Romiko lạgitʼ Pạul Apostolakʼ ciṭhi 7:7 - সান্তালী বাইবেল

⁷ Enḍekhan cetʼbon mena, ạn do bạṛicʼgea? Khạṭige baṅa; bickom noa katha do ṭhikgea je, ạnko baṅ tahẽlen khan kại do cetʼkana mente ohoń baḍae daṛelea. “Alom lalocakʼa,” Ạn-ạrire noa katha baṅ lạilen khan laloc do cetʼkana mente ona hõ ohogeń baḍae daṛelea.

Santali Common Language New Testament

⁷ Enḍekhan cetʼ bon mena, ạn do bạṛicʼgea? Khạṭige baṅa; bickom noa katha do ṭhikgea je, ạnko baṅ tahẽlen khan kại do cetʼ kana mente ohoń baḍae daṛelea. “Alom laloca,” Ạn-ạrire noa katha baṅ lạilen khan laloc do cetʼ kana mente ona hõ ohoń baḍaelea.

Romiko lạgitʼ Pạul Apostolakʼ ciṭhi 7:7 Referans Kwoze

Romiko lạgitʼ Pạul Apostolakʼ ciṭhi 3:20

Ạn-ạri manao lekhange Isor do manwa dhorom menteye ataṅkoa ona do baṅa, menkhan ạn hotetege manwa do acʼakʼ kại reaṅ cehaonae ńameda.

Exodus 20:17

“Eṭakʼ hoṛakʼ oṛakʼ duạr, se bạhutae, se gutitae se kạ̃ṛmĩtae, se ḍaṅgratae se gadhatae ar jãhãnakʼ cetʼge alom lalocakʼa.”

Romiko lạgitʼ Pạul Apostolakʼ ciṭhi 4:15

Ente ạn-ạri do Isorakʼ sạjạiye ạguiya. Sạri katha do noage, okare ạnko baṅ tahen onḍe do ạn bemanot reakʼ kukli hõ baṅ rakapʼlena.

1 Korinthiko 15:56

Gujukʼ reakʼ suṅgạ do kại kana, ar kại reakʼ daṛe do Moseyakʼ ạnkoge.

Dosar Biboron 5:21

‘Jãhãe hoṛren bạhu alom lalocaea. Ar eṭakʼ hoṛakʼ oṛakʼ duạr, jaega-jumi, guti-kạ̃ṛmĩ, daṅgratae se gadhatae se am aḍepaseren hoṛakʼ jãhãnakʼge alom lalocakʼa.’

Romiko lạgitʼ Pạul Apostolakʼ ciṭhi 13:9

Hukum menakʼa, “Alom laṭghaṭa, alom khũna; alom kombṛoya, alom lalocakʼa.” Noako ar noa lekan arhõ eṭakʼ hukumko do niạ katharege guṭ mitʼkate noage roṛakana, “Am aḍepaseren hoṛ do apnar lekam dulạṛea.”

Romiko lạgitʼ Pạul Apostolakʼ ciṭhi 7:8

Menkhan kại do hukum reakʼ ạte ńamketʼte ińre joto lekan laloce omon ocokeda, ente ạnko baṅ tahẽlen khan kại do gocʼge tahẽkokʼa.

Romiko lạgitʼ Pạul Apostolakʼ ciṭhi 3:5

Menkhan aboakʼ behokakʼ kạmiko khon arhõ pusṭạute bujhạukʼ kana, Isor do jaoge hok reakʼe kạmikana. Enḍekhan cetʼ bon menkea, aboe sạjạiyetʼ bonre uni doe behokeda? Iń do manwa lekateń roṛeda, sạrige uni do tishõ bae behoka.

Kolossiko lạgitʼ Pạul Apostolakʼ ciṭhi 3:5

Onate apeakʼ jel reakʼ sana oka menakʼ ona marao giḍikakʼpe. Ente onare joto lekan loṭghuṭi, bin napaeakʼ, bạṛicʼ sana, laloc ar dhon lalocko menakʼa, one oka do boṅga sewawakʼ lekakan.

Ephesiko lạgitʼ Pạul Apostolakʼ ciṭhi 5:3

Sanam lekan loṭghuṭi, bin napaeakʼ se laloc reakʼ kathako ape talare jemon alo ańjomokʼ, ente noako katha Isorren hoṛkoakʼ do baṅ sajaokʼa.

