Romiko lạgitʼ Pạul Apostolakʼ ciṭhi 7:24 - সান্তালী বাইবেল

²⁴ Hae iń dukhạliạ hoṛ do! Ińre noa kại, one oka do gujukʼe ạguiyetʼ, ona khon okoeye rukhiyạyińạ?

Santali Common Language New Testament

²⁴ Hae iń dukhạliạ hoṛ do! Ińre noa kại, one oka do gujukʼe ạguyetʼ, ona khon okoeye rukhiyạińạ?

Romiko lạgitʼ Pạul Apostolakʼ ciṭhi 7:24 Referans Kwoze

Romiko lạgitʼ Pạul Apostolakʼ ciṭhi 6:6

Baḍaegea bon, aboakʼ kại hoṛmo marao lạgitʼge aboren ‘mare hoṛtetʼ’ do Mạsi sãoteye kurus ocoyena jemon kạiren golam do ar alo bon tahen;

2Timothi 4:18

Probhu Isor do sanam bạṛicʼakʼ kạmi khone rukhiyạyińạ ar acʼakʼ serma rajreye idi seṭerińạ. Uniyakʼge ṭhonok hoyokʼtaema jug cetan jug. Amen.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Romiko lạgitʼ Pạul Apostolakʼ ciṭhi 8:2

Jionren mạlik sonot Jiu reakʼ niạmge Jisu Mạsi hotete kại ar gujukʼ reakʼ niạm khone chaḍao akadińạ.

Johan sodor 21:4

Uni do onkoakʼ mẽtʼ dakʼe jodtakoa. Moron do ar baṅ hoyokʼa; duk, haso ar rakʼ joṅ do ar baṅ tahena, ente pạhilakʼ joto do parom calao akana.”

Ibriko 2:15

Ar gujukʼ botorte okoe jiwetʼ jonom golamko tahẽkan onko jemone chaḍaoko.

Romiko lạgitʼ Pạul Apostolakʼ ciṭhi 8:26

Noa chaḍa aboakʼ nijortetʼre sonot Jiu doe goṛo abon kana. Ar cetʼ leka koejoṅ lek tabon ona do babon baḍaekana, menkhan oka roṛte baṅ sodorokʼ onkan kũhrạu tulucʼ sonot Jiu do acʼge abo lạgitʼe nehõrokʼ kana.

Romiko lạgitʼ Pạul Apostolakʼ ciṭhi 8:13

Ape do kại gobolrepe colon khan jaejug lạgitʼpe gujukʼa. Menkhan sonot Jiu hotete hoṛmo reakʼ sanam bạṛicʼakʼ kạmikope marao giḍiletape khan, enḍekhan jaejug hạbicʼ jiwetʼpe tahena,

Luk 4:18

“Probhu Isorren Jiu doe decʼ akawạdińa, ente uni do ińe ojokʼ akadińạ jemon reṅgecʼ orecʼko bhage sombat iń porcarako. Uni doe kol akadińa, bondi akanko chaḍaoko lạgitʼ, kãṛã hoṛko ńeńel reakʼ katha lại pasnao lạgitʼ, ar talga tạuạkʼ akan hoṛ khalaskate bidạkako lạgitʼ.

Sereńko 72:12

Okoeko reṅgecʼge, arko santao ocokʼkan ar dukhạliạko one goṛo ńam lạgitʼko rakʼetʼkan uni do onkoe bańcaokoa.

Kolossiko lạgitʼ Pạul Apostolakʼ ciṭhi 2:11

Ona chaḍa ape do Mạsi tulucʼpe kolom mitʼakante khatna hõpe khatna ocoakana.Jãhãe manwa tite do bape khatna ocoakana, Mạsi acʼgeye khatna akatʼpea; metakʼme hoṛmore jel reakʼ oka daṛe tahẽkan ona daṛe khon uni doe chaḍao akatʼpea.

Mathae 5:6

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

Mikạ 7:19

Am do arhõ ale cetanrem mãyãkʼkana; ar aleakʼ sanam kạiko dom jaṅga latarketʼtalea ar aleakʼ joto ghạṭko do jalapuri reakʼ khạndri dakʼrem giḍikatalea.

Sereńko 119:20

Amakʼ ạn ạriko baḍae lạgitʼ jao okte ińakʼ jiwi do talga tạwạgokʼ akantińạ.

Sereńko 71:11

Onko doko meneda, “Isor do uniye bạgi giḍi akadea; uni do laga sabepe, uni bańcaoe lạgitʼ do celege bạnukʼkoa.”

Sereńko 6:6

Iń do kuhrạu kuhrạuteń laṅga caba akana; goṭa ńindạ rakʼ rakʼte aṭetʼiń lohotʼetʼtińạ, ar mẽtʼ dakʼte ińakʼ parkomiń ḍiń ḍạbureda.

1 Rapajko 8:38

unre amren Israel hoṛko jãhãege mon khon kastaokate niạ mundil secʼ ti tiạrkateko koejoṅ se am ṭhenko nehõrokʼ,

Mathae 5:4

Dukokʼ kogeko bhạgana, ente onko do jiwi raṛecʼko ńama.

Jeheskel 9:4

Uni doe metadea, “Am do Jerusalem nagraha talate parom calakʼme ar ona talare okako bạṛicʼakʼ kạmi hoyakan ar ona iạte okoeko kũhrạuetʼkan onkoakʼ moloṅre mitʼṭecʼ cinhạ emakom.”

Sereńko 119:176

Atʼ akan bhiḍi leka iń doń chingạu akana; amren golam baṛe sendra ńameń me, ente amakʼ hukumko do bạń hiṛiń akada.

Sereńko 119:143

Gạr ar kosṭo ińre hecʼ paṛao akana, menkhan iń do joto hukumkogeń kusiyakʼ kana.

Sereńko 119:131

Amakʼ hukumko ńam lạgitʼ iń doń uihạretʼ tahẽkana, ar cahapʼkateń ahkaokʼkan tahẽkana.

Sereńko 88:5

Iń do patal purireń khadle giḍi ocoakana; iń do gocʼicʼ, topareye giticʼ akan hoṛ lekageń hoyakana, ar okoekoakʼ katha am do bam disạyetʼ, onko do amakʼ ti khonko getʼ begarakana.

Sereńko 38:2

Ente amakʼ sarko do ińre kiṛbitʼ akana, ar amakʼ ti do ińe sapʼ uricʼ akadińạ.

Romiko lạgitʼ Pạul Apostolakʼ ciṭhi 8:23

Eken ona do baṅ, menkhan okaṭakʼ mạhima tayomte bon ńam, ona reakʼ pạhil jo lekate sonot Jiu ńamkate abo hõ apnarakʼ ontorre bon kũhrạukʼ kana. Ona sãote ona din lạgitʼ hõ ńel horre menakʼbona one tinre abo do Isorren hoponko mente bon sodor ocokʼ, metakʼme nonosṭoakʼ ti khon aboakʼ hoṛmo do sạdhinokʼ tabona.