Romiko lạgitʼ Pạul Apostolakʼ ciṭhi 6:2 - সান্তালী বাইবেল

² Khạṭige baṅa. Ente kại secʼte ma bon gocʼge; enḍekhan cekate abo do arhõ kại horte bon calakʼa?

Santali Common Language New Testament

² Khạṭige baṅa. Ente kại secʼte ma bon gocʼge; enḍekhan cekate abo do arhõ kại horte bon calakʼa?

Romiko lạgitʼ Pạul Apostolakʼ ciṭhi 6:2 Referans Kwoze

1 Johan 3:9

Isor khon janamicʼ do kạire bae tahena, ente Isorakʼ gun do unire tahenkana. Isor khone janamakante uni do kạire bae jobe tahẽ daṛeakʼa.

Kolossiko lạgitʼ Pạul Apostolakʼ ciṭhi 3:3

Ente ape dope gocʼena ar apeakʼ jion do Mạsi tulucʼ Isorre oko menakʼa.

Romiko lạgitʼ Pạul Apostolakʼ ciṭhi 7:4

Ṭhik onkage E ińren boehako, Mạsiyakʼ hoṛmo secʼte ar Moseyakʼ ạn-ạri lekate ape hõpe gocʼena. Onate ape do okoe gocʼko khone jiwetʼ beretʼ ocoakan uni Jisu Mạsiren hoṛpe hoyakana, jemon apeakʼ jion do Isor lạgitʼ jo baha daṛeakʼ.

1 Patras 2:24

Kurus cetanre acʼakʼ hoṛmore uni do aboakʼ kạiko reakʼ bojhae ladeana, jemon kạiko secʼ gocʼkate Isorakʼ monejoṅ leka senakʼ lạgitʼ bon bańcao tahen. Ente acʼakʼ hoṛmo reakʼ ghạlkote uni do aboe boge akatʼbona.

Galathiko lạgitʼ Pạul Apostolakʼ ciṭhi 2:19

Ar ạn-ạriko hotete iń do ạn secʼteń gocʼena jemon Isor lạgitʼ jiwetʼ iń tahẽ daṛeakʼ.

Romiko lạgitʼ Pạul Apostolakʼ ciṭhi 7:6

Unre abo okaṭakʼko tol akawatʼ bon tahẽkan onarege bon gocʼlena. Onate ńitokʼ do ạn khon bon sạdhingea. Ona iạte abo do olakʼ ạn-ạri reaṅ ona sedaeakʼ jion horren golam dobon baṅkana, menkhan sonot Jiu emakʼ nãwã jion horren golam bon hoyakana.

1 Patras 1:14

Isorakʼ hukum batao gidrạko kantepe lahateakʼ bạṛicʼ kusi sana leka apeakʼ jion do alope khemaoa; ente unre ape do Isor bape baḍae orom akade tahẽkan.

Kolossiko lạgitʼ Pạul Apostolakʼ ciṭhi 2:20

Mạsi tulucʼpe gocʼente ape do dhạrti reakʼ aema lekan ạri-cạli khonpe pharak akana, menkhan enrehõ dhạrtiren hoṛko leka cedakʼ arhõ dhạrti reakʼ ạri-cạlirepe gobolokʼ kana?

Galathiko lạgitʼ Pạul Apostolakʼ ciṭhi 6:14

Probhu Jisu Mạsiyakʼ kurus chaḍa ar cetʼte hõ jemon aloń sarhaokʼma. Noa kurus hotetege dhạrti do iń ṭhen gocʼgea ar iń hõ dhạrti ṭheniń gocʼgea.

Sereńko 119:104

Amakʼ ạn ạri khon iń do bicạr reakʼ budiń ńameda, onate iń do sanam eṛeakʼ reakʼ horkoń hirkhạwakʼ kana.

Romiko lạgitʼ Pạul Apostolakʼ ciṭhi 5:11

Eken ona do baṅ, okoe hotete Isor tulucʼ bon samge ocoakan uni Probhu Jisu Mạsi hotete abo do Isor tulucʼ bon rạskạ midokʼkana.

Genesis 39:9

Noa oṛakʼre iń cetante ar celege bạnukʼkoa. Ar am do uniren bạhu kanam, onate eken am chaḍa ar sanamkoge iń tabereye dohoakatʼkoa. Ar iń do cekate nonkan bạṛicʼ kạmiń kạmite Isor upạrteń kại daṛekea?”

Luk 20:16

Uni do hecʼkate onkoe gocʼkoa ar bagwan do eṭakʼko ṭhene bạisạu oṭokakʼa.” Hoṛko do Jisuakʼ noa katha ańjomkateko menkeda, “Nonka do alo baṛe hoyokʼ ma.”

Romiko lạgitʼ Pạul Apostolakʼ ciṭhi 6:15

Menkhan ạn-tạrire tahẽ baṅkate daya tạriren bon hoyakante cetʼ enḍekhan bon kạigea? Khạṭige baṅa.