Romiko lạgitʼ Pạul Apostolakʼ ciṭhi 7:18 - সান্তালী বাইবেল

¹⁸ Ińiń baḍaea ińre, metakʼme ińakʼ jel reakʼ sanare bhage mente do cetʼge bạnukʼa. Ar okaṭakʼ sạrige bhageakʼ kan ona kạmi reakʼ sana do menakʼgea menkhan daṛe do bạnukʼtińa.

Santali Common Language New Testament

¹⁸ Ińiń baḍaea ińre, metakʼme ińakʼ jel reakʼ sanare bhage mente do cetʼge bạnukʼa. Ar okaṭakʼ sạrige bhageakʼkan ona kạmi reakʼ sana menakʼgea menkhan daṛe do bạnukʼtińa.

Romiko lạgitʼ Pạul Apostolakʼ ciṭhi 7:18 Referans Kwoze

Johan 3:6

Manwa khon janam akanicʼ do manwage ar Jiu khon janam akanicʼ do Jiuge.

Sereńko 51:5

Iń do janam tora khonge bedhoromre minạńa; ar kại dosarege eṅgạńakʼ kukhireń tahẽkana.

Galathiko lạgitʼ Pạul Apostolakʼ ciṭhi 5:17

Jel reakʼ sana do sonot Jiu birud ar sonot Jiu reakʼ sana do jel birudgeye khoja. Jel reakʼ sana ar sonot Jiu do ạkin upạrtekin meneda ape okape monejoṅkan ona do alope kạmiya.

Romiko lạgitʼ Pạul Apostolakʼ ciṭhi 7:25

Aboren Probhu Jisu Mạsi hotete iń do Isor iń sarhao edekana je, uni do ińe rukhiyạ akadińạ. Enḍekhan ńelokʼ kana, mon secʼte iń do Isorakʼ ạnren golam kạnạń, menkhan kại secʼte do kại reakʼ niạmren golamge.

Jobakʼ 14:4

Besaphaicʼ khon cetʼ jãhãe saphaicʼe benao daṛekea? Ona do okoehõ bae daṛeakʼa.

Galathiko lạgitʼ Pạul Apostolakʼ ciṭhi 5:24

Okoe doko Jisu Mạsiren kan, onko do akoakʼ jel reakʼ sanako kurus akatʼtakoa.

Philipiko lạgitʼ Pạul apostolakʼ ciṭhi 2:13

Isor do apeakʼ monre nonkae kạmikana one onate uniye kusikʼ onkan kạmi reakʼ monsubạ ar daṛe hecʼape.

Genesis 6:5

Probhu Isor do dhạrtiren manwakoakʼ dusṭạmi ḍher idikʼkantako, ar ontor reakʼ hudis bundisko bạṛicʼgetako onakoe ńelkeda.

Titus lạgitʼ Pạul Apostolakʼ ciṭhi 3:3

Abo hõ pạhil do bebujko, bebataoko, bulạu ocokʼko, ạḍi lekanakʼ bạṛicʼ sana ar hạ̃s rạskạre golam akanko bon tahẽkana. Abo do dusṭạmi ar hiskạte din bon khemoetʼ tahẽkana. Ar eṭakʼko bon hirkhạwako kan tahẽkana.

Romiko lạgitʼ Pạul Apostolakʼ ciṭhi 7:19

Okako bhage kạmi sanańkan ona do bạń kạmiyeda, bickom ona bodolte oka bạń khojkan onako bạṛicʼ kạmigeń kạmiyeda.

Romiko lạgitʼ Pạul Apostolakʼ ciṭhi 7:15

Iń okaṭakʼ iń kạmikan ona do iń nijạge bạń bujhạueda, ente okaṭakʼ cekayiń menetʼkan ona do bạń onkayeda bickom okakoń hirkhạwakʼ kan onakogeń onkayeda.

Mathae 15:19

Ente ontor khonge bạṛicʼ cintạ, khũn, laṭghaṭ, kombṛo, eṛe goha, ar opomanko do oḍok hijukʼa.

Genesis 8:21

Probhu Isor do ona dãṛẽ reakʼ jut so iạteye kusiyena ar mon monteye menkeda, “Manwa iạte ar tishõ ot do ar bạń sarapakʼa, ente cetʼleka sanam jiwiyankoń marao cabaketʼko onka do ar tishõ bạń onkaea.

1 Patras 4:2

Onate noa dhạrti reakʼ sarecʼakʼ jion uni do dhạrti reakʼ rij roṅte bae khemaoa, bickom Isorakʼ monejoṅakʼ lekageye khemaoa.

Philipiko lạgitʼ Pạul apostolakʼ ciṭhi 3:12

Oka lạgitʼ iń kurumuṭukan ona do ńitgeń ńamakada se purạteń lab akada onka do baṅ. Menkhan oka lạgitʼ Jisu Mạsiye sapʼledeń ona sapʼ tiog lạgitʼge iń doń khudạu idikana.

Luk 11:13

Enḍekhan apepe bạṛicʼgere hõ aperen gidrạko bhage bhage jinisko emakope baḍaekan khan, sermaren Baba do acʼ koeyekanko tinạkʼ artetʼ sonot Jiue emakoa!”

Sereńko 119:176

Atʼ akan bhiḍi leka iń doń chingạu akana; amren golam baṛe sendra ńameń me, ente amakʼ hukumko do bạń hiṛiń akada.

Sereńko 119:40

Amakʼ ạn ạriko doń uihạretʼkana; am dom dhoromgete nãwã daṛe baṛe danạńme.

Jobakʼ 25:4

Enḍekhan Isor ṭhen manwa do cetʼ miridos bae hoyokʼa? Maejiuakʼ kukhi khon okoeye janam akan uni do cetʼ sapha bae hoedaṛekokʼa?

Romiko lạgitʼ Pạul Apostolakʼ ciṭhi 13:14

Ape do kicricʼ leka Probhu Jisu Mạsi horokʼjoṅpe; ar jel reakʼ sana purạu lạgitʼ do alope moneyakʼa.

Romiko lạgitʼ Pạul Apostolakʼ ciṭhi 7:5

Kại gobolre bon tahẽkanre ạn-ạriko do abo talare kại reakʼ laloce rakapʼ ocoyetʼ tahẽkana ar ona lalocge aboakʼ hoṛmoreye kạmikan tahẽkana; onate aboakʼ jionre moron lạgitʼ bon jokʼ kan tahẽkana.

Sereńko 119:173

Amakʼ ti do goṛowạń lạgitʼ sapṛao akan tahenma, ente amakʼ ạn ạriko leka senokʼ reakʼ iń goṭa akada.

Jesaea 64:6

Ale sanamkoge besapha hoṛko lekale hoyakana ar aleakʼ sanam dhorom kạmi do mạilạ kicricʼ leka hoyakantalea. Ale sanamkoge sakam lekale tolmocʼ akana, aleakʼ kại do hoe lekageye oṭaṅ idiyetʼlea.

Sereńko 119:5

Ohae! Amakʼ ạn leka calakʼ lạgitʼ ińakʼ monre diṛho akae jemoniń tahen.

Sereńko 119:32

Amakʼ hukumko reakʼ horteń ńir calakʼa, ente am do ińakʼ ontorem jhicʼakatʼ tińạ.