Romiko lạgitʼ Pạul Apostolakʼ ciṭhi 3:1 - সান্তালী বাইবেল

¹ Ar onkage hoyokʼ khan enḍekhan Jihudikoakʼ do bises cetʼ porho hoyakana? Ar khatnakʼ reakʼ porho baṅ cetʼkan?

Santali Common Language New Testament

¹ Ar onkage hoyokʼ khan enḍekhan Jihudikoakʼ do bises cetʼ porho hoeakana? Ar khatnakʼ reakʼ porho baṅ cetʼkan?

Romiko lạgitʼ Pạul Apostolakʼ ciṭhi 3:1 Referans Kwoze

Genesis 25:32

Esaue menkeda, “Ńelme, iń doń gujukʼ lạgidokʼ kana, ar maraṅicʼ hopon ạidạrite do cetʼ hoyokʼtińạ?”

Sosolhayic̕ 6:11

Tinạkʼ bạ̃ṛti katha hoyokʼ unạkʼge ạuṛiyakʼtetʼ hõ ḍherokʼa, onate manwa do cetʼ porho hoyokʼtaea?

Sosolhayic̕ 6:8

Lelha hoṛ khon ạkilan hoṛ do cetʼteye sorosa? Eṭakʼko samaṅre cetʼleka calakʼ hoyokʼ onae baḍaekate mitʼṭecʼ reṅgecʼ hoṛakʼ do cetʼ porho?

Ibriko 13:9

Aema lekan nãwã nãwã cecetʼakʼte bhul horte jemon aloko bulạu idipe. Aboakʼ mon do dãṛẽ samaṅ akatʼ jomakʼre tahẽ baṅkate Isorakʼ dayare jemon kajakte ṭarhao akae tahen. Okoe ona jomakʼreko ṭehãḍokʼkan tahẽkan, onko do ona jomakʼ khon jãhãn porho baṅ hoylentakoa.

1 Korinthiko 15:32

Ephesusre bir janwarko tulucʼ okań lạṛhạilen, ona jodi manwako lekań onka lekhan enḍekhan cetʼ porho hoyokʼtińạ? Ar gocʼko bako jiwetʼ beredokʼ khan enḍekhan, “delabon jom ńũite okteko bon khemaoma; ente gapa dobon gujukʼa.”

Malaki 3:14

Apepe meneda, ‘Isor sarhaoe do ạuṛiyakʼgea. Uniyakʼ ạn-ạri lekate kạmi ar homor halaṅ baṛakate phạdkoren Probhu Isor samaṅre dãṛãbaṛae do cetʼ aboakʼ jãhãn lab hoyena?

Sereńko 147:20

Eṭakʼ jạtrenko lạgitʼ do bae onka akada; onko do uniyakʼ ạn ạriko bako baḍaea. Probhu Isorakʼge sarhao hoyokʼtae ma.

Johan 4:22

Ente ape do okaṭakʼ bape baḍaekan onape sewawakʼ kana, menkhan ale okaṭakʼle baḍaeakatʼ onagele sewawakʼ kana, ente kại khon bańcaokʼ do Jihudiko khonge hecʼakana.

Romiko lạgitʼ Pạul Apostolakʼ ciṭhi 3:2

Ona do joto secʼ khonge porhowanakʼ hoyakana. Pạhilte Isor do acʼakʼ katha Jihudikogeye ematʼko tahẽkana.

Romiko lạgitʼ Pạul Apostolakʼ ciṭhi 3:9

Enḍekhan ńitokʼ cetʼbon menkea? Jihudi lekate cetʼ boṅgan hoṛ jạtrenko khon aleakʼ dosa do cetʼ sorosgea? Baṅa. Ente laharege coṅle menakatʼ Jihudiko ar boṅgan hoṛ jạtren sanamkoge kại gobolren kanako.