Romiko lạgitʼ Pạul Apostolakʼ ciṭhi 4:14 - সান্তালী বাইবেল

¹⁴ Ạn-ạriko pańjaete jãhãe dhạrti reakʼ ạidạriye ńam khan, enḍekhan pạtiạu do okạjuwạgea ar Isorakʼ ona gokʼakʼ reakʼ hõ jãhãn damge baṅ tahena.

Santali Common Language New Testament

¹⁴ Ạn-ạriko pańjaete jãhãe dhạrti reakʼ ạidạriye ńam khan, enḍekhan pạtiạu do okạjuạgea ar Isorakʼ ona gokʼakʼ reakʼ hõ jãhãn damge baṅ tahena.

Romiko lạgitʼ Pạul Apostolakʼ ciṭhi 4:14 Referans Kwoze

Philipiko lạgitʼ Pạul apostolakʼ ciṭhi 3:9

Ạn-ạrikoń manaoetʼte dhoromiń hoyakana ona do baṅ, menkhan Mạsire biswạs khạtirte Isor do dhorom menteye ataṅ akadińạ. Noa dhorom do Isor ṭhen khonge hecʼakana ar biswạsre ṭehãḍokʼ kana.

Ibriko 7:28

Ạn-ạri do nijor monan hoṛkoge maraṅ naeke hudạreye ojokʼetʼkoa; menkhan ạn-ạri tayom okaṭakʼ kiriạ hoylen ona do Isorren Hopone bahalkedea, one uni do jaejug hạbicʼe sạbit utạrakan.

Galathiko lạgitʼ Pạul Apostolakʼ ciṭhi 2:21

Isorakʼ noa daya do bạń ạuṛiyakʼ ocoya, ente ạn-ạri manaote manwa do Isor ṭhen dhorome hoyokʼ khan enḍekhan Mạsi do ạuṛiyakʼgeye gocʼlena.”

Romiko lạgitʼ Pạul Apostolakʼ ciṭhi 4:16

Onate manwakoakʼ biswạste noa gokʼakʼ do purạuakana, jemon noa do Isorakʼ daya reakʼ dan hoyokʼ. Onate Abraham bõsrenko lạgitʼ noa gokʼakʼ do khạṭige purạukʼa. Noa gokʼakʼ do eken ạn-tạriren hoṛko lạgitʼ purạukʼa ona do baṅ, menkhan okoeko hoṛ do Abraham leka inạ mitʼ pạtiạureko pạtiạu akan onko lạgitʼ hõ noa gokʼakʼ do khạṭige purạukʼa.

Romiko lạgitʼ Pạul Apostolakʼ ciṭhi 3:31

Noa biswạs iạte cetʼ ạn-ạriko bon mạutạ ocoyeda? Tis hõ baṅa, bickom ạn reakʼ katha sạrikana mente bon sạbud ocoyetʼ kana.

Jesaea 55:11

onkage ińakʼ moca khon oḍokokʼkan katha do hoyokʼgea, iń ṭhen ona do ạuṛiyakʼ baṅ ruạṛ hijukʼa. Menkhan okaṭakʼ iń moneakatʼ onageye kạmiya, ar okaṭakʼ lạgitʼ iń kolletʼ onageye jo baha ocoya.

Galathiko lạgitʼ Pạul Apostolakʼ ciṭhi 5:4

Ạn-ạriko pańjaete okoe do Isor ṭhen dhorom ocokʼpe menjoṅkan ape do Mạsi khonpe getʼ begar akana, ar Isorakʼ daya khonpe ocokʼ akana.

Jirimiạ 19:7

“ ‘Niạ ṭhạ̃ire iń do Jihudạ ar Jerusalemren hoṛkoakʼ goṭawakʼ iń ạuṛiyakʼ ocoytakoa. Ar okoe onkoakʼ jiwi hataoko khoj onko do onkoren bạiriko hotete lạṛhạireń gocʼkoa ar onkoakʼ mạ̃ṛĩ do coṭren cẽṛẽ ar bir janwarkoń jom ocokoa.

Sereńko 119:126

E Probhu Isor, ńitokʼ do kạmire lagaokʼ reakʼ somoe hoyakana; hoṛko do amakʼ hukumko bebatao akada.

Numeri 30:15

Menkhan jotowakʼ ańjom tayom jãwãetetʼ uniyakʼe mạutạitae khan enḍekhan bạhuttetʼ ona bae purạu akatʼ reakʼ dos do acʼren jãwãetetʼ cetanre paṛaokʼa.”

Numeri 30:12

Menkhan acʼren jãwãetetʼ ona katha ańjomkate onae mạutạ ocoye menetʼkhan uniyakʼ ona manotteakʼ se gokʼakʼ do mạutạkʼtaea. Ar uniren jãwãetetʼe baron akadete Probhu Isor hõ uniyakʼ manotteakʼ se gokʼakʼ rạputʼ iạteye ikạyea.

1 Korinthiko 1:13

Menkhan Mạsi do cetʼe hạṭiń akana? Ar Pạul do cetʼ ape lạgitʼe kurus ocolena? Ape do cetʼ Pạul ńutumtepe bạptis ocoakana?