Romiko lạgitʼ Pạul Apostolakʼ ciṭhi 3:29 - সান্তালী বাইবেল

²⁹ Isor do cetʼ eken Jihudikoren kangeae, boṅgan hoṛ jạtrenko doe baṅkana? Hẽ, uni do boṅgan hoṛ jạtkoren hõ Isor kanae,

Santali Common Language New Testament

²⁹ Isor do cetʼ eken Jihudikoren kangeae, boṅgan hoṛ jạtrenko doe baṅkana? Hẽ, uni do boṅgan hoṛ jạtkoren hõ Isor kanae,

Romiko lạgitʼ Pạul Apostolakʼ ciṭhi 3:29 Referans Kwoze

Kolossiko lạgitʼ Pạul Apostolakʼ ciṭhi 3:11

Nonkate boṅgan hoṛ jạtrenko talare se Jihudiko talare, khatna se bin khatna ocoakanko talare, osobbho, nicạṛ jạtrenko, golam se sạdhinko talare jãhãn begar do bạnukʼa; onḍe do Mạsigeye asolicʼ kana ar uni do sanamko talare menaea.

Sakariạ 2:11

Enhilokʼ jạt jạtrenko do iń sãoteko midokʼa ar ińren hoṛko hoyokʼa. Ar iń do ape talareń girobasokʼa.” Ar tinre ona hoyokʼa unrepe baḍae daṛeakʼa, phạdkoren Probhu Isor do ape ṭhen ińe kol akadińạ.

Ephesiko lạgitʼ Pạul Apostolakʼ ciṭhi 3:6

Ar ona okoakʼ monsubạ do hoyokʼ kana, bhage sombat hotete boṅgan hoṛ jạtrenko Jisu Mạsi tulucʼko midokʼte Jihudiko sãote inạ mitʼ ạidạri, mitʼ hoṛmo hạṭińko, ar mitʼ gokʼakʼren bhạgiyạdarkoko hoyokʼ.

Galathiko lạgitʼ Pạul Apostolakʼ ciṭhi 3:14

Isor do Abraham oka bhore emade tahẽkan ona bhorge Jisu Mạsi hotete boṅgan hoṛ jạtrenko hõko ńam daṛeakʼa, ar abo hõ jemon biswạs hoteteye gokʼ akawatʼbon sonot Jiubon ńam daṛeae, onate Mạsi do ona sarap acʼreye ladeana.

Romiko lạgitʼ Pạul Apostolakʼ ciṭhi 15:16

Sonot Jiu hotete okoe Jihudikoko bachao doho ocoakan, onko do Isor ṭhen jemon samaṅokʼakʼko hoydaṛeakʼ ona iạte uniyakʼ bhage sombat lại pasnaore naeke kạmiyiń kạmikana.

Romiko lạgitʼ Pạul Apostolakʼ ciṭhi 10:12

Jihudi ar boṅgan hoṛ jạtrenko talare jãhãn begar do bạnukʼa, ente sanamkorenge ini mitʼ Probhu Isor kanae. Okoe acʼko hohowaekan onkore uni do asambheṛ bhor dane dul akokana.

Romiko lạgitʼ Pạul Apostolakʼ ciṭhi 1:16

Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

Jirimiạ 16:19

E Probhu Isor, ińakʼ daṛe ar ińakʼ aotan gaṛ, ar gạr hilokʼre ińakʼ hirlạ! dhạrti reakʼ ses simạ khon eṭakʼ jạtren hoṛ do am ṭhen hecʼkateko mena, “Aleren hapṛamko do eṛe debotako ar ạuṛiyakʼren boṅga murtiko ạidạrian tahẽkana, ar onate onkoakʼ do jãhãn porhoge baṅ hoylentakoa.

Aposkạmi 26:17

Iń do amren hoṛko ar boṅgan hoṛ jạtrenkoakʼ ti khoniń rukhiyạmea. Onkoakʼ mẽtʼ saṛ ocoytako lạgitʼ ar ńut khon marsal secʼ ar Soetanakʼ ektiạri khon Isor secʼ ruạṛko lạgitʼ onko ṭheniń koletʼmea, jemon ińreko pạtiạukʼte kại reakʼ ikạko ńam ar Isor lạgitʼ okoeko begar ocoakan onko talare bakhrako ńam.’

Aposkạmi 22:21

“Unre Probhu Isor do ińe metadińạ, ‘Do calakʼme, ente iń do sạṅgińte boṅgan hoṛ jạtrenko ṭheniń kolmea.’ ”

Aposkạmi 9:15

Menkhan Probhu Isor do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

Mathae 28:19

Onate sanam jạtren hoṛko ṭhen calakʼpe ar ińren cela hoyocokope. Ar Baba, Hopon, Sonot Jiu ńutumte bạptiskope.

Mathae 22:32

Onare ol akana, ‘Ińge Abrahamren Isor, Isahakren Isor, ar Jakobren Isor.’ Menkhan Isor do gocʼkoren Isor doe baṅkana, uni do jiwetʼkoren Isor kanae.”

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Hosea 1:10

Enhõ Israel do gaḍa aṛe reakʼ gitil lekako saṅgekʼa, oka do soṅ hõ baṅ soṅ daṛekokʼ se lekha hõ bako lekha daṛekokʼ. Oka jaegare onkoko men ocolen, ‘ape do ińren hoṛpe baṅkana’ onko do onḍegeko men ocokʼa, ‘jiwetʼ Isorren hoponko kanape.’

Jirimiạ 31:33

Israelko lạgitʼ okaṭakʼ bondobos iń bandhaoa ona do hoyokʼ kana, ińakʼ ạn-ạriko onkoakʼ monreń rebetʼakoa ar onkoakʼ ontorre hõń ol dohoya. Iń do onkoren Isoriń hoyokʼa ar onko do ińren hoṛgeko hoyokʼa.

Jesaea 54:5

Amren sisirjạuicʼge amren jãwãe do, uniyakʼ ńutum do phạdkoren Probhuge; Israelren uni sonoticʼge amren chakʼḍaoicʼ do. Unige goṭa dhạrtiren Isore ńum ocokʼkana.

Sereńko 72:17

Uniyakʼ namḍak do jaejug hạbicʼ tahenma; siń cando tinạkʼ din marsale emokʼa unạkʼ din uniyakʼ ńutum tahentae ma. Uni hotete sanam jạtren hoṛ jemon bhorko ńam ma; ar onko do bhạganko metaema.

Sereńko 67:2

jemon dhạrtiren sanamko amakʼ horko baḍae daṛeakʼ ar sanam jạtrenko am emakʼ bańcao ńamkate ona do kạmireko lagao daṛeakʼ.

Sereńko 22:7

Jãhãegeko ńeleń kan onkogeko landa dhutʼạń kana. Onko do luṭiko binḍucʼeda ar bohokʼ ruku rukuteko meneda,

Genesis 17:18

Abraham do Isore metadea, “Ismael do am samaṅre jiwetʼe tahenma!”

Aposkạmi 10:34

Unre Patras do roroṛe ehopʼena, “Iń do ńitokʼ sạrigeń bujhạu daṛeakʼ kana, Isorakʼ mẽtʼãhã samaṅre do jotogeko somangea.