Romiko lạgitʼ Pạul Apostolakʼ ciṭhi 5:2 - সান্তালী বাইবেল

² Ńitokʼ Isorakʼ daya reakʼ oka horte bon calakʼkan onḍe do Mạsire pạtiạu iạte bon seṭerakana. Ar Isorakʼ ṭhonok ńam reakʼ aste bon rạskạkʼ kana.

Santali Common Language New Testament

² Ńitokʼ Isorakʼ daya reakʼ oka horte bon calakʼkan onḍe do Mạsire pạtiạu iạte bon seṭer akana. Ar Isorakʼ ṭhonok ńam reakʼ asre bon rạskạkʼ kana.

Romiko lạgitʼ Pạul Apostolakʼ ciṭhi 5:2 Referans Kwoze

Ephesiko lạgitʼ Pạul Apostolakʼ ciṭhi 2:18

Uni hotete ini mitʼ sonot Jiure Baba ṭhen calakʼ reakʼ ạidạri do sanamkoakʼ menakʼ tabona.

Ephesiko lạgitʼ Pạul Apostolakʼ ciṭhi 3:12

Mạsi tulucʼ mitʼkate ar unire biswạs hotete abo do Isor samaṅre sohosate hạjirokʼ reakʼ ạidạri bon ńamakada.

1 Korinthiko 15:1

E boehako, ape oka bhage sombat iń porcaratʼpe tahẽkan, ona bhage sombat reakʼ kathageń disạ ocoyetʼpea. Ape do onape ataṅakada ar onarepe teṅgo ṭarhao akana.

1 Patras 3:18

Mạsi hõ kại iạte mitʼ dhaogeye gocʼlena. Isor ṭhen idibon lạgitʼ uni dhorom hoṛ do kại hoṛko lạgitʼ, metakʼme, abo lạgitʼe gocʼlena. Uni do hoṛmo secʼteye gocʼ ocolena, menkhan Jiu secʼteye jiwetʼ beretʼ ocoyena ar bondi akan jiuko ṭhen hõ senkateye porcarleda.

Romiko lạgitʼ Pạul Apostolakʼ ciṭhi 12:12

Apeakʼ okaṭakʼ as menakʼ, ona iạte rạskạkʼpe. Harkhet sasetre soboripe. Koejoṅre jamaṛ akan tahenpe.

Ibriko 3:6

Menkhan Mạsi do ona gharońj reakʼ dạyike ńamakatʼ Hopon lekate pạtiạricʼe tahẽkana. Aboakʼ sạri as iạte monre oka dil ar rạskạ hijukʼ, onare mucạtʼ hạbicʼ teṅgo ṭak akae bon tahen, enḍekhan aboge Isorakʼ gharońjren hoṛ bon hoyokʼa.

2 Thessalonikiko 2:16

Aboren Probhu Jisu Mạsi ar Isor Baba do apeakʼ ontorreye udgạupema ar sanam bhage kạmi ar kathareye kajak ocopema.

Johan 10:9

Duạr do ińge. Ente jãhãege iń secʼte bhitriteye bolokʼ uni do bańcaoe ńama. Uni do bhitriteye bolokʼa ar bahreteye oḍokokʼa ar ạtiń lạgitʼ jaegae ńama.

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.

Johan 5:24

“Sạrigeń metapekana, Ińakʼ katha okoeye ańjom ar kol akadińicʼreye pạtiạukʼ uni do jaejug jion menakʼtaea. Uni do dusi mente bae lekhakʼa, ente uni do moron khon jionteye parom akana.

Sereńko 17:15

Menkhan iń do am samaṅ jemon bin dusạniń tahẽ daṛeakʼ, gocʼko khoniń ebhen daṛeakʼ ar am ńelte jemoniń rạskạ daṛeakʼ.

Romiko lạgitʼ Pạul Apostolakʼ ciṭhi 15:13

Okoe ase dan abonkan uni Isor do apeakʼ biswạs hotete asambheṛ rạskạ ar sulukteye perecʼpema. Enḍekhan sonot Jiu reakʼ daṛete apeakʼ ontor reakʼ as do sareṛokʼtapea.

Johan sodor 21:23

Ona nagrahare marsalokʼ lạgitʼ siń cando se ńindạ cando reakʼ jạruṛ do bạnukʼa, ente Isorakʼ ṭhonokge onḍe doe marsala ar Bheḍa Hopon kangeae onḍenicʼ diuhe do;

Johan sodor 21:3

Ona tayom mitʼ hoṛ do ona siṅghạson khon ãṭ aṛaṅate noa katha roroṛ kaniń ańjomkedea, “Nitokʼ do manwako talare Isorakʼ tahen jaega hoyakana. Uni do manwako sãoteye tahena ar onko do uniren hoṛko hoyokʼa. Uni do acʼge manwako sãoteye tahena ar onkoren Isore hoyokʼa.

Romiko lạgitʼ Pạul Apostolakʼ ciṭhi 5:5

Noa as do bae lajao ocobona, ente Isore emakan sonot Jiu hotete aboakʼ ontor do acʼakʼ dulạṛteye perecʼ akada.

