Romiko lạgitʼ Pạul Apostolakʼ ciṭhi 3:26 - সান্তালী বাইবেল

²⁶ Onate ńitokʼ sạbudokʼ kana je, acʼ cetʼlekae dhoromge onkage Jisure pạtiạukʼicʼ hõ dhorom menteye ataṅea.

Santali Common Language New Testament

²⁶ Onate ńitokʼ sạbudokʼ kana je, acʼ cetʼlekae dhoromge onkage Jisure pạtiạukʼicʼ hõ dhorom menteye ataṅea.

Romiko lạgitʼ Pạul Apostolakʼ ciṭhi 3:26 Referans Kwoze

Romiko lạgitʼ Pạul Apostolakʼ ciṭhi 4:5

Menkhan okoe acʼakʼ kạmire bhorsa baṅkate eken Isorreye pạtiạukʼkan, Isor do uniyakʼ biswạs iạte dhorom menteye lekhayea, ente unige kại hoṛ do dhorom menteye lekha daṛeaea.

Dosar Biboron 32:4

“Uni kangeae asray buru do, uniyakʼ kạmi do sạbitgetaea; uniyakʼ sanam horko do hok reakʼ kana. Uni do ṭekʼhãḍicʼ Isor kanae, unire jãhãn behokakʼ do bạnukʼanaṅ; uni do sạri are dhoromgea.

Romiko lạgitʼ Pạul Apostolakʼ ciṭhi 3:30

ente Isor doe mitʼ goṭengea. Uni do Jihudiko cetʼleka biswạs hotete dhorom menteye ataṅ akatʼko onkage boṅgan hoṛ jạtrenko hõe dhorom ocokoa.

Romiko lạgitʼ Pạul Apostolakʼ ciṭhi 8:33

Isor okoekoe bachao akatʼko onko upạrte do okoeye lạlisa? Isor acʼge coṅ onko ma dhorom menteye ataṅ akatʼko.

Sephaniạ 3:5

Unireye tahenkan Probhu Isor doe dhoromgea; uni do bae behoka; uni do setakʼre acʼakʼ dhorom bicạre udukʼeda; oka hilokʼ hõ bae gạphileda. Menkhan bedhorom kạmikoakʼ lajao do bạnukʼtakoa.

Jesaea 42:21

Probhu Isor doe kusiyena ar acʼakʼ dhorom ńutumte acʼakʼ ạnko maraṅ are ṭhonok ocoakada.

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtkoren raj, tinạkʼ dhorom ar sạriyakʼgea amakʼ horko do!

Sephaniạ 3:15

Probhu Isor do amakʼ sạjạiye sạṅgiń giḍiakada, uni do amren bạirikoe laga ńir akatʼkoa. Israelren raj Probhu Isor do am talare menaea; am do ar tishõ bin bhạlạiyakʼ do alom botorakʼa.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Jesaea 45:21

Dela, mambla samaṅtape, dạkhiltape; ar mitʼsãote sopolhaepe. Niạ ghoṭna hoyokʼ ona do laha khon okoeye men akawatʼpea? Sedaeakʼ ona do lahare okoeye sodor akada? Iń Probhu Isorge cetʼ ona do bạń onka akada? Iń chaḍa ar cele Isorge bạnukʼkoa; iń do dhoromren Isor kạnạń, ar babańcaoicʼ hõ ińge. Iń chaḍa ar cele Isor hõ bạnuiya.

Luk 1:80

Ar Johan doe hara idiyente Jiureye daṛe idiyena. Ar Israelko samaṅre ạuriye bahalokʼ hạbicʼ uni do hahaṅkarregeye tahẽyena.

Romiko lạgitʼ Pạul Apostolakʼ ciṭhi 3:25

Isor doe sodorakatʼ tahẽkana je, okoeko pạtiạukʼkan onko lạgitʼ Jisu Mạsi do acʼakʼ mãyãm hotete, metakʼme acʼakʼ jiwiye alaeketʼte uniye kusi ocokedea. Nonkate Isor doe udukʼ akada acʼakʼ sahao gun iạte manwakoakʼ lahateakʼ kại reakʼ sạjại bae emlenre hõ uni doe dhoromgea.

Romiko lạgitʼ Pạul Apostolakʼ ciṭhi 3:27

Niạ tayom manwa do gorbokʼ reakʼ ar cetʼ menakʼtaea? Cetʼhõ baṅa. Menkhan cedakʼ bạnukʼa? Manwa do ạnkoe manaoetʼkante gorbokʼ reakʼ cetʼge bạnukʼtaea? Ona do baṅa. Sạri katha do noa kana, biswạsre gorbokʼ reakʼ jaega do bạnukʼa,