Romiko lạgitʼ Pạul Apostolakʼ ciṭhi 6:4 - সান্তালী বাইবেল

⁴ Onate bạptisma hotete abot do Mạsi tulucʼ bon gocʼena arbon topayena, jemon Isor Baba cetʼleka acʼakʼ maraṅ daṛe hotete Mạsi gocʼko khone jiwetʼ beretʼakade onkage abo hõ jemon nãwã jion reakʼ horte bon taṛam daṛeakʼ.

Santali Common Language New Testament

⁴ Onate bạptisma hotete Mạsi tulucʼ bon gocʼena arbon topayena, jemon Isor Baba cetʼleka acʼakʼ maraṅ daṛe hotete Mạsi gocʼko khone jiwetʼ beretʼakade onkage abo hõ jemon nãwã jion reakʼ hor rebon taṛam daṛeakʼ.

Romiko lạgitʼ Pạul Apostolakʼ ciṭhi 6:4 Referans Kwoze

2 Korinthiko 5:17

Jãhãege Mạsi tulucʼ mitʼakae menae khan enḍekhan uni do nãwãteye sirjạu akana. Ar mareakʼ sanamakʼ do parom calaoena ar jotowakʼ do nãwã akana.

Romiko lạgitʼ Pạul Apostolakʼ ciṭhi 7:6

Unre abo okaṭakʼko tol akawatʼ bon tahẽkan onarege bon gocʼlena. Onate ńitokʼ do ạn khon bon sạdhingea. Ona iạte abo do olakʼ ạn-ạri reaṅ ona sedaeakʼ jion horren golam dobon baṅkana, menkhan sonot Jiu emakʼ nãwã jion horren golam bon hoyakana.

1 Patras 3:21

Noa do hoyokʼ kana bạptisma reakʼ mitʼṭecʼ nạmuna one okaṭakʼte ńitokʼe bańcaope. Bạptismate apeakʼ hoṛmo khon mạilại ocokʼ giḍi daṛeakʼa ona do baṅ; Isor ṭhen noa do mitʼṭecʼ bhage bibek reakʼ hohokana. Ape do Jisu Mạsiyakʼ gujukʼ ar jiwetʼ beredokʼ hotetepe bańcao ocoakana.

Romiko lạgitʼ Pạul Apostolakʼ ciṭhi 6:9

Baḍaegea bon Mạsi do gocʼko khone jiwetʼ beretʼ ocoakante ar tishõ bae gujukʼa, metakʼme uni cetanre moron do ar bae mạlik daṛeakʼa.

2 Korinthiko 13:4

Uni do nijorreye kurus ocolena, menkhan Isorakʼ daṛete jiwetʼ menaea. Ale do uni sãote mitʼakantele nijorakana, menkhan ape lạgitʼ Isorakʼ daṛete uni tulucʼ jiwetʼle tahena.

Romiko lạgitʼ Pạul Apostolakʼ ciṭhi 6:3

Noa katha do cetʼ bape baḍaea je, abo okoe do Mạsi Jisure bon bạptis akan, abo do uniyakʼ gujukʼre seletʼkatege bon onka akada mente?

1 Johan 2:6

Noa hotetege bon baḍae daṛeakʼa, abo do uni tulucʼ jopoṛao menakʼ bona mente.

1 Korinthiko 6:14

Isor do acʼakʼ daṛete gocʼko khon Probhu Isore jiwetʼkedea ar abo hõe jiwetʼ beretʼ bona.

Romiko lạgitʼ Pạul Apostolakʼ ciṭhi 8:11

Okoe do Jisu gocʼko khone jiwetʼ beretʼakade uni Isorren Jiu apeakʼ ontorreye girobas akan khan, enḍekhan Isor do acʼren uni Jiu hotete apeakʼ gujukʼakʼ hoṛmo hõe jiwetʼ ocoytapea.

Ephesiko lạgitʼ Pạul Apostolakʼ ciṭhi 4:17

Onateń meneda, Probhu Isor ńutumteń sikhạuetʼpe kana boṅgan hoṛ jạtrenko cetʼleka bạṛicʼ cintạ talate jionko khemaoetʼkan onka do alope khemaoa.

Romiko lạgitʼ Pạul Apostolakʼ ciṭhi 6:19

Manwakoakʼ nijortetʼ iạte iń do manwako bujhạu ocoko lekage kathań roṛeda. Ape hõ cetʼleka lahate artetʼ behokakʼ kạmi lạgitʼ apeakʼ hoṛmo hạṭińko besapha ar bedhoromren golampe hoyocoletʼ, onkage ńitokʼ do sonotre hara rakabokʼte apeakʼ hoṛmo hạṭińko dhorom kạmi lạgitʼ golam baṛe hoeocoytape.

Johan 11:40

Jisu do Marthae metadea, “Am do cetʼ bạń metatʼmea pạtiạulen khanem Isorakʼ ṭhonokem ńela?”

Aposkạmi 2:24

Menkhan Isor do gujukʼ reakʼ bedon khon khalaskate uniye jiwetʼ beretʼkedea, ente uni sapʼ dohoye reakʼ ektiạri gujukʼakʼ do bạnukʼtaea.

Kolossiko lạgitʼ Pạul Apostolakʼ ciṭhi 4:1

E kisạ̃ṛko, sermare aperen hõ mitʼṭen kisạ̃ṛ menaea ar ona baḍaekate aperen golamko sãote bhage ar hok reakʼ beoharpe.

Ephesiko lạgitʼ Pạul Apostolakʼ ciṭhi 5:8

ente pạhil do ńutrepe tahẽkana menkhan ńitokʼ do Probhu Isorrepe mitʼ akante marsaltepe hecʼakana. Marsalte perecʼ hoṛkoakʼ cetʼleka calakʼ lek kan onkage ape hõ calakʼpe,

Johan 2:11

Jisu do Gạlil reakʼ Kana nagrahare noage cinhạ lekate pạhil hahaṛa kạmiye kạmiketʼte acʼakʼ ṭhonoke sodorkeda. Onate celako do unireko pạtiạuena.

Aposkạmi 2:32

Uni Jisuge Isor doe jiwetʼ beretʼkedea, ar ale do sanamkoge uniren gohako kanale.

Romiko lạgitʼ Pạul Apostolakʼ ciṭhi 6:8

Abo do tinre Mạsi tulucʼ bon gocʼakana unre bon pạtiạukʼ kana je, uni tulucʼ jiwetʼ hõ bon tahena.