Romiko lạgitʼ Pạul Apostolakʼ ciṭhi 3:19 - সান্তালী বাইবেল

¹⁹ Baḍaegea bon Moseyakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

Santali Common Language New Testament

¹⁹ Baḍaegea bon Moseakʼ ạn do onko lạgitʼge one okoe do ona ạn gobolre menakʼko. Onate Jihudi ar boṅgan hoṛ jạtrenko okoe hõ jãhãnakʼ mementeakʼ do bạnukʼtakoa, sanam manwage Isor samaṅreko dusigea.

Romiko lạgitʼ Pạul Apostolakʼ ciṭhi 3:19 Referans Kwoze

Galathiko lạgitʼ Pạul Apostolakʼ ciṭhi 3:10

Sonot sostorre olakana, “Sarapanicʼ kanae uni do, one okoe ạn-ạri reakʼ mimitʼ hukumko leka bae senokʼkan.” Enḍekhan ńelokʼ kana, ạn-ạrire bhorsakʼkan sanamkorege noa sarap do menakʼa.

Romiko lạgitʼ Pạul Apostolakʼ ciṭhi 3:9

Enḍekhan ńitokʼ cetʼbon menkea? Jihudi lekate cetʼ boṅgan hoṛ jạtrenko khon aleakʼ dosa do cetʼ sorosgea? Baṅa. Ente laharege coṅle menakatʼ Jihudiko ar boṅgan hoṛ jạtren sanamkoge kại gobolren kanako.

Jeheskel 16:63

Iń do tinre amakʼ sanam behokakʼ iń ikại tama unre am do onako behok reakʼ katha disạitem lajaokʼa ar amakʼ bemanot iạte tishõ moca do bam jhijtama. Iń Probhu Isorge noa katha doń meneda.”

Galathiko lạgitʼ Pạul Apostolakʼ ciṭhi 5:18

Sonot Jiu hotetepe ạyur ocokʼkan khan enḍekhan ạn-tạriren dope baṅkana.

1 Korinthiko 1:29

uni do onakogeye bachaoana jemon Isor samaṅre okoe manwa hõ aloe sarhaokʼ.

Romiko lạgitʼ Pạul Apostolakʼ ciṭhi 3:23

ente sanamkogeko kại akada ar Isorakʼ sarhao ńam lạgitʼko be lekgea.

Sereńko 107:42

Isor botoraekan hoṛ do ona ńelteko rạskạyena, menkhan behoketʼko do mocae tubetʼketʼtakoa.

Galathiko lạgitʼ Pạul Apostolakʼ ciṭhi 4:21

Ape okoe do ạn-tạrire tahen sanayetʼpe, mase lạiyạńpe, ạn-ạri okae menetʼ ona do cetʼ bape ańjom ńameda?

Galathiko lạgitʼ Pạul Apostolakʼ ciṭhi 4:5

Jemon ạn gobolre tahenkan hoṛkoe kiriń chaḍao daṛeako, ar Isorren hoponko menteye ataṅ bon.

Romiko lạgitʼ Pạul Apostolakʼ ciṭhi 1:20

Isorakʼ oka gun mẽtʼte baṅ ńelokʼkan, metakʼme uniyakʼ jaejug reakʼ daṛe ar uniyakʼ Isortetʼ do sirjon reakʼ etohopʼ khonge pusṭạute sodorgea. Uniyakʼ sirjon khonge manwa do bes okocʼte onako ńel oromeda arko bujhạu daṛeakʼkana. Niạ tayom manwakoakʼ ar jãhãn ạnḍuṅteakʼ do oho tahẽlena.

Johan 8:9

Noa katha ańjomkate onko mukhiyạko modre haṛam khon ehopʼkate mitʼ mitʼte jotoko calao cabayena. Eken Jisu eskargeye sarecʼ tahẽyena, ar acʼ samaṅre do uni maejiuge teṅgo akan.

Jobakʼ 5:16

Ona iạte nandhan hoṛko doko asokʼkana ar behokakʼ do bond utạrokʼ kana.

1 Samuel 2:9

Uni do acʼ bhuktiyae kanko jaṅga do bae tohotʼ ocokoa, ar bedhorom hoṛ do ńutreko ḍahao maraokʼa; ente okoe manwa hõ apnarakʼ daṛete do bae jitạu daṛeakʼa.

Romiko lạgitʼ Pạul Apostolakʼ ciṭhi 3:4

Khạṭige baṅa. Sanam manwako eṛegere hõ Isor do jao okteye sạrigea. Sonot sostorre ol menakʼa, jemon amakʼ kathakore dhoromem ṭarhaokʼ arem bicạrokʼre dom jitạukʼ.

Romiko lạgitʼ Pạul Apostolakʼ ciṭhi 3:2

Ona do joto secʼ khonge porhowanakʼ hoyakana. Pạhilte Isor do acʼakʼ katha Jihudikogeye ematʼko tahẽkana.

Johan 15:25

Noa do hoyakana onkoakʼ ạn-ạrire olakan katha jemon purạukʼ, ‘onko do ạuṛiyakʼte ińko kurudạń kana.’

Sereńko 63:11

Raj do mekhan Isor iạtegeye rạskạkʼa; ar okoe Isorakʼ ńutumteko kiriạkʼkan onko do jotoge uni iạteko sarhaokʼa; menkhan phạsiạrakoakʼ moca do bond ocokʼtakoa.