Romiko lạgitʼ Pạul Apostolakʼ ciṭhi 2:29 - সান্তালী বাইবেল

²⁹ Menkhan ontorte okoe doe Jihudikan uni kangeae khạṭi Jihudi. Ar khạṭigeye khatna akan reakʼ kạmi hõ ontorrege hoyokʼa. Ona do sonot Jiu reakʼakʼko kana, olakʼ ạnko pańjae reakʼ do baṅkana. Nonkan hoṛ do manwa secʼ khon sarhao do bako ńama, menkhan Isor secʼ khon sarhao doko ńamgea.

Santali Common Language New Testament

²⁹ Menkhan ontorte okoe doe Jihudikan uni kangeae khạṭi Jihudi. Ar khạṭi khatna akan reakʼ kạmi hõ ontorrege hoyokʼa. Ona do sonot Jiu reakʼakʼko kana, olakʼ ạnko pańjae reakʼ do baṅkana. Nonkan hoṛ do manwa secʼ khon sarhao bako ńama, menkhan Isor khon sarhao doko ńamgea.

Romiko lạgitʼ Pạul Apostolakʼ ciṭhi 2:29 Referans Kwoze

Dosar Biboron 30:6

Ar jemon apeakʼ goṭa mon ar ontorte unipe dulạṛete jiwetʼpe tahen ona lạgitʼ ape ar aperen bõsko ontorreye khatna ocopea.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Dosar Biboron 10:16

Ona iạte apeakʼ ontorre baṛe khatnakʼpe; menkan keṭecʼ hoṭokʼanko do ar alope hoyokʼa.

Jirimiạ 4:4

E Jihudạ ar Jerusalemren hoṛko, Probhu Isorakʼ bataotae lạgitʼ apnartetʼ khatnakʼpe, metakʼme apeakʼ ontor reakʼ ghạṭko ocokʼ giḍikakʼpe; ar baṅ khan apeakʼ bạṛicʼ kạmi iạte ińakʼ edre do seṅgel leka salgaokʼa, ar ona do okoehõ bako ĩṛĩcʼ daṛeakʼa.

1 Thessalonikikko 2:4

bickom lek kanale mente bhage sombat baḍae ocoko reakʼ bhar Isor do alereye emakatʼte ona lekatele roṛeda. Manwa kusi ocoko lạgitʼ do baṅ menkhan okoe aboakʼ ontore biḍạu aṭkaretʼ uni Isor kusi ocoye lạgitʼgele roṛeda.

1 Patras 3:4

bickom okaṭakʼ reakʼ cehratetʼ baṅ maraokʼ, ona mạ̃hir ar nindhạn colonte apeakʼ ontor sajaotape. Isorakʼ mẽtʼãhã samaṅre onage bạ̃ṛti damanakʼ kana.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

2 Korinthiko 10:18

ente apnarte sarhaokʼicʼ do okoe hõ bhage mente bae sạbudokʼa, bickom Probhu Isor okoeye sarhaoe unige bhage menteye sạbudokʼa.

Romiko lạgitʼ Pạul Apostolakʼ ciṭhi 7:6

Unre abo okaṭakʼko tol akawatʼ bon tahẽkan onarege bon gocʼlena. Onate ńitokʼ do ạn khon bon sạdhingea. Ona iạte abo do olakʼ ạn-ạri reaṅ ona sedaeakʼ jion horren golam dobon baṅkana, menkhan sonot Jiu emakʼ nãwã jion horren golam bon hoyakana.

Romiko lạgitʼ Pạul Apostolakʼ ciṭhi 2:27

Am ṭhen ma coṅ olakʼ ạnko menakʼge ar khatna hõm khatna ocoakange. Menkhan ạn-ạriko bam bataoetʼ khan okoe bin khatna akanre hõ ạnkoe manaoetʼ, uni do cetʼ ạn bam bataoetʼkante bae dusimea?

2 Korinthiko 3:6

Mitʼṭecʼ nãwã bondobos reakʼ katha baḍae ocole lạgitʼ uni doe lek ocoketʼlea. Noa bondobos do eken ạn-ạriko manao reaṅ do baṅ, menkhan sonot Jiuakʼ ạyurte ontorre gobolokʼ reaṅ kana; ente ạn-ạrikote do gogocʼgea menkhan sonot Jiu do jione emokʼa.

Johan 12:43

Onko do Isor ṭhenakʼ man khon hoṛko ṭhenakʼ mange bạ̃ṛtiko kusiyakʼkan tahẽkana.

Johan 5:44

Ape do eṭakʼko ṭhen khon sarhao ocokʼpe ńamkana, menkhan okaṭakʼ sarhao eken Isor ṭhen khon ńamokʼ ona reakʼ do bape kurumuṭuyeda. Ar noa tayom do cekatepe pạtiạu daṛekokʼa?

Luk 11:39

Unre Probhu do uniye metadea, “Ape Phạrusiko do thạri ar bạṭi reakʼ bahre secʼgepe saphayetʼ kana, menkhan apeakʼ bhitritetʼ do laloc ar bạṛicʼte perecʼgetapea.

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

1 Bõsbudạ 29:17

E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.

Romiko lạgitʼ Pạul Apostolakʼ ciṭhi 14:17

Isorakʼ rajre jom ar ńũ do maraṅakʼ do baṅkana; maraṅ katha do hoyokʼkana, dhorom ar suluk ar rạskạge Sonot Jiure tahen.

1 Samuel 16:7

Menkhan Probhu Isor do Sạmuele metadea, “Uniyakʼ rup se tinạkʼe usula ona do alom ńela, ente uni doń nihạ̃t akadea. Manwa okaṭakʼe ńel onate do jãhãnakʼ do baṅ cekakʼa, ente manwa do bahre rupko ńela menkhan Probhu Isor do ontorgeye ńeleda.”

Johan 4:23

Menkhan okte daraekana, ar ńit hõ kangea, one unre sạri sewako do Jiu ar sạriyakʼte Babako sewawaea. Ar Baba hõ nonkan sekʼwakogeye ńam baṛayetʼkoa.

Luk 17:21

Okoe hõ bako mena, ‘Isorakʼ raj do nõkʼõe nonḍe’ se, ‘hane hanḍe,’ ente Isorakʼ raj do aperege menakʼa.”

Sereńko 45:13

Raj oṛakʼre raj hoponera do ạḍige mońje ńelokʼa; ar uniyakʼ horokʼ bandeakʼ do sona reakʼ sutạmte rokʼ galaṅ akana.

Jirimiạ 9:25

Probhu Isore meneda, “Nonkan dinko hijukʼkana tinre iń do Misorre, Jihudạre, Edomre, Amonre, Moabre ar hahaṅkarreko girobasokʼ kan, okoe do bohokʼ banarsa aṛe reakʼ upʼko kaṭopʼetʼtako onko sanamkogeń sạjạikoa. Onko do eken hoṛmo motoko khatna akana, ontor do baṅa; Israelko hõ ontor do bako khatna akana.”

Romiko lạgitʼ Pạul Apostolakʼ ciṭhi 3:1

Ar onkage hoyokʼ khan enḍekhan Jihudikoakʼ do bises cetʼ porho hoyakana? Ar khatnakʼ reakʼ porho baṅ cetʼkan?

1 Korinthiko 7:19

Khatna ar bin khatna do cetʼ hõ baṅkana, menkhan Isorakʼ hukum dohoege asolakʼ kana.