Romiko lạgitʼ Pạul Apostolakʼ ciṭhi 2:18 - সান্তালী বাইবেল

¹⁸ Isor okae khojkan ona hõm baḍaegea ar okaṭakʼ bhageakʼkan ona dom aṅgoceda, ente ạn-ạri khonge ona sikhnạt dom ńamakada.

Santali Common Language New Testament

¹⁸ Isor okae khojkan ona dom baḍaegea ar okaṭakʼ bhageakʼkan ona dom aṅgoceda, ente ạn-ạri khonge ona sikhnạt dom ńamakada.

Romiko lạgitʼ Pạul Apostolakʼ ciṭhi 2:18 Referans Kwoze

1 Thessalonikikko 5:21

Bhageakʼ sapʼ doho joṅpe,

Jakob 4:17

Onate bhage kạmi baḍaekate hõ okoe bae kạmi uni doe kạiyeda.

Philipiko lạgitʼ Pạul apostolakʼ ciṭhi 1:10

Enḍekhan okaṭakʼ do joto khon sạri bhageakʼkan ona bujhạukatepe bachao daṛeakʼ. Noate ape do Mạsi Jisu hotete dhorom reakʼ jotepe perejokʼte Mạsiyakʼ hijukʼ din hạbicʼ khạṭi ar bin daganpe tahẽdaṛeakʼa, ar onate Isorakʼ do ṭhonok ar sarhao hoyokʼtaea.

Dosar Biboron 4:8

Nonkan ar okoe jạtren menakʼkoa one onkoakʼ niạm ar ạn-ạriko ape ṭhen teheń iń emakʼ niạm leka hokte perecʼge?

Ibriko 5:14

Okoekoakʼ umer hoyakan eken onkoge keṭecʼ jomakʼko jom daṛeakʼa, metakʼme Isorakʼ katha reakʼ keṭecʼ sikhnạtko bujhạu daṛeakʼa. Ar ạḍi dhao hewakʼte onko do bhage bạṛicʼko bichnạu daṛeakʼa.

Romiko lạgitʼ Pạul Apostolakʼ ciṭhi 15:4

Sonot sostorre okako ol lahalen ona do abo cetʼ abon lạgitʼge ollena, jemon sostor khon sobori ar udgạu bon ńamte as tahen tabon.

Johan 13:17

Noako baḍaekate onako lekape kạmile khan enḍekhan ape dope bhạgangea.

Luk 12:47

“Ar okoeṭakʼ guti do acʼren kisạ̃ṛakʼ sana baḍaekate hõ sapṛao bae tahen se kisạ̃ṛ okae khojkan ona bae onkae enḍekhan uni do bebạṛicʼe dal ocokʼa.

Kạhtukko 6:23

ente noako hukum do diuhe leka, noa sikhnạt do marsal leka, ar ḍanṭao reakʼ nisṛạu do jion reakʼ horge.

Sereńko 119:130

Amakʼ kathako sodorlenre marsale emeda; ona do sojhe monan hoṛkoakʼ buj reakʼ daṛeye emakoa.

Sereńko 19:8

Probhu Isorakʼ sanam ạnko do sojhe horteye calaoeda, ar ontorre rạskại emokʼ kana. Probhu Isorakʼ hukum do niphuṭgea, ona do ontore cerṭha ocoyeda.

Luk 1:4

Onate am okaṭakʼem ańjomakatʼ ona sạrikana se baṅa, onam baḍae daṛeakʼa.

Romiko lạgitʼ Pạul Apostolakʼ ciṭhi 2:19

Am dom hudiseda kãṛãko horem udukʼ akokana. Ar ńutre okoe menakʼko onko ṭhen do marsal lekam hudisokʼ kana.