Romiko lạgitʼ Pạul Apostolakʼ ciṭhi 7:13

Enḍekhan okaṭakʼ bhạlạiyakʼ kan ona hotete cetʼ iń doń gocʼena? Tisge baṅa, bickom bhạlạiyakʼ hotetege kại do ińakʼ gujukʼe hoyocokeda, jemon kại do kại kana mente oromokʼ. Ar kại je tinạkʼ bạṛicʼakʼ kan ona do hukum hotetege bujhạukʼ kana.

Romiko lạgitʼ Pạul Apostolakʼ ciṭhi 7:11

ente ona hukum reakʼ ạt iạte kại doe bulạukedińa, ar ona hukum hotetege kại doe gocʼkedińạ.

Romiko lạgitʼ Pạul Apostolakʼ ciṭhi 7:5

Kại gobolre bon tahẽkanre ạn-ạriko do abo talare kại reakʼ laloce rakapʼ ocoyetʼ tahẽkana ar ona lalocge aboakʼ hoṛmoreye kạmikan tahẽkana; onate aboakʼ jionre moron lạgitʼ bon jokʼ kan tahẽkana.

Romiko lạgitʼ Pạul Apostolakʼ ciṭhi 6:15

Menkhan ạn-tạrire tahẽ baṅkate daya tạriren bon hoyakante cetʼ enḍekhan bon kạigea? Khạṭige baṅa.

Romiko lạgitʼ Pạul Apostolakʼ ciṭhi 4:1

Enḍekhan aboren hapṛam Abraham reaṅ do cetʼ bon menkea? Noa babotre uni do cetʼe ńelleda?

Aposkạmi 20:33

Jãhãekoakʼ sona, rupạ se kicricʼ khạnḍwạkʼ cetanre iń do bạń laloc akana.

Luk 12:15

Ona tayom Jisu do gadel hoṛkoe metatʼkoa, “Men cehaokʼpe! Ar sanam lekan lob-laloc khon sontor akae tahenpe, ente manwakoakʼ jionre ḍher sompotti tahen do sanam khon jạruṛteakʼ do baṅkana.”

Mathae 5:28

Menkhan ińiń metapekana, jãhãe hoṛ bạṛicʼ sanate maejiue beṅgetʼae uni do unrege acʼakʼ ontorre uni tulucʼe laṭghaṭeda.”

Mikạ 2:2

Onko do ot-baṛge ar oṛakʼ duạr cetanreko lalockate onako rerecʼa. Onko do hoṛko ṭhokakoa ar oṛakʼ-duạr ar jaega-jumiko recʼkoa.

Sereńko 119:96

Ińiń ńelakada jãhãnakʼ reakʼge puruntetʼ do bạnukʼa, menkhan amakʼ hukumko do joto secʼ khonge purungea.

2 Samuel 11:2

Mitʼdin maraṅ dakʼ lo ber Dạud do acʼakʼ aṭetʼ khon beretʼkate raj oṛakʼ reakʼ chatreye dãṛã baṛaekan tahẽkana. Unre uni do chat cetan khon mitʼṭen maejiu ḍạbrạkʼ kane ńelkedea. Maejiu do ńelokʼte ạḍi napaeye tahẽkana.

Josuạ 7:21

iń do luṭ reakʼ jinisko khon Sinạr disạm reakʼ mońjakʼ mitʼṭecʼ kicricʼ, bar keji tala rupạ ar turui sae gram ojon reakʼ mitʼṭecʼ sona ḍhimbạ reakʼ laloc bạń sambṛao daṛeakʼte onań ạgu akada. Onako do ińakʼ tạmbure ot latarreń topa oko akada ar ona latarre do rupạ menakʼa.”

Genesis 3:6

Maejiu do ona dare reakʼ jo mońj ar sebelgeye ńelkeda, ona chaḍa ạkil ńam lạgitʼ laloc hõ hecʼadea, onate uni do dare reakʼ joe gotʼkeda are jomkeda. Ar acʼren jãwãe hõe emadea ar uni hõe jomkeda.

Luk 20:16

Uni do hecʼkate onkoe gocʼkoa ar bagwan do eṭakʼko ṭhene bạisạu oṭokakʼa.” Hoṛko do Jisuakʼ noa katha ańjomkateko menkeda, “Nonka do alo baṛe hoyokʼ ma.”

Romiko lạgitʼ Pạul Apostolakʼ ciṭhi 5:20

Ạn-ạriko emena jemon behokakʼko ḍherokʼ, menkhan okare behokakʼ ḍherena onḍege Isorakʼ daya hõ artetʼge bạ̃ṛtiyena.