Romiko lạgitʼ Pạul Apostolakʼ ciṭhi 5:14 - সান্তালী বাইবেল

¹⁴ Enrehõ Adam khon ehopʼkate Mose hạbicʼ sanamko cetanrege gujukʼ do raje calaoleda. Isorakʼ hukum manao baṅkate okoe do Adam leka bako kại akatʼ onko cetanre hõ gujukʼ do raje calaoleda. Ar okoeyakʼ hijukʼ reakʼ katha tahẽkan, uni Jisu Mạsiren nạmunage Adam doe tahẽkana.

Santali Common Language New Testament

¹⁴ Enrehõ Adam khon ehopʼkate Mose hạbicʼ sanamko cetanrege gujukʼ do raje calaokeda. Isorakʼ hukum manao baṅkate okoe do Adam leka bako kại akatʼ onko cetanre hõ gujukʼ do raje calaoleda. Ar okoeakʼ hijukʼ reakʼ katha tahẽkan, uni Jisu Mạsiren nạmunage Adam doe tahẽkana.

Romiko lạgitʼ Pạul Apostolakʼ ciṭhi 5:14 Referans Kwoze

1 Korinthiko 15:45

Sostorre nonkage olakana, “Pạhil manwa Adam do jiwetʼ jiwiyanicʼe hoyena.” Ar sesicʼ Adam do jiwetʼ Jiugeye hoyena.

Ibriko 9:27

Isor doe ṭhik dohoakada je, manwako mitʼ dhaoko gujukʼa, ar ona tayom do bicạr hoyokʼtakoa.

Romiko lạgitʼ Pạul Apostolakʼ ciṭhi 5:17

Mitʼṭen manwawakʼ kại gunạkʼte gujukʼ ar uni mitʼ hoṛ hotetege rajokʼe ehopʼleda. Menkhan okoe do Isorakʼ asambheṛ daya ar dhorom menteko ataṅ ocokʼ, onko do uni mitʼ hoṛ, metakʼme Jisu Mạsi hotete sạri jion reakʼ perecʼtetʼ iạte khạṭigeko rajokʼa.

Romiko lạgitʼ Pạul Apostolakʼ ciṭhi 8:22

Baḍaegea bon, goṭa sirjonge bedonte ńit hạbicʼ mitʼteko kũhrạuetʼ kana.

Romiko lạgitʼ Pạul Apostolakʼ ciṭhi 5:21

Ona daya do noa iạtege ḍherena jemon gujukʼ talate cetʼleka kại do raje calaoetʼ tahẽkan, onkage manwa hõ dhorom menteye aṅgocokʼte ńitokʼ uniyakʼ daya do rajokʼa: ar ona reakʼ jo do hoyokʼ kana aboren Probhu Jisu Mạsi hotete jaejug jion hameṭjoṅ.

Genesis 7:22

Ar ot cetanre tinạkʼ jiwiyanko tahẽkan, metakʼme sahẽtʼetʼ tahẽkan sanam jiwiyanko doko gocʼ cabayena.

Romiko lạgitʼ Pạul Apostolakʼ ciṭhi 8:20

Ente sirjon do ạuṛiyakʼ ṭhene tabe ocoyena. Acʼakʼ kusite do baṅ hoyakana, Isorge uni doe tabe ocoakadea. Menkhan ona são sãote noa as hõe emakana,

Jona 4:11

Menkhan Niniwire mitʼ lakh bargel hajar khon hõ bạ̃ṛti gidrạ menakʼkoa onko do bako baḍaea okaṭakʼ do jojomti ar okaṭakʼ do leṅga ti kana mente; ona chaḍa ḍher ḍaṅgra ar bhiḍiko hõ menakʼkoa. Enḍekhan iń do cetʼ iń cekaea? Iń do cetʼ ona maraṅ nagraha lạgitʼ bạń mãyãkʼa?”

Hosea 6:7

Adam leka ińiń bandhao akatʼ bondobos do bape manaoleda; ape do ińrepe bepạtiạrena.

Genesis 19:25

Uni do ona banar nagraha, onakin reakʼ sanam jaega, nagraharen sanam hoṛko ar onḍenakʼ jumikore janam akan nonkan sanamakʼe marao giḍikada.

Genesis 4:8

Mitʼ din ṭạnḍirekin tahẽkanre Kain do Habel sãote kathae roroṛkan tahẽkanre uni do acʼren boeha Habel cetanre tiye tulketʼte uniye gocʼkedea.

Exodus 1:22

Tayomte Pharao do acʼren porjako cetanre noae hukumkeda, “Ibriko talare koṛa hoponko janamlen khan ape do Nil gaḍarepe khadlekoa, menkhan kuṛi hopon do jiwetʼpe dohokoa.”

Exodus 1:6

Tayomte Joseph, ar ren boehako ar onko okteren sanamkogeko gocʼena.

Romiko lạgitʼ Pạul Apostolakʼ ciṭhi 5:12

Mitʼṭen manwa hotete dhạrtire do kại boloyena ar ona kại hotete gujukʼ hõ boloyena. Ente sanam manwako kại akatʼte sanamko ṭhenge gujukʼ hõ boloyena.

1 Korinthiko 15:22

Adam tulucʼ mitʼakante cetʼleka sanam manwageko gujukʼkan, onkage Mạsi tulucʼ mitʼakanko do jotogeko jiwetʼ beretʼ ocokʼa.