Romiko lạgitʼ Pạul Apostolakʼ ciṭhi 3:23

ente sanamkogeko kại akada ar Isorakʼ sarhao ńam lạgitʼko be lekgea.

Romiko lạgitʼ Pạul Apostolakʼ ciṭhi 2:7

Okoe sombhuri salakʼ bhage kạmikote Isor ṭhen khon ṭhonok, man ar bin maraokʼ jionko khojkan, onkoge Isor do jaejug jione emakoa.

Johan 14:6

Jisu do Thomae metadea, “Ińge hortetʼ, sạriyakʼtetʼ ar jion do. Iń hotete baṅkhan okoe hõ Baba ṭhen do ohoko calao daṛelena.

Johan 10:7

Onate Jisu do arhõe metatʼkoa, “Sạrigeń metapekana, ińkangeạń bhiḍiko reakʼ duạr do.

Sereńko 73:24

Amakʼ solhateyem calaoińạ ar sesre amakʼ ṭhonokreyem ataṅińạ.

Johan sodor 21:11

Ona nagraha reakʼ marsal do ạḍi damanakʼ dhiri reakʼ marsal leka, ar surjokanto mạnik dhiri lekage.

Johan sodor 3:21

“Jitạukʼkate cetʼleka iń do ińren Baba tulucʼ uniyakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.

Ibriko 6:18

Isorakʼ gokʼakʼ ar kiriạ do tishõ baṅ bodolokʼa. Okoe secʼ hõ Isor do eṛe bae roṛa, uni do noa gokʼakʼreye kiriạ akana, jemon abo samaṅre oka as menakʼ ona kajakte sapʼ dohoy lạgitʼ bạ̃ṛti udgạu bon ńam.

Romiko lạgitʼ Pạul Apostolakʼ ciṭhi 8:24

Kại khon bańcao ńamkate abo do noa asge bon ńamakada. Ar oka lạgitʼ bon asakan ona bon ńamakatʼ khan enḍekhan ona as do ar asge baṅ tahẽlena. Oka ńam akan, ona lạgitʼ do ar okoeye asokʼa?

Romiko lạgitʼ Pạul Apostolakʼ ciṭhi 8:1

Okoe Jisu Mạsireko kolom mitʼakan Isor do onko sạjạiyokʼ lek kanako mente bae hudiskoa.

Aposkạmi 14:27

Ado Antiokiạtekin seṭeren khan unkin do manḍerren sanamko mitʼ ṭhenkin jarwaketʼkoa ar Isor ạkin hotete okakoe kạmiketʼ ona sanamakʼ kin lạiyatʼkoa. Ar cetʼlekate Isor do boṅgan hoṛ jạtrenko Mạsire biswạs reakʼ duạre jhicʼ akawatʼko ona reakʼ hõkin lạiyatʼkoa.

Mathae 25:21

Ńelme, iń do arhõ mõṛẽ hajar ṭakań lab akada.’ Unre acʼren kisạ̃ṛe menkeda, ‘bes akadam. E bhage ar pạtiạr golam. Am do thoṛawakʼre pạtiạrem tahẽkante ḍher okocʼakʼko cetanreń dohokama. Ar dela hijukʼme ar iń sãote rạskạ seledokʼme.’

Ephesiko lạgitʼ Pạul Apostolakʼ ciṭhi 6:13

Onate ape do lạṛhại lạgitʼ Isore emakan sanamakʼ sajbajko horokʼ joṅpe, jemon Soetane hạ̃nlepere unipe teṅgo daram daṛeae arpe bhagaoete teṅgo ṭak akanpe tahen.

2 Korinthiko 3:18

Onate okoe Mạsi tulucʼ bon mitʼ akan, abo sanamko do baṅ betʼ akan mẽtʼãhã ạrsire ńelokʼkan muṭhạn leka Probhu Isorakʼ ṭhonok ńel ńelte apnar hõ ṭhonokte hara rakabokʼte uni leka bon hoyokʼ kana. Probhu Isor, metakʼme sonot Jiu reaṅ daṛetege noa do hoyokʼ kana.

Romiko lạgitʼ Pạul Apostolakʼ ciṭhi 14:4

Am dom celekante, eṭakʼ hoṛren gutim bicạrede kana? Uni doe teṅgo ṭahraokʼa, seye ńurocokʼa, ona do uniren kisạ̃ṛgeye bujhạua. Menkhan uni doe teṅgo ṭahraokʼa, Probhu Isorge uni doe teṅgo ṭahrao ocoyea.

Kạhtukko 14:32

Bedhoromicʼ do acʼakʼ bạṛicʼ kạmi iạteye ńurhạ ocokʼa, menkhan dhorom hoṛ do gujukʼre hõ as tahentakoa.

Habakkuk 3:18

enhõ iń do Probhu Isor iạteń rạskạkʼa; ar ińren babańcaoicʼ Isor iạtegeń hulạsokʼa.

Romiko lạgitʼ Pạul Apostolakʼ ciṭhi 11:20

Bhagegea. Menkhan onkoko rạputʼ giḍi ocoakana onkoakʼ bepạtiạu iạte ar am dom kolom mitʼ akana amakʼ pạtiạu iạte. Onate alom usul monokʼa bickom botorokʼme,