea 54:17

Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”

Romiko lạgitʼ Pạul Apostolakʼ ciṭhi 8:14

ente okoe Isorren Jiu hoteteko ạyur ocokʼkan onkoge Isorren hoponko hoyokʼa.

1 Korinthiko 15:22

Adam tulucʼ mitʼakante cetʼleka sanam manwageko gujukʼkan, onkage Mạsi tulucʼ mitʼakanko do jotogeko jiwetʼ beretʼ ocokʼa.

Galathiko lạgitʼ Pạul Apostolakʼ ciṭhi 5:16

Ińakʼ mone joṅakʼ do noage, ape do sonot Jiu lekate colonpe. Arpe onkale khan jel reakʼ sana do bape purạutapea.

Romiko lạgitʼ Pạul Apostolakʼ ciṭhi 8:4

Uni do noa iạtegeye onkakeda, jemon kại gobolre tahẽ baṅkate sonot Jiuakʼ gobolre bon senokʼte abore ạnko purạukʼ.

Romiko lạgitʼ Pạul Apostolakʼ ciṭhi 8:39

se serma cetanakʼko reakʼ se dhạrti latar reakʼ jãhãnakʼ sirjạuakʼge okoe hõ Isorakʼ dulạṛ khon do bako begar daṛeabona. Isorakʼ noa dulạṛ do aboren Probhu Mạsi Jisurege menakʼa.

Galathiko lạgitʼ Pạul Apostolakʼ ciṭhi 5:25

Abo do sonot Jiu hotete jiwetʼ menakʼ bon khan enḍekhan dela, sonot Jiu leka bon taṛamma.

Galathiko lạgitʼ Pạul Apostolakʼ ciṭhi 3:28

Jihudi ar boṅgan hoṛ jạtrenko talare, golam ar sạdhin hoṛko talare, maejiu ar herel talare jãhãn begar do bạnukʼa, ente Mạsi Jisu tulucʼpe joṛao mitʼ akante jotoko Mạsirepe mitʼgea.

Johan 14:20

Enhilokʼgepe baḍae daṛeakʼa, iń do Babare, ape do ińre ar iń do apere minạńa mente.

Romiko lạgitʼ Pạul Apostolakʼ ciṭhi 7:20

Okaṭakʼ kạmi bạń menjoṅkan, onageń kạmikan khan apnarte ona do bạń kạmiyeda, bickom ińreye berel akan kạige ona doe kạmi ocoyediń kana.

Romiko lạgitʼ Pạul Apostolakʼ ciṭhi 7:17

Enḍekhan ńelokʼ kana apnarte noako do bạń kạmikana, menkhan ińre oka kại bolo akan unige onakoe kạmi ocoyediń kana.

2 Korinthiko 12:2

Mạsire pạtiạuicʼ mitʼ hoṛiń baḍae akadea; uni do gelpon bochor lahare serma hạbicʼe rakapʼ ocolena. Unre uni do acʼakʼ hoṛmoreye tahẽkana se baṅ ona do bạń baḍaea, Isorgeye baḍaea.

Romiko lạgitʼ Pạul Apostolakʼ ciṭhi 16:7

Unkin do iń leka Jihudi hoṛ kanakin ar iń sãote hajotrekin tahẽkana. Apostolko modre ạḍi manotan hoṛ kanakin. Unkin do iń khon hõ laharege Mạsiren kin hoyakana.

Romiko lạgitʼ Pạul Apostolakʼ ciṭhi 16:3

Priskạ ar Akuilạ hõ ińakʼ johar emakinpe. Unkin do Mạsi Jisuakʼ kạmire iń sãote ạḍikin khaṭao akana.

Jeheskel 18:9

ar ińakʼ niạm lekateye calakʼkan ar pạtiạr salakʼ ińakʼ ạn-ạrikoe palonetʼkan, enḍekhan uni hoṛ do sạrigeye dhoromgea; ar khạṭigeye bańcaokʼa. Iń Probhu Isorge noa katha doń meneda.

Romiko lạgitʼ Pạul Apostolakʼ ciṭhi 5:16

Isorakʼ dan do Adamakʼ kại reakʼ jo leka do baṅkana, ente mitʼṭecʼ kại reaṅ bicạr lekate sanam manwakoge sạjại lek kanako menteko lekha ocoakana, menkhan dhorom mente Isor ṭhen ataṅokʼ reakʼ nokʼoe noa daya dan, ona do ạḍi utạr kạiko iạte hecʼakana.

Romiko lạgitʼ Pạul Apostolakʼ ciṭhi 8:2

Jionren mạlik sonot Jiu reakʼ niạmge Jisu Mạsi hotete kại ar gujukʼ reakʼ niạm khone chaḍao akadińạ.

Romiko lạgitʼ Pạul Apostolakʼ ciṭhi 8:9

Menkhan Isorren Jiu apeakʼ ontorreye berel akan khan ape do kại gobolren dope baṅkana bickom sonot Jiu gobolren kanape. Okoeyakʼ ontorre Mạsiren Jiu bạnui uni do Mạsiren doe baṅkana.

Romiko lạgitʼ Pạul Apostolakʼ ciṭhi 8:11

Okoe do Jisu gocʼko khone jiwetʼ beretʼakade uni Isorren Jiu apeakʼ ontorreye girobas akan khan, enḍekhan Isor do acʼren uni Jiu hotete apeakʼ gujukʼakʼ hoṛmo hõe jiwetʼ ocoytapea.

Galathiko lạgitʼ Pạul Apostolakʼ ciṭhi 3:26

Mạsi Jisure biswạs hotete ape jotoge Isorren hoponkope hoyakana.

Ephesiko lạgitʼ Pạul Apostolakʼ ciṭhi 1:1

Iń Pạul do Isorakʼ sanate Mạsi Jisuren mitʼṭen apostoliń hoyakana. Ephesus nagrahare okoe doko Isorren hoṛkan ar okoe do Jisu Mạsireko pạtiạu akan onko ṭhen noa ciṭhiń oletʼkana.