Romiko lạgitʼ Pạul Apostolakʼ ciṭhi 5:18 - সান্তালী বাইবেল

¹⁸ Enḍekhan mitʼṭecʼ kại hotete cetʼleka sanam manwako sạjại ńam lek kanako menteko lekhakʼ kan, onkage mitʼṭen dhorom kạmi hotete sanam manwakoge dhorom mente aṅgocko lạgitʼ bondobos hõ dohoakana ar ona reakʼ jo do hoyokʼkana jaejug jion.

Santali Common Language New Testament

¹⁸ Enḍekhan mitʼṭen kại hotete cetʼleka sanam manwako sạjại ńam lek kanako menteko lekhakʼ kan, onkage mitʼṭen dhorom kạmi hotete sanam manwakoge dhorom mente aṅgocko lạgitʼ bondobos hõ dohoakana ar ona reakʼ jo do hoyokʼ kana jaejug jion.

Romiko lạgitʼ Pạul Apostolakʼ ciṭhi 5:18 Referans Kwoze

1 Korinthiko 15:22

Adam tulucʼ mitʼakante cetʼleka sanam manwageko gujukʼkan, onkage Mạsi tulucʼ mitʼakanko do jotogeko jiwetʼ beretʼ ocokʼa.

Romiko lạgitʼ Pạul Apostolakʼ ciṭhi 5:12

Mitʼṭen manwa hotete dhạrtire do kại boloyena ar ona kại hotete gujukʼ hõ boloyena. Ente sanam manwako kại akatʼte sanamko ṭhenge gujukʼ hõ boloyena.

Romiko lạgitʼ Pạul Apostolakʼ ciṭhi 5:15

Menkhan Adamakʼ kại ghạṭko oka lekakan, Isorakʼ bin damanakʼ dan do onka baṅkana. Tinre mitʼṭen hoṛakʼ kại iạte aema doko gocʼena, unre Isorakʼ daya ar mitʼṭen manwa hotete oka dan hecʼen, ona do artetʼ aemako lạgitʼge sareṛena! Ar uni mitʼṭen manwa doe hoyokʼkana Jisu Mạsi.

Romiko lạgitʼ Pạul Apostolakʼ ciṭhi 5:19

Cetʼleka mitʼṭen manwawakʼ bebakʼtao hotete ḍherkoge kại hoṛ menteko lekhayen, onkage mitʼṭen manwawakʼ batao iạte ḍher hoṛ do dhorom menteko ataṅ ocokʼa.

Aposkạmi 13:39

Ape do Moseyakʼ ạn-ạri hotete kại reakʼ sạjại khon bape rukhiyạ akana, menkhan jãhãege Jisureye pạtiạukʼ, uni do kại reakʼ sạjại khon bańcaoe ńama.

Ibriko 2:9

menkhan abo do Jisu bon ńelńame kana. Uni do serma goḍetko khon thoṛa ghạṛicʼe huḍiń ocolena, jemon Isorakʼ dayate mimitʼ manwako lạgitʼ jiwiye em daṛeakʼ. Uni do duk sahaokateye gocʼlente man ar ṭhonok reakʼ raj mukuṭe dan akawadea.

Romiko lạgitʼ Pạul Apostolakʼ ciṭhi 4:25

Aboakʼ kạiko iạte Jisu do gujukʼ tireye soprotʼlena ar dhorom menteye ataṅ bon lạgitʼ uni do gocʼko khone jiwetʼ beretʼ ocoyena.

Johan 1:7

Uni do marsal reaṅ goha emokʼ lạgitʼe hecʼlena jemon jotoko uniyakʼ goha ańjomkateko pạtiạukʼ.

Johan 12:32

Iń do ot khon coṭteń rakapʼ ocokʼre sanamko iń ṭheniń or sorkoa.”

1 Johan 2:20

Menkhan ape do uni sonoticʼ ṭhen khonpe ojokʼ ocoakana, metakʼme sonot jiupe ńam akadea ar jotoge sạriyakʼpe baḍae akada.

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạtege ape ṭhen niạ ciṭhiń oletʼkana.

Johan 3:26

Onko do Johan ṭhen hecʼenteko metadea, “E Guru, okoe do Jordan hanasare am sãoteye tahẽkan ar okoeṭakʼ reakʼ goham emletʼ, ńelme, uni doe bạptisetʼkoa ar sanam hoṛ uni ṭhengeko calakʼkana.”

Jesaea 53:11

Uni do acʼakʼ jiwi reakʼ duke ńela are tirpitokʼa; Probhu Isore meneda, ‘ińre dhorom golam do acʼakʼ baḍaete ḍher hoṛkoe dhorom ocokoa, ente uni do onkoakʼ sanam ghạṭkoe gogtakoa.

Romiko lạgitʼ Pạul Apostolakʼ ciṭhi 3:25

Isor doe sodorakatʼ tahẽkana je, okoeko pạtiạukʼkan onko lạgitʼ Jisu Mạsi do acʼakʼ mãyãm hotete, metakʼme acʼakʼ jiwiye alaeketʼte uniye kusi ocokedea. Nonkate Isor doe udukʼ akada acʼakʼ sahao gun iạte manwakoakʼ lahateakʼ kại reakʼ sạjại bae emlenre hõ uni doe dhoromgea.

Romiko lạgitʼ Pạul Apostolakʼ ciṭhi 6:14

Ape do kạiren golamko dope baṅkana, ente Isorakʼ daya tạriren kanape, ạn-tạriren dope baṅkana.